الموضوع: C 180

المشاركة الأصلية كتبت بواسطة seven777

فوانيس قدام ديبو 1600


طيب انا لسه جايب فانوسين قدام ب 1280 ديبو جداد
و كنت سألت فى واحد قالى ب 1800 ايه اللى يفرق ولا هما كلهم واحد ؟

اللى انت جبتهم دول يا باشا اللى هما العاديين انما التانى الكريستال اللى اللى فيه عدسات عشان الزينون و فيه منهم سموك اغلى شويه بس مجبتهمش عشان عايزين لون فاتح و العربيه عندى غامقه

انا سعيد انى لقيت مواضيع عن العربية ديه, دلوقتى بفكر اغير, و فى البداية كنت مركز مع فورد فوكس او بى ام E46, البى ام قلقان منها فى كذا نقطة, اولا عربيات كتير مشرخة بطاحات, بتجيب مقصات كتير, العربية يتواجه مشاكل سخونية كتير و بطير الماتور, قطع غيارها اعتقد اغلى من ال c 180.

عاوز اعرف هل فيه عيوب معروفة فى ال الفئة ديه (موديلات 2001 الى 2003 مثلا), اخبار العزل و الثبات و العفشة ايه, اخبار الماتور, و التكييف, و هل فيه مشاكل فى اداء التكييف. اسعار قطع الغيار المعروضة ارخص من البى ام تقريبا, يعنى الاعتمادية بشكل عام اخبارها ايه.

انا بصراحة الميزانية ممكن تبقى فى حدود 120 الى 125 الف جنيه, ده ممكن يركبنى عربية كويسة مش متهانة (2001 الى 2003).

المشاركة الأصلية كتبت بواسطة TOOLA

انا سعيد انى لقيت مواضيع عن العربية ديه, دلوقتى بفكر اغير, و فى البداية كنت مركز مع فورد فوكس او بى ام E46, البى ام قلقان منها فى كذا نقطة, اولا عربيات كتير مشرخة بطاحات, بتجيب مقصات كتير, العربية يتواجه مشاكل سخونية كتير و بطير الماتور, قطع غيارها اعتقد اغلى من ال c 180.

عاوز اعرف هل فيه عيوب معروفة فى ال الفئة ديه (موديلات 2001 الى 2003 مثلا), اخبار العزل و الثبات و العفشة ايه, اخبار الماتور, و التكييف, و هل فيه مشاكل فى اداء التكييف. اسعار قطع الغيار المعروضة ارخص من البى ام تقريبا, يعنى الاعتمادية بشكل عام اخبارها ايه.

انا بصراحة الميزانية ممكن تبقى فى حدود 120 الى 125 الف جنيه, ده ممكن يركبنى عربية كويسة مش متهانة (2001 الى 2003).

انا كمان كنت زيك كده بفكر فى e46 و بحترمها جداااااااا و موضوع البطاحات ده راجع لان اللى راكب بخيل و المساعدين ضربت و هو مش هاين عليه يغيرها و المقصات دى من شوارع بلدنا اللى تجيب اجل احسن عفشه و قطع الغيار يعنى تقدر تقول فى نفس المستوى اة البى ام اعلى شويه
بالنسبه لل c180
العزل اكتر من ممتاز و الثبات طبعا مفيش فيه كلام دى مرسيدس و فيها esp و عوامل الامان اكتر من ممتازه
التكييف ادائه جميل بس متقارنش بتكييف اليبانى و اعتقد الامان مش بيحبه يعملوا تكييف تلاجه زى ما بيقولوا لاسباب صحيه و الله اعلم

الموتور هيا بتنزل بمواتيير كتير
الموتور الى 2.0l بدون كمبيرسور 128 حصان 2 كامه و ده نزل من 2001 ل 2003
موتور ادائه كويس جدا هو نفس موتور العيون اللى لحد 2000 بس ادوات التغديه مختلفه

موتور 1.8 l بكمبريسور و ده 143 حصان 2 كامه و ده نزل من 2003 لحد 2007
موتور ادائه اعلى من السابق و تكنولوجيا اعلى بس معقد اكتر و قطع غياره اغلى شويه

موتور 2.0l كمبريسور 163 حصان 2 كامه و ده نزل من 2002 لحد 2007 بس العربيه بتبقى c200 مش c180
موتور ادائه جبار اكتر من سابقيه و نفس تكنولوجيا ال 1.8

الاعتماديه طبعا اعلى من البى ام و دى معروفه
بالنسبه للسعر من 120 ل 125 انا شايفه قليل شويه على موديل 2002 بالموتور الاول
اسعارها بتبتدى من 130 على حسب نضافه العربيه

حاجه كمان بحب اقولها لكل الناس اللى بتسال العربيات كلها من بعد موديل 2000 كلها كهربا و مشبكه مع بعضها و اهم حاجه فيها السيرفس و عيب الالمانى انه بيتظلم معانا فى مصر عشان اللى بيشتريه زيرو بيتعايق بيه و ميصرفش لحد ما تبدى تتعب يروح بايعها و اللى بيشترى يلاقى نفسه محتاج يغير حجات كتيير جدا مش لعيب فى العربيه و انما لعدم الصيانه فى المواعيد فا لو ناوى تجييب المانى مستعمل لازم تحط مبلغ بره تمن العربيه للصيانه عشان تضبطها صح و تتمتع بيها من غير مشاكل و مهما قالولك دى بتسرفس فى التوكيل و مش عايزه مصاريف لازم حتلاقى فيها شغل و مصروف

