افيدوني : بريليانس FRV Cross ولا بروتون جين 2 ولا البيكانتو

السلام عليكم

بعد موضوعي الاول وانى كنت محتارة بين 4 عربيات وبعد البحث لقيت كل الناس بتتكلم عن حاجتين
عدد الصبابات ان 16 افضل من 8
وسائل الامان air bags و الاهم ABS

توصلت لـ 3 عربيات اتمنى تفيدوني بالافضل فيهم مع ملاحظة انى عاوزة عربية بالمواصفات دي :
1- بناتي وبرده عائلية عشان السفر ( السفر مرة او مرتين من القاهرة لاسوان ومرة من القاهرة لاسكندرية مثلا )
2- قطع الغيار مش غالية اوى مع العلم انى مش ههلكها لانى مش هروح بيها غير ف الشغل ومسافة مش بعيدة
3- مفهاش مشاكل كتير وحتة الكماليات متهمنيش وسعر اعادة البيع لانى مش من هواة التغيير ولا موضوع الرفاهية ده
4- الصنايعية ممكن يفهموا فيها عادي

انهى الاحسن بقى ليا ؟؟

بريليانس FRV Cross ولا بروتون جين 2


http://www.nilemotors.net/Nile/imgca...Nilemotors.jpg

https://bkam.r.worldssl.net/egypt/fu...ac7352f84b.jpg

سؤال :
هو موضوع مدخل AUX او USB او كمبيوتر رحلات او تكييف او او من الكماليات دي لو مش موجودة ف عربية اقدر انى اركبها عادي ؟؟؟ وهل لازم التوكيل ولا عادي من اى مكان ؟؟

سؤال أخير:
لو حطينا في المقارنة كيا بيكانتو 2014 هل هى نفس الحجم ولا البيكانتو اصغر ؟؟ لاني من العربيات دي شفت البيكانتو فقط ف الحقيقة لكن الباقي لا وكمان هل البيكانتو تنفع للسفر ؟؟ وهل فيها المواصفات اللى انا طالباها ؟؟؟

http://img.5jle.com/uploadcenter/upl...1366781141.jpg

في انتظار ردكم ,,,,

البيكانتو صغيرة جداً جمبهم خصوصا الشنطة

الكروس اكبر واحدة واوسع بس معرفش فيها abs و airbags ولالا

الجين2 هختارها عشان بحبها واحسن امكانيات وكماليات فيهم

البيكاتو متتطلعش على طريق زراعى هتكون متعبه
والجين2 على ما اعتقد انها مضمونه عن البريليانس
والجين 2 منتشره والناس بتشكر فيها

انتى ليه استبعدتى السانديرو؟
فيها طلبك كله باستثناء ان كل الصنايعية هيفهموا فيها لكن ليها ناسها اكيد

اقتباس:

---

المشاركة الأصلية كتبت بواسطة eng f3lix

البيكانتو صغيرة جداً جمبهم خصوصا الشنطة

الكروس اكبر واحدة واوسع بس معرفش فيها abs و airbags ولالا

الجين2 هختارها عشان بحبها واحسن امكانيات وكماليات فيهم

---

اها الكروس فيها air bags و ABS كمان... فعلا الجين تو شكلها ومميزاتها جميلة .. شكرا ليك على الرد

اقتباس:

---

المشاركة الأصلية كتبت بواسطة mohamedxsayed

البيكاتو متتطلعش على طريق زراعى هتكون متعبه
والجين2 على ما اعتقد انها مضمونه عن البريليانس
والجين 2 منتشره والناس بتشكر فيها

---

شكرا ليك على الرد

اقتباس:

---

المشاركة الأصلية كتبت بواسطة Mohamed_Hamid

انتى ليه استبعدتى السانديرو؟
فيها طلبك كله باستثناء ان كل الصنايعية هيفهموا فيها لكن ليها ناسها اكيد

