بالضبط كده 7سنوات شغل في السوق
يعني العربيه اتعمل لها اساس
من قطع الغيار وتعامل الصنايعيه معها
عرض للطباعة
بص يا باشا هية مسئلة احتياجات قبل متكون انهي عربية احسن انا عن نفسي احتياجاتي الاساسية الي مش هتنازل عن حاجة منهم .. الايموبلاير . الاتساع .. الثبات .. قوة الصاج .. الفامية ... دول احتياجاتي وموجودين في الامجراند رغم عيوبها الي ربنا يستر وميقابلنيش حاجة منها بس موفرة احتياجاتي عكس الانفي الي هية الافضل في وجهة نظري كخامات وجودة لاكن ينقصها الايموبلايزر و الفامية عشان كدة صرفت نظر عنها معا العلم ان الي متوافر النسخة الصينية للناس الي استلمت الدفعات القادمة تقفيل مصري ويمكن حاليا تكون النسخة الصينية خلصت وبيسلمو في التقفيل المصري وساعتها هنعرف اية بقي عيوب الانفي ونقدر نقارن بموضوعية
معاك ان الاسبرانزا سايبة علامة في السوق بس برضو خليك فاكر ان اول 4 او 5 شهور من نزول الامجراند كنا قربنا ننسي اسبرانزا وحضرتك اول واحد قلت ابوالفتوح بينتهي في السوق ولولا عيوب الامجراند الي ظهرت كان زمان الانفي اتقضي عليها ومتبقاش لابوالفتوح غير التيجو بس الي حصل دة بقي من عند ربنا عشان الناس تتجة شوية للانفي الي ممكن تبقي افضل 100 مرة من الامجراند وتكتسح عنها
بعد كل المشاكل اللي موجوده في الايمجراند نصيحه بلاش انت شاري عربيه عشان افرح مش تعكنن عليه وافرح بوسع العربيه وبعدين اقول أعيش مع العيوب طيب ازاي
انا خلاص اخدت القرار ورحت حجزت انفى هاى لاين وحستلم بعد العيد انشاء الله علشان أعرف أرخص ﻷن بكره عندى شغل ولازم أروح .
ياجماعه المندوب حيرنى أوى مع اننى كنت رايح من اﻷول ونيتى على الانفى بس الراجل رمى كلمة رنت فى دماغى أوى وضايقتنى
قالى ماتاخد الامجراند أصلها بتبيع أكتر وبصراحه لعب فى دماغى دخلت وقعدت أقارن كده بتاع نص ساعه وبصراحه بقة مقدرتش أقارن
الانفى من جوه .ﻷنها جوده فوق الممتازه والاستيكر الملزوق على الزجاج اللى بيقول ship to Alexandria بصراحه رايحنى أوى
دى عربيه مستورده ومتقفله بره ودى لوحدها ليها تمن بالنسبه لى ... يعنى الواحد يشترى دماغه من المكون المصرى والتقفيل اللى كله مشاكل
وبعدين قلت للراجل توكلنا على الله خش على الانفى . مش حتصدقوا المندوب قاللى ايه بعدها ؟ عندى واحد زبون صاحبى لسه شارى
من عندى الامجراند والفتيس باظ منه . قلتله وانت مقلتليش الكلام ده من اﻷول ليه ؟ قالى أنا المفروض أقولك السوق رايح فين انا مش technical
قلتله الناس بتشتريها علشان اسم غبور وأنا يهمنى العربيه أكتر يافرحتى بغبور وأنا متنكد ومتعذب بعربيه زيرو وبصراحه قطع غيار الاسبرانزا مليانه فى المحلات
بره الوكيل وأبو الفتوح عامل شغل عالى أوى فى الصيانه ومش غالى.
أول لما أستلم وأرخص حقولكم على أﻷخبار وانطباعاتى أول بأول انشاءالله .
وعقبالكم جميعا يارب - وكل سنه وانتم طيبين بمناسبة عيد اﻷضحى
انت عملت الصح
انا قابلت 9 معاهم ايمي لحد الوقتي واحد بس ماعندوش مشاكل خالص والباقي عنده و عامل موضوع عنها في قسم جيلي
سيبك من اختبار الامان الصيني العربيه ماشيه علي 60 كيلو و تخبط بوشها في مرتبه ريش و لو حاد مات تاخد 4 نجوم بس اختبار صيني يعني
مهي النقطة دي الي مخوفاني جدااا وعشان كدة مش عارف اعمل اية شوية اقول اجي علي نفسي واطلع لفئة تانية واجيب اوبترا وبعدين اقول اوبترا اية ونفس السعر في البيجو 301 وبعدين ارجع اقول الصيانات و قطع الغيار واوروبي لا ارجع تاني للي تقدر علية و ارجع تاني لنفس الحيرة الي فيها دي لو الانفي بس كان فيها ايموبلايزر وفامية والله العظيم مكنت اترددت لثانية فيها وبعدين ارجع اقول اجيب امجراند وفيها عيوب بس المستقبل ليها وهتعب شوية في الاول لاكن بعدين هتظبط ولا اجيب عربية دلوقتي تريحني و بعدين لو الامجراند اتظبطت وازعل واقول يارتني اشترتها وجيت علي نفسي مش عارف اعمل اية خالص وخلاص هبدء ان شاء الله بعد العيد اجرائات البنك عشان التقسيط اعمل اية ؟؟ :crying2::crying2::crying2: