على فكرة انا عاوزة اسجل اعتراضى على سواقين الميكروباصات ... و التكاتك ... و الموتوسيكلات !! .... اووووووووف ..... سواقة بلطجية سورى يعنى
رقم العضوية : 148892
تاريخ التسجيل : 19Sep2013
المشاركات : 58
النوع : انثى
الاقامة : مصر
السيارة: لا يوجد
السيارة[2]: كيا بيكانتو
الحالة :
النهاردة اول مرة انزل بالعربية لوحدى ..... و اختارت النهاردة السبت علشان دة يوم اجازة و اكيد فاضى ... طبعا طلع العكس تمااااااامااااااا ... الدنيا زحمة جدا جدا جدا جدا ..... و بالرغم انى النهاردة كنت اجازة ... بس رحت بيها مكان شغلى و رجعت تانى كنوع من التدريب لاهم مشوار عندى .... المشوار عادة بياخد بالكتير نصف ساعة رايح و نصف ساعة جاى لو الزحمة متوسطة (عادية) .... لكن انا فضلت ساعتين و نصف متواصل سايقة ..... اعصابى باظت خالص و الاكتر من كدة ان الطريق اللى انا عارفاه رجوعا للبيت كانوا قافلينه !!!!! و تهت و قعدت اسأل ازاى ارجع ... لحد ما وصلت الحمد الله ........ بس بجد اطرافى ساقعة و مخضوضة جدا ... انا قولت اشرككم معايا فى اليوم الاول ليا
رقم العضوية : 148892
تاريخ التسجيل : 19Sep2013
المشاركات : 58
النوع : انثى
الاقامة : مصر
السيارة: لا يوجد
السيارة[2]: كيا بيكانتو
الحالة :
على فكرة انا عاوزة اسجل اعتراضى على سواقين الميكروباصات ... و التكاتك ... و الموتوسيكلات !! .... اووووووووف ..... سواقة بلطجية سورى يعنى
رقم العضوية : 145421
تاريخ التسجيل : 18Jun2013
المشاركات : 2,007
النوع : ذكر
الاقامة : Egypt
السيارة: ..........
السيارة[2]: ............
دراجة بخارية: .......
الحالة :
ربنا يستر طريقك و طريقنا و البيكانتو ابعادها صغيره عشان كده سهله الركن و المشى فى الطرق الزحمه ان شاء الله مرتين ثلاثه كمان و تبداى تتعودى على ابعادها وتكتسبى خبره ان شاء الله بالتدريج اهم حاجه بس ركزى فى السواقه و متخليش اى حاجه تضايقك لانك لو هتفضلى كده مش هتكملى سواقه لمده اسبوع و بالتعود كل الاحاسيس دى هتروح ان شاء الله اهم حاجه اعملى الصح ( امشى فى حارتك المروريه - التزمى بالاشارات لو هتاخدى يو تيرن او تنقلى من حاره لحاره - خلى بالك من زيت على الارض او حاجات كده غريبه الواحد بيشوفها كل يوم - بليل دايما مشغله النور الواطى و لو طريق سريع العالى - بلاش فرامل مفاجئه و كل حاجه واحده واحده سواء تعامل مع دواسه البنزين او الفرامل -الخ .............. )
و خليك و اثقه فى نفسك مادام انتى ماشيه صح و الى هيموت او يتحرق دمه اقفلى الازاز و شغلى التكييف و الكاسيت و سيبك منهم و بعد كام شهر خبره مفيش تكاتك و لا ميكروباصات ولا حاجه هتضايقك ان شاء الله عشان خلاص هتعرفى تتعاملى معاهم و بتوع النقل و الميكروباصات ملهمش انك تقلبى نور ولا حاجه دول بالكلاكس بس بيوسعوا
رقم العضوية : 129853
تاريخ التسجيل : 01Oct2012
المشاركات : 985
النوع : ذكر
الاقامة : دمنهور
السيارة: سوزوكى ماروتى
السيارة[2]: كيا ريو
الحالة :
ألف مبروك ودا الطبيعى فى البداية وبكره قلبك يجمد خالص
وبالنسبة لسواقين الأجرة عامة والميكروباص خاصة فده الطبيعى تحسى إنهم مسروعين على الدنيا وعايزين يطيروا بالعربية ومش بيطيق يشوف عربية ماشية قدامه دايماً عايز يتخطى العربية اللى قدامه على الرغم إنه ممكن يقف فى نص الشارع عشان ينزل حد أو يركب حد وعادى ومحدش من حقه يعترض ولا يزعل لكن لو عربية قدامه وقفت يبقى سنتها سودة