---

انا كنت فعلا مقتنعة بالسانديرو جداااااااا وحتى الآن بس للاسف السانديرو العادية فيها اوتوماتيك عادي بس عدد الصبابات 8 بس مش 16 زيهم وكمان مفهاش ABS وفيها Air Bag واحدة بس للسائق
والسانديرو الستب واى 8 صبابات برده وفيها ABS لكن مفيش منها اوتوماتيك
مش مهم اوى مانوال ولا اوتوماتيك بس لو كانت عدد الصبابات 16 كان هيبقى افضل

اقتباس:

---

المشاركة الأصلية كتبت بواسطة engineer sara

اها الكروس فيها air bags و abs كمان... فعلا الجين تو شكلها ومميزاتها جميلة .. شكرا ليك على الرد



شكرا ليك على الرد



انا كنت فعلا مقتنعة بالسانديرو جداااااااا وحتى الآن بس للاسف السانديرو العادية فيها اوتوماتيك عادي بس عدد الصبابات 8 بس مش 16 زيهم وكمان مفهاش abs وفيها air bag واحدة بس للسائق
والسانديرو الستب واى 8 صبابات برده وفيها abs لكن مفيش منها اوتوماتيك
مش مهم اوى مانوال ولا اوتوماتيك بس لو كانت عدد الصبابات 16 كان هيبقى افضل

---

مش هتفرق كتير 8 صباب من 16

كدة كدة هيا عربية خفيفة جداً في الوزن يعني هتلاقيها بتجري مع حضرتك

اه انا كدة فهمت. بس مش عارف هتفرق كثير مع السحب والاستهلاك ولا لأ مع محرك المفروض انه نضيف. هى عموما مع واحد صاحبى المنوال العادية وبيسافر بيها كل يوم تقريبا حوالى من 70 - 100 كيلو ومش بيشتكى من حاجة.
بالتوفيق ان شاء الله

طبعا جين 2 بدون تفكير بس دي مقارنة غير عادلة لان البرليانس ب 86 الف و الجين 2 ب 104 فئتين مختلفين تماما والي يخليك تفكر في البروتون 104 هات البيجو 301 اوروبي ب 107

البيكانتو صغيرة جدا بالنسبة للعربيتين بس هي فيها كماليات كتير
الجين 2 الكل بيشكر فيها وعربية محترمة جدا وثباتها محترم وشكلها شبابي بس كان في شكوى منها في الفرامل بتاعتها مش عارف الموضوع ده اتحل في الموديلات الجديدة ولا زي ماهو
ان راي انك ترجعي تحطي السانديرو تاني في حساباتك عربية محترمة جدا وانتشرت جامد وزي ما الاعضاء قالولك في الفئة دي من العربيات مش حيفرق اوي معاكي كام صباب وربنا يوفقك للي فيه الخير ان شاء الله

اقتباس:

---

المشاركة الأصلية كتبت بواسطة eng f3lix

مش هتفرق كتير 8 صباب من 16

كدة كدة هيا عربية خفيفة جداً في الوزن يعني هتلاقيها بتجري مع حضرتك

---

انا مش فاهمة اصلا 8 صباب من 16 صباب عشان كنت عملت سيرش وشفت شرح ان كل ما زاد عدد الصبابات قوة العربية وسرعتها بتكون اكبر ... صح ؟؟
وانت من رأيك السانديرو الستب واى افضل من اللى انا ذكرتهم ؟؟ هو الاختلاف بينهم دلوقتي انها طبعا فرنسي وكمان 8 صبابات بس ... وطبعا شكلها احلى وافخم

اقتباس:

---

المشاركة الأصلية كتبت بواسطة mohamed_hamid

اه انا كدة فهمت. بس مش عارف هتفرق كثير مع السحب والاستهلاك ولا لأ مع محرك المفروض انه نضيف. هى عموما مع واحد صاحبى المنوال العادية وبيسافر بيها كل يوم تقريبا حوالى من 70 - 100 كيلو ومش بيشتكى من حاجة.
بالتوفيق ان شاء الله

