افيدوني : بريليانس FRV Cross ولا بروتون جين 2 ولا البيكانتو

**M I D O** · 07-10-2013 01:03 AM

المشاركة الأصلية كتبت بواسطة engineer sara

كله فعلا بيقول على التوكيل كدة ده غير موضوع مشكلة الفرامل اللى ادت لى حوادث قبل كدة من كلام الاعضاء اللى هنا لما حكوا عن تجاربهم مع جين تو
وبيجو 301 للاسف هى غالية وغير كدة هى سيدان وانا بفضل انى اشترى الهاتشباك
ولا مش لازم اوتوماتيك يفضل طبعا بس لو لقيت ان مثلا السانديرو ستب واى فيها كل المميزات ومانوال هحطها في حساباتي طبعا خاصة ان محدش اشتكي منها

طيب هقلك علي حاجة حلوة .. متشوفي كدة تويوتا ياريس هاتش باك

**M I D O** · 08-10-2013 11:46 PM

المشاركة الأصلية كتبت بواسطة engineer sara

برغم انها 1300 سي سي وغالية شوية بس جامدة جدااااااااااااا وشكلها حلو وماركة طبعا جامدة

العربية فعلا غالية شوية بس من جوة خطيرة جدا واحسن من البيكانتو بمراحل وياباني

**Engineer Sara** · 12-10-2013 12:21 PM

المشاركة الأصلية كتبت بواسطة nonalaziza

يا دي الحيرة
انا معايا سانديرو مانيوال وحلوة جدااا بس تعبت من المانيوال جدااااااو عرضاها للبيع دلوقتي و كنت بفكر في الكروس اوفر دلوقتي حيرتي ازدات اعمل ايه

طيب يا نونا هو المانوال متعب اوى كدة ؟؟؟
وقوليلي العربية كانت معاكي بقالها اد ايه ؟؟؟ وهل ماتورها كويس وثابتة ونظام الامان ايه اخباره في الفرامل وكدة ؟؟؟ وقوليلي انتى معاكي ستب واى ولا السانديرو العادية

**nonalaziza** · 12-10-2013 12:44 PM

المانيوال جميل بس مشاويري طويله او الزحمة بمعني اصح كترت. انا ساكنة في أكتوبر مقولكيش بقي ع المحور يعني ممكن من بيتي للنص الأخير من المحور اخد نص ساعة و اقعد في الحته الزحمة دي مالا يقل عن ساعة.
و لولا الزحمة مكنتش فكرت اغير.
انا معايا سانديرو العادية و العربية معايا بقالها سنتين و بصراحه رائعه جداً جرايه طبعاً بالنسبة للشباب لأ بس انا كنت بجيب بيها 120 و تجيب كمان بس اكتر من كده انا مقدرش. و السحب مع التكييف جميل جداً لو مش مشغله التكييف بيكون أحسن.
مافيهاش abs بس فرامل جامدة بتلحقني.
المشكلة اني محتارة ابيع واغير الأتوماتيك بتاعها ولا اجيب بريليانس او بي واي دي

**Engineer Sara** · 12-10-2013 05:53 PM

المشاركة الأصلية كتبت بواسطة nonalaziza

المانيوال جميل بس مشاويري طويله او الزحمة بمعني اصح كترت. انا ساكنة في أكتوبر مقولكيش بقي ع المحور يعني ممكن من بيتي للنص الأخير من المحور اخد نص ساعة و اقعد في الحته الزحمة دي مالا يقل عن ساعة.
و لولا الزحمة مكنتش فكرت اغير.
انا معايا سانديرو العادية و العربية معايا بقالها سنتين و بصراحه رائعه جداً جرايه طبعاً بالنسبة للشباب لأ بس انا كنت بجيب بيها 120 و تجيب كمان بس اكتر من كده انا مقدرش. و السحب مع التكييف جميل جداً لو مش مشغله التكييف بيكون أحسن.
مافيهاش abs بس فرامل جامدة بتلحقني.
المشكلة اني محتارة ابيع واغير الأتوماتيك بتاعها ولا اجيب بريليانس او بي واي دي

شكرا ليكي يا نونا على الرد
انا كمان عاجبني شكلها جدااااااااااااااا هى والستب واى بس انا كنت خايفة من abs ده خاصة انى فاهمة هو ايه لكن معرفش عمليا لانى مسوقتش عربية قبل كدة
وكنت فكرت في الستب واى عشان فيها abs لكن للاسف هى مانوال بس وانا كذا حد نصحني اشترى اوتوماتيك مناسب للبنات اكتر
وربنا يرشدك للاحسن ياااااااااااااااارب

**nonalaziza** · 12-10-2013 06:20 PM

بصي للامانه ال abs ميزة كويسة علشان لو عايزة تفرملي مرة واحدة. بس بيخض أنا بسوق عربية تانية فيها ال abs و لما بحتاجها بتعمل صوت دبدبه جامدة
و برضه فرامل السانديرو جامدة و يعتمد عليها و متهيأليش حد اشتكى من فراملها