أنا فى مرة وعند دوران والدنيا وراى زحمة موت والطريق ماشى بطىء أصلاً لقيت بنت مش عارفة تعدى قمت وقفت وشورت ليها عشان تعدى قدامى وعينك ما تشوف إلا النور سمعت سواق سيرفيس ( ميكروباص سوزوكى 7 راكب ) بيشتمنى بأقذر الألفاظ وعدى من يمينى وبأيده خبط على المراية عايز يكسرها وكان حيلبس فى عربية نقل من هول الصدمة وردة فعله جالى ذهول لمدة نص دقيقة وبعدها الشيطان عمل شغله وحضرت قفل الدريكسيون ومسكته فى إيدى وطرت وراه وكنت حخبط ليه الإزاز بالقفل . بس الحقيقة استعذت بالله من الشيطان وتراجعت وهديت لآنى ممكن أأذى حد من الركاب والموضوع يتطور وخصوصاً إن حوادث القتل والعنف اللى بنسمع عنها بتبتدى بحاجة هايفة . قلت لنفسى الشتيمة مش بتلزق وإلى الله المشتكى وإليه أختصمه يوم القيامة
والله أعلى وأعلم
رقم العضوية : 129856
تاريخ التسجيل : 01Oct2012
المشاركات : 1,565
النوع : ذكر
الاقامة : giza
السيارة: mazda 121
السيارة[2]: 128
الحالة :
فعلا انا اول ماتعلمت السواقه نزلت العتبه اه والله وكانت موووووت وبالذات شارع الجيش المهم ان فعلا الواحد بينزل اطرافه ساقعه جدااا وبيترعش معرفش من ايه
ahmed air سابقا
رقم العضوية : 149283
تاريخ التسجيل : 28Sep2013
المشاركات : 283
النوع : ذكر
الاقامة : القاهره الجديده
السيارة: لانسر
السيارة[2]: A
الحالة :
هى اول مره كده للسواقه لوحدك كده عند كل الناس والف مبروك شويه شويه وهتبقا حاجه عاديه ومش هتحتاجى تركزى زى دلوقتى .
أنا اول مره اسوق لوحدى كنت رايح التجمع الخامس وطلعت الدائرى وبرضه لما وصلت حسيت ان رجلى بتترعش شويه
رقم العضوية : 126849
تاريخ التسجيل : 30Jun2012
المشاركات : 2,313
النوع : ذكر
الاقامة : الأسكندريه
السيارة: يارب دودج :D
السيارة[2]: Mazda 121
دراجة بخارية: ما بحبهاش
الحالة :
طبيعى جدآ وهتفضلى كده كذى مره لحد ما تبقى سواقه محترفه
اهم حاجه ما تحاوليش تعملى مشاكل مع حد فى البدايه ايآ كان السبب
ثقى فى نفسك لكن مش للدرجه اللى تخليكى تعملى حاجه غلط وما تتسرعيش فى القرارات حاولى تسوقى بهدوء وتحفظى العربيه كويس وما تبصيش تحت رجلك مهما حصل وما تخافيش من حاجه خافى على نفسك بس
فى الزحمه سيبى مسافه بينك وبين اللى قدامك علشان لو هو رجع لورا وهو طالع ما يريحش على عربيتك وتتخنقى لانها بتحصل كتير
وما تمشيش عكس خلى معاكى فى الموبيل gps علشان لا قدر الله لو توهتى او مش عارفه السكه بدل ما تسئلى حد
حافظى على هدوء اعصابك دايمآ ما تتوتريش وانتى سايقه علشان ما تكريهاهاش ما تجريش بالعربيه فى الاول وحاولى تخلى اهتمامك الاول بالسيطره على العربيه مهما كانت الاحوال وحاولى تسوقى الاول فى اماكن مفتوحه وواسعه وبعد كده اتعودى على الزحمه لانها اهم حاجه
وربنا يوفقك
سبحان الله وبحمده سبحان الله العظيم
رقم العضوية : 126748
تاريخ التسجيل : 28Jun2012
المشاركات : 1,283
النوع : ذكر
الاقامة : مصر
السيارة: 128
السيارة[2]: seat toledo 2015
دراجة بخارية: لايوجد
الحالة :
خلي معاكي gbs في موبيل وعلشان تكبري دماغك من سواقين موكرباصات وموتسيكلات اقفلي الشبابيك وشغلي تكيفك علي واحد لو جو ساقعة شوية زي نهاردة وريحي دماغك
رقم العضوية : 148892
تاريخ التسجيل : 19Sep2013
المشاركات : 58
النوع : انثى
الاقامة : مصر
السيارة: لا يوجد
السيارة[2]: كيا بيكانتو
الحالة :
شكرا ليكم جميعا بجد .... يعنى عادى لما ارجع خايفة و مهزوزة حبتين .. طيب الحمد لله :) ... و الله يا جماعة لغاية دلوقتى قلبى لسة بيدق !!!
رقم العضوية : 141174
تاريخ التسجيل : 20Apr2013
المشاركات : 334
النوع : ذكر
الاقامة : alex
السيارة: maruti800
السيارة[2]: seat133
الحالة :
الف مبروك
متشغليش بالك بالنقل و الاجرة و امشي عدل و حافظي ع العربية و لو واجهتك اي مشاكل اسالي
المفضلات