---

انا فعلا ملقتش حد اشتكي منها بس لما لقيت الكل بيركز على حتة مستوى الامان في موضوع abs لقيت الستب واى بس اللى فيها الموضوع ده

اقتباس:

---

المشاركة الأصلية كتبت بواسطة m i d o

طبعا جين 2 بدون تفكير بس دي مقارنة غير عادلة لان البرليانس ب 86 الف و الجين 2 ب 104 فئتين مختلفين تماما والي يخليك تفكر في البروتون 104 هات البيجو 301 اوروبي ب 107

---

لا البريليانس الكروس ب 102 الف اوتوماتيك والجين تو اوتوماتيك ب 109 الف . سعرهم مقارب
يختلفوا بس ان الجين تو عدد الابواب 5 و1600 سي سي وهاتشباك
والكروس 4 ابواب و 1498 سي سي والنمط كروس اوفر

اقتباس:

---

المشاركة الأصلية كتبت بواسطة marwan yahya

البيكانتو صغيرة جدا بالنسبة للعربيتين بس هي فيها كماليات كتير
الجين 2 الكل بيشكر فيها وعربية محترمة جدا وثباتها محترم وشكلها شبابي بس كان في شكوى منها في الفرامل بتاعتها مش عارف الموضوع ده اتحل في الموديلات الجديدة ولا زي ماهو
ان راي انك ترجعي تحطي السانديرو تاني في حساباتك عربية محترمة جدا وانتشرت جامد وزي ما الاعضاء قالولك في الفئة دي من العربيات مش حيفرق اوي معاكي كام صباب وربنا يوفقك للي فيه الخير ان شاء الله

---

شكرا ليك على ردك وفعلا انا مقتنعة اكتر من الاول بالسانديرو بس هفكر في الستب واى بقى ومش مهم مانوال عشان التانية العادية برغم انها اوتوماتيك بس مفهاش نظام abs

حضرتك ناوية تجيبي الاوتوماتيك امممممممممم يبقي جين 2 بس خلي بالك لان مسافة الفرامل فيها غير العربيات العادية وعاوزة تعود شوية وسيبك من الكروس الاوتوماتيك لانها متسواش 90 الف مش 102 الف و برضو خلي في بالك البيجو 301 مانيوال 107 ودي هتبقي عربية العمر ليكي فعلا وعمرك ما هتندمي لو جبتيها وانا لو القسط يسمح هجيبها بدون تفكير والله ولو عاوزة اوتوماتيك بس و الفلوس مساعداكي لحد 123 الف يبقي بيجو 301 الفئة الثانية اوتوماتيك وهممممم وفيها كل الي تتمنية وهتبقي راكبة عربية في مستوي الالماني وخلي بالك برضو الجين 2 قطع غيارها غالية و مش متوفرة في التوكيل وتوكيل بروتون عموما عز العرب زبالة الزبالة وتغور من وشة ولو ب 50 الف

اقتباس:

---

المشاركة الأصلية كتبت بواسطة m i d o

حضرتك ناوية تجيبي الاوتوماتيك امممممممممم يبقي جين 2 بس خلي بالك لان مسافة الفرامل فيها غير العربيات العادية وعاوزة تعود شوية وسيبك من الكروس الاوتوماتيك لانها متسواش 90 الف مش 102 الف و برضو خلي في بالك البيجو 301 مانيوال 107 ودي هتبقي عربية العمر ليكي فعلا وعمرك ما هتندمي لو جبتيها وانا لو القسط يسمح هجيبها بدون تفكير والله ولو عاوزة اوتوماتيك بس و الفلوس مساعداكي لحد 123 الف يبقي بيجو 301 الفئة الثانية اوتوماتيك وهممممم وفيها كل الي تتمنية وهتبقي راكبة عربية في مستوي الالماني وخلي بالك برضو الجين 2 قطع غيارها غالية و مش متوفرة في التوكيل وتوكيل بروتون عموما عز العرب زبالة الزبالة وتغور من وشة ولو ب 50 الف

