يا باشا ولا يهمك وبعدين انت فكرت بطريقة عملية ومفيهاش حاجة وكل واحد مننا بيبقى ليه وجهة نظر اكيد لاتتفق مع الاخر
عرض للطباعة
أنت فكرتنى بموضوع حصل من 6-7 سنين مره واحد كان معاه عربيه ميكروباس ملاكى على قدها كده كان شغال عليها كان كل يوم يقابله أمين شرطه يوقفه وياخد منه 20-30 ج او يهدده بسحب الرخصه كل يوم ياعينى ياخد شقى طول اليوم لغايه ما فى يوم قابله ظابط سحب منه الرخص وبعدها بأسبوعين سحب النمر ( طبعا هو مش عارف يعملها أجره لو كان ينفع كان عملها ) وفى يوم قابله امين الشرطه اياه وهو لا معاه رخصه ولا نمر ولا فلوس يدييها لأمين الشرطه وقعد يتوسل لأمين الشرطه انه يرحمه أبدا ......... راح منزل الناس من العربيه وكان معاه جركن بنزين دلقوا على العربيه وراح مولع فيها وطلع يجرى على المحور ( أمام ساحه أنتظار جامعه مصر للعلوم والتكنولوجيا ) وراح نايم على الأسفلت طبعا أمين الشرطه فص ملح وداب ...... الناس قوموه من على الأسفلت والحمد لله ان مافيش عربيه داسته وضاعت العربيه وراح أمل مواطن فى لقمه عيش شريفه فى هذه البلد .
طبعا ارفض .. اولا لانك لو شفت ظابط مرور طبعا هاتستخبى منه او تكذب عليه و تقوله انهم قرايبك لو مسكك , و ده يخلينا نفكر هل هذا عمل حلال ام حرام
ثانيا .. كل انسان ربنا ربنا محلى له عمله و انت مش هاينفع تستحمل زى سواق التاكسى
و انا فى رأيى اللى عايز يشتغل كده انه يقول لقرايبه و معارفه و اصدقاءه انه على استعداد لتوصيلهم بمقابل مادى و ده يكون بالتليفون مثلا و ده اكيد هايكون احسن ليهم و احسن لصاحب العربية
ارفض
يابو حميد
عارف لية لانى بتاخد حق مش حقك لانى التاكسى بيدفع ضريبة غير الملاكى و الرخصة المهنية بتاعة سوق التاكسى بيبقى عليها تامينات و مصروف كل شهر و غير كدة بقفل شغل على ناس تستحق لو انتا حابب الموضوع يبقى انتا تجيب عربية تاكسى و يبقى معاك رخصة مهنية او تكون رخصتك الخاصة لو هيبقى عربيتك التاكسى من هنا اقولك حقكك و نص
انتا حبيبى
بس تقبل النقض منى
اخوك
احمد سيد
و اتمنالك كل خير و الله
ازيك يا باشمهندس أحمد أخبارك اية واحشني كتير والله
معلش هية فكرة مجنونة وطقت فى دماغي وربنا يبعد عنكم الافكار المجنونة
بس أنا كدة بحب أجرب وأحب اخد خبرة واحب اتعلم فى كافة المجالات
وعلى فكرة يا جماعة اكتشف حاجة بردو مت التجربة دي أن فيه عربيات كتييييييييييير جدا ملاكي بتشتغل تاكسي بس أصحابها معلمين (( عاملين علامة التاكسي بجد الفنار اللى بيبقي على سقف العربية )) وفيه منهم عامل شبكة
اللطيف فى الموضوع ان كان الشاب اللي ركب معايا راسة والف سيف أني صحفي وبعمل تحقيق صحفي قولتو ياعم والله انا واحد عادي حبيت اشغل عربيتي مصدقنيش قالي ماهو مش معقولة تبقي لابس كويس وبتتكلم كويس وعربيتك نضيفة من جوة وكمان مشغل اغاني هادية وتقولي سواق تاكسي هما مالهم سواقين التاكسي يا جدعان بيعملو اية ...... نهايتة خلاص أنا عشت التجربة واتعلمت ان لكل واحد مننا وظيفة يقدر يقوم بيها على اكمل وجهة وخلاص حرمت علشان اليوم الجميل دة عطلني عن صيانة كنت عاوز اعملها للعربية واليوم راح واستني بقي يوم اجازة تاني