ال c كمان فيها حجات كتيير مش موجوده فى e46
شاشه اعطال كامله فى الطابلوه بتجبلك كل حاجه حتى لو لمبه محروقه و بتقولك مكانها فين
درج تبريد فى الكونسول
رفع و انزال الزجاج بالريموت من حساس فى مقبض باب السائق
الزجاج لو حاجه اعترضته و هو بيطلع بيقف و يروح نازل كنوع من الامان لو حد دراعه بره
المخادع الخلفيه قابله للطى كهربيا
حساس لباب الشنطه و الكابوت
تشغيل الفوجات و النور الصغير اول ما تفتح السنتر او تقفله مع التحكم فى المده من الكمبيوتر متعدد الوظائف
الحجات دى زياده عن اللى موجود فى e46

اتمنى انى اكون قدرت افيدك

المشاركة الأصلية كتبت بواسطة titos_81

انا كمان كنت زيك كده بفكر فى e46 و بحترمها جداااااااا و موضوع البطاحات ده راجع لان اللى راكب بخيل و المساعدين ضربت و هو مش هاين عليه يغيرها و المقصات دى من شوارع بلدنا اللى تجيب اجل احسن عفشه و قطع الغيار يعنى تقدر تقول فى نفس المستوى اة البى ام اعلى شويه
بالنسبه لل c180
العزل اكتر من ممتاز و الثبات طبعا مفيش فيه كلام دى مرسيدس و فيها esp و عوامل الامان اكتر من ممتازه
التكييف ادائه جميل بس متقارنش بتكييف اليبانى و اعتقد الامان مش بيحبه يعملوا تكييف تلاجه زى ما بيقولوا لاسباب صحيه و الله اعلم

الموتور هيا بتنزل بمواتيير كتير
الموتور الى 2.0l بدون كمبيرسور 128 حصان 2 كامه و ده نزل من 2001 ل 2003
موتور ادائه كويس جدا هو نفس موتور العيون اللى لحد 2000 بس ادوات التغديه مختلفه

موتور 1.8 l بكمبريسور و ده 143 حصان 2 كامه و ده نزل من 2003 لحد 2007
موتور ادائه اعلى من السابق و تكنولوجيا اعلى بس معقد اكتر و قطع غياره اغلى شويه

موتور 2.0l كمبريسور 163 حصان 2 كامه و ده نزل من 2002 لحد 2007 بس العربيه بتبقى c200 مش c180
موتور ادائه جبار اكتر من سابقيه و نفس تكنولوجيا ال 1.8

الاعتماديه طبعا اعلى من البى ام و دى معروفه
بالنسبه للسعر من 120 ل 125 انا شايفه قليل شويه على موديل 2002 بالموتور الاول
اسعارها بتبتدى من 130 على حسب نضافه العربيه

حاجه كمان بحب اقولها لكل الناس اللى بتسال العربيات كلها من بعد موديل 2000 كلها كهربا و مشبكه مع بعضها و اهم حاجه فيها السيرفس و عيب الالمانى انه بيتظلم معانا فى مصر عشان اللى بيشتريه زيرو بيتعايق بيه و ميصرفش لحد ما تبدى تتعب يروح بايعها و اللى بيشترى يلاقى نفسه محتاج يغير حجات كتيير جدا مش لعيب فى العربيه و انما لعدم الصيانه فى المواعيد فا لو ناوى تجييب المانى مستعمل لازم تحط مبلغ بره تمن العربيه للصيانه عشان تضبطها صح و تتمتع بيها من غير مشاكل و مهما قالولك دى بتسرفس فى التوكيل و مش عايزه مصاريف لازم حتلاقى فيها شغل و مصروف

ال c كمان فيها حجات كتيير مش موجوده فى e46
شاشه اعطال كامله فى الطابلوه بتجبلك كل حاجه حتى لو لمبه محروقه و بتقولك مكانها فين
درج تبريد فى الكونسول
رفع و انزال الزجاج بالريموت من حساس فى مقبض باب السائق
الزجاج لو حاجه اعترضته و هو بيطلع بيقف و يروح نازل كنوع من الامان لو حد دراعه بره
المخادع الخلفيه قابله للطى كهربيا
حساس لباب الشنطه و الكابوت
تشغيل الفوجات و النور الصغير اول ما تفتح السنتر او تقفله مع التحكم فى المده من الكمبيوتر متعدد الوظائف
الحجات دى زياده عن اللى موجود فى e46

اتمنى انى اكون قدرت افيدك

الف الف شكر يا باشا على سرعة الرد الوافى, بصراحة حبيبتنى فى العربية اكتر, وانا بصراحة شايفها اقيم من ال e46, بس كده المشكلة فى الميزانية, مش عارف هعرف اتصرف فى المبلغ ولا, ربنا يسهل.

على ايه يعنى يا باشا دى حاجه بسيطه و لو احتجت اى حاجه تحت امرك

شكرا يا باشا, ربنا يخليك, الا صحيح فى حدشغال فى العربية و ممكن نكشف عنده فى حدود مدينة نصر و مصر الجديدة و جسر السويس. انا فىي واحد فى صقر القريش المعادى بعدى اوقات من قدامه و انا بهرب من زاحمةالمعادى بلاقى قدامه كمية عربيات مرسيدسات غير طبيعية, بس معرفش اسمه