---

كله فعلا بيقول على التوكيل كدة ده غير موضوع مشكلة الفرامل اللى ادت لى حوادث قبل كدة من كلام الاعضاء اللى هنا لما حكوا عن تجاربهم مع جين تو
وبيجو 301 للاسف هى غالية وغير كدة هى سيدان وانا بفضل انى اشترى الهاتشباك
ولا مش لازم اوتوماتيك يفضل طبعا بس لو لقيت ان مثلا السانديرو ستب واى فيها كل المميزات ومانوال هحطها في حساباتي طبعا خاصة ان محدش اشتكي منها

اقتباس:

---

انا مش فاهمة اصلا 8 صباب من 16 صباب عشان كنت عملت سيرش وشفت شرح ان كل ما زاد عدد الصبابات قوة العربية وسرعتها بتكون اكبر ... صح ؟؟
وانت من رأيك السانديرو الستب واى افضل من اللى انا ذكرتهم ؟؟ هو الاختلاف بينهم دلوقتي انها طبعا فرنسي وكمان 8 صبابات بس ... وطبعا شكلها احلى وافخم

---

الفرق بين ال8 صباب وال16صباب ليه علاقة بالقوة واستهلاك البنزين والكلام ده .. بس مع السانديرو وعشان هيا خفيفة في الوزن الموضوع ده مش هيبقى ملحوظ

عكس الجين2 مثلا موتور 16 صباب بس بيجري مع ان وزن العربية 1200+ كيلو في حين السانديرو 90 حصان بس مع وزن اقل من طن

طبعاً طبعاً مش هفكر في عربية زي السانديرو بالسعر ده .. اولاً كان بيتقال ان العربية مش عليها جمارك .. معرفش لو كان عليها كانت هتعدي ال 140 الف مثلا ولا ايه؟ .. ده بقى اسمه استغلال من التوكيل
ثانياً انا بحب الجري والسانديرو مش هتساعدني في كدة خالص عكس الجين2 .. انا بتكلم عن الثبات على السرعات العالية
ثالثاً . الجين2 بتنزل ب abs+ebd ... 2 airbags .. تقريبا السانديرو مفيهاش غير ايرباج واحدة

الشكل دي ازواق طبعاً بس بردو افضل الجين2 في الشكل

اقتباس:

---

المشاركة الأصلية كتبت بواسطة eng f3lix

الفرق بين ال8 صباب وال16صباب ليه علاقة بالقوة واستهلاك البنزين والكلام ده .. بس مع السانديرو وعشان هيا خفيفة في الوزن الموضوع ده مش هيبقى ملحوظ

عكس الجين2 مثلا موتور 16 صباب بس بيجري مع ان وزن العربية 1200+ كيلو في حين السانديرو 90 حصان بس مع وزن اقل من طن

طبعاً طبعاً مش هفكر في عربية زي السانديرو بالسعر ده .. اولاً كان بيتقال ان العربية مش عليها جمارك .. معرفش لو كان عليها كانت هتعدي ال 140 الف مثلا ولا ايه؟ .. ده بقى اسمه استغلال من التوكيل
ثانياً انا بحب الجري والسانديرو مش هتساعدني في كدة خالص عكس الجين2 .. انا بتكلم عن الثبات على السرعات العالية
ثالثاً . الجين2 بتنزل ب abs+ebd ... 2 airbags .. تقريبا السانديرو مفيهاش غير ايرباج واحدة

الشكل دي ازواق طبعاً بس بردو افضل الجين2 في الشكل

---

المشكلة ان كل عربية ممكن الاقي فيها كل المميزات والاقي حاجة واحدة مش حلوة
يعني مثلا بعيدا عن الشكل خالص
الجين تو فيها مميزات جميلة جداااااا بس اتقال ان في مشكلة ف الفرامل معرفش اذا كانت اتحلت ولالا وشفت مواضيع لناس بيحكوا تجاربتهم وان مشكلة الفرامل ادت الى حدوث حوداث .. هل ده صحيح ؟؟
كمان التوكيل وانه مش تمام .. هل ده مظبوط ؟؟ مع انه مش هيهمني اوى لانى ان شاء الله هحافظ على العربية ومش هحتاج للتوكيل كتير

بخصوص السانديرو ستب واى عندك حق فعلا فيها 1 ايرباج ومانوال فقط ودي مشكلتها

وحتى البريليانس FRV Cross شكلها حلو ومميزاتها هى هى الجين تو بس اغلب الناس مقالوش عنها حاجة لا حلوة ولا وحشة يمكن عشان صيني ؟؟ ولا هى فعلا مشاكلها كتير ؟؟

عشان كدة الواحد بيحتار

اقتباس:

---

المشاركة الأصلية كتبت بواسطة Engineer Sara

المشكلة ان كل عربية ممكن الاقي فيها كل المميزات والاقي حاجة واحدة مش حلوة
يعني مثلا بعيدا عن الشكل خالص
الجين تو فيها مميزات جميلة جداااااا بس اتقال ان في مشكلة ف الفرامل معرفش اذا كانت اتحلت ولالا وشفت مواضيع لناس بيحكوا تجاربتهم وان مشكلة الفرامل ادت الى حدوث حوداث .. هل ده صحيح ؟؟
كمان التوكيل وانه مش تمام .. هل ده مظبوط ؟؟ مع انه مش هيهمني اوى لانى ان شاء الله هحافظ على العربية ومش هحتاج للتوكيل كتير

بخصوص السانديرو ستب واى عندك حق فعلا فيها 1 ايرباج ومانوال فقط ودي مشكلتها

وحتى البريليانس FRV Cross شكلها حلو ومميزاتها هى هى الجين تو بس اغلب الناس مقالوش عنها حاجة لا حلوة ولا وحشة يمكن عشان صيني ؟؟ ولا هى فعلا مشاكلها كتير ؟؟

عشان كدة الواحد بيحتار

---

لا يا فندم

في فرق كبير بين الكروس والجين2 في الاداء .. ولا عفشة ولا موتور كله في صالح الجين2 مع احترامي ليها طبعاً

المشكلة الاساسية في الجين2 او البروتون عامتاً هيا التوكيل .. ثم قطع الغيار اللي مبتبقاش متوفرة في التوكيل .. واخر مشكلة هيا التقفيل والخامات ومفتكرش ان الكروس او السانديرو احسن من الجين2 في النقطة دي

مشكلة الفرامل ان مفيهاش مشكلة .. المشكلة الحقيقية هيا ان الواحد يتعود على البدال لا اكتر ولا اقل .. لكن لو حبيتي حضرتك تشغلي الabs في اي وقت هيشتغل والعربية هتقف عادي ولو حبيتي بردو تهدي السرعة اكيد هتهدى .. بس مش من اول لمسة زي السيراتو مثلا .. بس للامانة قوة الموتور كانت محتاجة فرامل احسن من دي

وطبعاً البيجو تتفوق على الجين2 في الفرامل

اقتباس:

---

المشاركة الأصلية كتبت بواسطة eng f3lix

لا يا فندم

في فرق كبير بين الكروس والجين2 في الاداء .. ولا عفشة ولا موتور كله في صالح الجين2 مع احترامي ليها طبعاً

المشكلة الاساسية في الجين2 او البروتون عامتاً هيا التوكيل .. ثم قطع الغيار اللي مبتبقاش متوفرة في التوكيل .. واخر مشكلة هيا التقفيل والخامات ومفتكرش ان الكروس او السانديرو احسن من الجين2 في النقطة دي

مشكلة الفرامل ان مفيهاش مشكلة .. المشكلة الحقيقية هيا ان الواحد يتعود على البدال لا اكتر ولا اقل .. لكن لو حبيتي حضرتك تشغلي الabs في اي وقت هيشتغل والعربية هتقف عادي ولو حبيتي بردو تهدي السرعة اكيد هتهدى .. بس مش من اول لمسة زي السيراتو مثلا .. بس للامانة قوة الموتور كانت محتاجة فرامل احسن من دي