أشكر كل من شارك فى الموضوع ......... تقبلوا تحياتي
الاخ الفاضل احمد الاخوه الافاضل كل من شارك فى الموضوع
احب اوضح ان فكرة ان فيه سيارات ملاكى تقوم بدور التاكسى فى خدمة توصيل المواطنين انا شايفها كويسه ولها ايجابياتها :-
1- تحد من استغلال التاكسكيه والمبالغه فى تقدير الاجره
2- بديل للمواطن الغلبان اللى بيتلطع وقت كتير يشاور للتاكسيات ولا مجيب بحجه الزحمه والاماكن الشعبيه ...الخ
3- فرصه لمن هو بدون عمل او عمل لايفى باحتياجاته الماديه
4- منتج جديد فى سوق نقل المواطنين يشعل التنافس اللى هو فى النهايه فى صالح المواطن
واخيرا
بلاش علشان خاطرى نغمة القانون والحقوق والواجبات علشان انا خلاص هافرقع
ضرائب يتم تحصيلها ومصروفات ورسوم ووو...وو....الخ كومة فلوس ومبالغ اد كده يدفعها كل صاحب سياره عند الترخيص او نقل الملكيه او البيع او فى المخالفات او اى مشوار لغايه المرور او الشهر العقارى ....وكل ده ...خد عندك
1- شوارع زى الزفت ولاصيانه لها
2- مطبات عشوائيه مهلكه وحفر والحكومه عامله هابله
3- زحام شديد يهلك اجدع سياره ويزيد من استهلاك الوقود والزيوت وقطع الغيار
4- احتلال الباعه الجائلين والقهاوى والمحلات لنهر الطريق وجوانبه والحكومه عامله مطنشه
4- عدم تواجد امنى مرورى للسيطره ومنع الحوادث وردع المخالف
ياحضرات انا بامشى من ميدان الساعه فيكتوريا مرورا بشارع جميل ابو حريد ثم كوبرى ابيس ثم الطريق السريع فى اتجاه محرم بك ثم نفق محرم بك لغاية الشبان المسلمين ولا ارى عسكرى واحد يرتدى الزى الابيض وينتمى للمرور واذا وجد لايقوم بدوره الاخوه اللى من اسكندريه يحسبوا لكم هذه المسافه واحتياجها لرجل المرور واكيد الكلام ده فى كل مكان فى الجمهوريه
انا زهقت من الكتابه ....تقبلوا تحياتى
انا شايف ان لو واحد محتاج الموضوع ده مش عيب ابدا (بصرف النظر عن ان الاستاذ جوده حب يخوض التجربه)
لو هنقول بيقطع على التاكسى شغله . اغلب التكسجيه بينقى الزبون والمكان اللى هيوصل فيه فمش فارقه معاهم الشغل كتير
ولو هنتكلم عن الضريبه والتامينات والذى منه مهو التوك توك شغال بدون الكلام ده ودخله احسن من التاكسى زائد شويه بلطجه على سفاله على قله ادب متناهيه
وفيه اماكن كتير جدا فى بلدنا ملهاش اصلا تاكسيات وبيشتغل الملاكى والموتسيكل كوسيله مواصلات واستبدل الموتوسيكل بالملعون التوك توك دلوقتى
انا شايف انها عادى جدا رغم انها مشكله مع المرور بس لما يبقى عندنا مرور محترم وقوانين تحترم
ليست سلبيه منى ولكن لو فعلا حد محتاج الموضوع ده مش عيب ابدا
ما احنا قبل الثوره كان بيترزل علينا من بتوع المرور وامناء الشرطه ويركب معاك او يركب معاك حد معرفه فى طريقك ولو رفضت بتشوفه وهو بياخد نمرتك وحصلت معايا كتير
انا مؤيد