الموضوع: دبرياج هوندا سيفيك 2005

السلام عليكم جميعا ...... حبيت اشارككم تجربه حصلت معايا يمكن تفيد الهنداوية

عربيتي سيفيك 2005 فتيس مانيوال ماشيه حوالي 200.000 ك من شهر لاحظت السحب قل عن المعتاد وصوت الموتور بيعلي علي اخر الغيار فهمت ان كدة اسطوانة الدبرياج بتودع خصوصا ان فيه بووش في دواسة الدبرياج بقي ملحوظ المهم كملت بيها لغاية ما اجهز نفسي بمبلغ محترم علشان أغير طقم الدبرياج كامل لكن الموضوع زاد اكتر خصواصا المطالع في مكه فيها شوارع بزاويه حوالي 80 درجة علي المنقلة (: عديت علي الميكانيكي باكستاني متخصص هوندا وطلبت منة اي حل لغاية بعد فترة الحج راح غاطس جوة الدواسة واشتغل في دواسة الدبرياج قالي كدة تمام انا رخيت الكلتش (الدبرياج) لكن كدة اخر بدو تغير !!! سألت بكام قالي الطقم حقة 800 ريال ومصنعية 500 ريال وواحد يوم شوغول .... انا عملت كدة
المهم مشيت من عنده وانا بدعي تكمل الكام يوم دول علي خير وامشي الاقي العربية أسوء من الأول والسحب طايح علي راي الأخوة السعوديين الموتور صوتة عالي عايز يطير والعربية بتسحف ..... فكرت شوية وربطت ما بين اللي الميكانيكي عملة والنتيجة وقلت طيب بالمنطق انا لوعكست اللي الميكانيكي عملة اكيد النتيجة كمان هتتعكس علي الأقل الغي اللي هو هببه وترجع نص نص ما هي كدة هتتغير هتتغير وقد كان .....وقفت في مكان مناسب وطلعت العدة وربطت مسمار الرجلاش علشان أضيع البووش اللي كان زاد بعد الميكانيكي ما فكة علشان يرخي الدبرياج وربطت كل حاجه مكانها وتوكلت علي الله وطلعت بالعربية والمفاجائة الكبري العربية .......طلقة والسحب ممتاز لدرجة اني مكنتش عايز اروح البيت علشان أستمتع بسواقة العربية ......اللي فهمته من التجربة ان فكرة الدبرياج بضغط الزيت (الهوندا) تختلف بعض الشيء عن الدبرياج ابو سلك (مثلا زي عربيتي القديمة الدوجان) وان افضل اداء لدبرياج الهوندا هو ان دواسة الدبرياج تكون بدون بووش علشان تحافظ علي ضغط متعادل يتاثر بسهولة بدوسة رجلك عند نقل الغيار من غير ما يقلل من احتكاك الأسطوانة اثناء السير .......تحياتي من مكه (:

إتشرفت بيك و حاضر لأي استفسار وربنا يباركلك في عربيتك .....تحياتي من مكة