وطبعاً البيجو تتفوق على الجين2 في الفرامل

---

شكرا ليك جدا على التوضيح
انا اهم حاجة عندي عربية تعيش معايا متتعبنيش بمشاكلها وتكون آمنة نسبيا

سانديرو ستيب واي كويسة وعالية عن الارض وتنفع في شوارعنا بالذات ومدام مش فارق معاكي الاوتوماتيك يبقى سانديرو ستيب واي بدون تفكير كفاية انها عربية اروبي وتوكيلها محترم جدا خدي بالك من حوار التوكيل ده مهم جدا في ناس كرهت حاجة اسمها فيات بسبب التوكيل

خليكي في الجين 2

المفروض الساندريو نزل منها 2014 الشكل الجديد ودا هيكون افضل اختيار لكي.
اسألي التوكيل عنها

اقتباس:

---

المشاركة الأصلية كتبت بواسطة marwan yahya

سانديرو ستيب واي كويسة وعالية عن الارض وتنفع في شوارعنا بالذات ومدام مش فارق معاكي الاوتوماتيك يبقى سانديرو ستيب واي بدون تفكير كفاية انها عربية اروبي وتوكيلها محترم جدا خدي بالك من حوار التوكيل ده مهم جدا في ناس كرهت حاجة اسمها فيات بسبب التوكيل

---

عندك حق هى حلوة في كل حاجة برغم انها مانوال واكيد اى حد بيفضل الاوتوماتيك بس متفرقش معايا طالما هتبقى على حساب حاجة تانية

اقتباس:

---

المشاركة الأصلية كتبت بواسطة ahmedsamy90

خليكي في الجين 2

---

شكرا ليك على ردك وفعلا الجين تو مميزاتها وشكلها تحفة ... هو بس موضوع الفرامل اللى كان فيها مشكلة ومعرفش اذا كان اتحل ولالا وموضوع التوكيل برده

اقتباس:

---

المشاركة الأصلية كتبت بواسطة ayman_amer

المفروض الساندريو نزل منها 2014 الشكل الجديد ودا هيكون افضل اختيار لكي.
اسألي التوكيل عنها

---

ياريت والله يكونوا كمان حطوا في الاوتوماتيك انظمة امان abs بس على صفحتهم الرسمية مقالوش حاجة عنها لسة

اقتباس:

---

المشاركة الأصلية كتبت بواسطة engineer sara

كله فعلا بيقول على التوكيل كدة ده غير موضوع مشكلة الفرامل اللى ادت لى حوادث قبل كدة من كلام الاعضاء اللى هنا لما حكوا عن تجاربهم مع جين تو
وبيجو 301 للاسف هى غالية وغير كدة هى سيدان وانا بفضل انى اشترى الهاتشباك
ولا مش لازم اوتوماتيك يفضل طبعا بس لو لقيت ان مثلا السانديرو ستب واى فيها كل المميزات ومانوال هحطها في حساباتي طبعا خاصة ان محدش اشتكي منها

---

طيب هقلك علي حاجة حلوة .. متشوفي كدة تويوتا ياريس هاتش باك

اقتباس:

---

المشاركة الأصلية كتبت بواسطة m i d o

طيب هقلك علي حاجة حلوة .. متشوفي كدة تويوتا ياريس هاتش باك

---

برغم انها 1300 سي سي وغالية شوية بس جامدة جدااااااااااااا وشكلها حلو وماركة طبعا جامدة

اقتباس:

---

المشاركة الأصلية كتبت بواسطة engineer sara

برغم انها 1300 سي سي وغالية شوية بس جامدة جدااااااااااااا وشكلها حلو وماركة طبعا جامدة

---

العربية فعلا غالية شوية بس من جوة خطيرة جدا واحسن من البيكانتو بمراحل وياباني

يا دي الحيرة
انا معايا سانديرو مانيوال وحلوة جدااا بس تعبت من المانيوال جدااااااو عرضاها للبيع دلوقتي و كنت بفكر في الكروس اوفر دلوقتي حيرتي ازدات اعمل ايه

اقتباس:

---

المشاركة الأصلية كتبت بواسطة nonalaziza

يا دي الحيرة
انا معايا سانديرو مانيوال وحلوة جدااا بس تعبت من المانيوال جدااااااو عرضاها للبيع دلوقتي و كنت بفكر في الكروس اوفر دلوقتي حيرتي ازدات اعمل ايه

---

طيب يا نونا هو المانوال متعب اوى كدة ؟؟؟
وقوليلي العربية كانت معاكي بقالها اد ايه ؟؟؟ وهل ماتورها كويس وثابتة ونظام الامان ايه اخباره في الفرامل وكدة ؟؟؟ وقوليلي انتى معاكي ستب واى ولا السانديرو العادية

المانيوال جميل بس مشاويري طويله او الزحمة بمعني اصح كترت. انا ساكنة في أكتوبر مقولكيش بقي ع المحور يعني ممكن من بيتي للنص الأخير من المحور اخد نص ساعة و اقعد في الحته الزحمة دي مالا يقل عن ساعة.
و لولا الزحمة مكنتش فكرت اغير.
انا معايا سانديرو العادية و العربية معايا بقالها سنتين و بصراحه رائعه جداً جرايه طبعاً بالنسبة للشباب لأ بس انا كنت بجيب بيها 120 و تجيب كمان بس اكتر من كده انا مقدرش. و السحب مع التكييف جميل جداً لو مش مشغله التكييف بيكون أحسن.
مافيهاش abs بس فرامل جامدة بتلحقني.
المشكلة اني محتارة ابيع واغير الأتوماتيك بتاعها ولا اجيب بريليانس او بي واي دي

اقتباس:

---

المشاركة الأصلية كتبت بواسطة nonalaziza

المانيوال جميل بس مشاويري طويله او الزحمة بمعني اصح كترت. انا ساكنة في أكتوبر مقولكيش بقي ع المحور يعني ممكن من بيتي للنص الأخير من المحور اخد نص ساعة و اقعد في الحته الزحمة دي مالا يقل عن ساعة.
و لولا الزحمة مكنتش فكرت اغير.
انا معايا سانديرو العادية و العربية معايا بقالها سنتين و بصراحه رائعه جداً جرايه طبعاً بالنسبة للشباب لأ بس انا كنت بجيب بيها 120 و تجيب كمان بس اكتر من كده انا مقدرش. و السحب مع التكييف جميل جداً لو مش مشغله التكييف بيكون أحسن.
مافيهاش abs بس فرامل جامدة بتلحقني.
المشكلة اني محتارة ابيع واغير الأتوماتيك بتاعها ولا اجيب بريليانس او بي واي دي

---

شكرا ليكي يا نونا على الرد
انا كمان عاجبني شكلها جدااااااااااااااا هى والستب واى بس انا كنت خايفة من abs ده خاصة انى فاهمة هو ايه لكن معرفش عمليا لانى مسوقتش عربية قبل كدة
وكنت فكرت في الستب واى عشان فيها abs لكن للاسف هى مانوال بس وانا كذا حد نصحني اشترى اوتوماتيك مناسب للبنات اكتر
وربنا يرشدك للاحسن ياااااااااااااااارب

بصي للامانه ال abs ميزة كويسة علشان لو عايزة تفرملي مرة واحدة. بس بيخض أنا بسوق عربية تانية فيها ال abs و لما بحتاجها بتعمل صوت دبدبه جامدة
و برضه فرامل السانديرو جامدة و يعتمد عليها و متهيأليش حد اشتكى من فراملها

الجين مع ملاحظة التوكيل
وممكن الريو برضوا