كارنيه طالب الحقوق له سلطة قضائية .

**Eq3la** · 05-10-2013 11:26 PM

السـلام عليكم ورحمة الله وبركاتة .

انا سمعت إن كارنيه طالب الحقوق له سلطة قضائية بمعنى , فى احترام فى المعاملة , مش من حق الظابط يوقفك ويفتشك فى الشارع لو شاف الكارنيه . دة طبعا باستثناء قانون الطوارئ .

هل الكلام دة صح ولا غلط ! ؟

**aboomar22** · 05-10-2013 11:50 PM

اذا كان المحام نفسه مالوش اى سلطة هتكون لطالب الحقوق -الاحترام فى المعاملة ده للاسف حق من حقوق كل مواطن اما التفتيش فالمفروض يكون باذن نيابة ولا يجوز لظابط الشرطة تفتيش المواطنين او السيارات الا فى حالة الاشتباه للذكور ولا يجوز تفتيش الاناث (انا عن نفسى ليس لدى اى مانع فى تفتيش سيارتى فى اى لجنة شرطة بالعكس حماية لينا )

**lidosasa** · 05-10-2013 11:51 PM

ههههههههههههههههههههه
مفيش حاجة إسمها سلطة قضائية إسمها حصانة والحصانة الوحيدة الموجودة وبقوة القانون هى للمحامى المقيد بنقابة المحامين فلا يجوز تفتيش حقيبته أو مكتبه إلا بإذن نيابة واللى يقوم بالتفتيش وكيل نيابة مش الشرطة . وحصانة أمام المحكمة اللى بيترافع قدامها يعنى مش من حق القاضى يحبسه 24 ساعة زى ما بيحبس اللى بيخل بنظام القاعة من المواطنين . غير كده زيه زى باقى المواطنين

**lidosasa** · 05-10-2013 11:54 PM

طبعاً يستثنى من ده التفتيش الوقائى للحقائب اللى بيحصل فى المطارات والبنوك أو فى أى مكان يقولك دخل الشنطة فى جهاز عشان كشف المفرقعات أو المعادن مثلاً تقوله لاء أنا ليا حصانة يبقى من حقه يضربك بالنار

**lidosasa** · 06-10-2013 12:24 AM

المشاركة الأصلية كتبت بواسطة 3mr Farrag

اللي اعرفه ان وكلاء النيابه و المستشارين مالهمش اصلا حصانه
هي بس بقت عاده علشان سلطه و احترام مش اكثر
يبقي ازاي طالب حقوق ليه حصانه!!!!

فى حاجة إسمها بقت عادة ؟؟؟
يوجد فى مصر 3 أنواع من الحصانات
حصانة قضائية لكل القضاة والنيابة وقضاة مجلس الدولة وغيرهم
حصانة دبلوماسية لرجال السلك الدبلوماسى وأعضاء السفارات الأجنبية اللى ليهم صفة دبلوماسية
حصانة تشريعية لأعضاء المجالس النيابة
والوحيد فى المحامين اللى ليه حصانة قضائية هو نقيب المحامين
والحصانات دى مش معناها إنهم فوق المسألة ولكنه تقتضى إجراءات معينة وإستئذان جهات محددة لضمان إستقلالية هذه الجهات وحمايتها من تعسف السلطة التنفيذية اللى هى الحكومة ورجال الشرطة وهما دول اللى ملهمش حصانة بس واخدين حقهم تالت ومتلت وبالدراع من غير حصانة

**lidosasa** · 06-10-2013 01:01 AM

المشاركة الأصلية كتبت بواسطة 3mr Farrag

يا باشا انا فاهم نوعا ما الكلام ده
انا بتكلم من ناحيه انها حصانه كامله ذي الدبلوماسيه
الدبلوماسي بيتشقلب براحته في اي حاجه
حتا اللي فاكره انه قانونا بيجيب اللي هو عايزه او يطلعه بره البلد من غير اي حد يقله نص كلمه ولا بيدفع جنيه
غير الحصانات الكتير اللي ليه و ماعتقدش انها بتوصل ذي النيابه
ده اعتقد اللي قاصده صاحب الموضوع

وكلمه عاده بان في حاجات كتير ماشيه بالحب و ماحدش بيقلهم حاجه
يعني مثلا المخلفات بجميع انواعه في السيارات ماحدش بيدفع جنيه و بيتشال من غير اي كلام
ايه القانون اللي بيسمح اعفاء النيابه في عدم دفع المخلفات

أنا عربيتى واخدها بتوكيل من مستشار أخو زميلى فى الشغل وسايبها بإسمه وكل سنة ببعت ليه الرخصة القديمة وفلوس التجديد وهو بيبعت موظف عنده من المحكمة بالكارنيه بتاعه يخلص كل حاجة ويبعتلى بعدها بكام يوم الرخصة الجديدة ولا مخالفات ولا وجع دماغ وعايش حياتى
الموضوع مش قانون بيحميهم من المخالفات بيتعمل ليهم مخالفات عادىلآن النمر مفيش عليها الشعار بتاع القضاة بس بتتشال لما يروح يجدد الرخصة فبيجاملوا بعض والبلد مش حتخرب يعنى لو كام وكيل نيابة على كام ظابط على كام دبلوماسى عملوا اللى هما عايزينه فى الشارع

-

-

-

-

الموضوع: كارنيه طالب الحقوق له سلطة قضائية .

LinkBack

أدوات الموضوع

عرض

-

-

-

-

المواضيع المتشابهه

كارنيه نقابه المعلمين

الكلمات الدلالية لهذا الموضوع

المفضلات

المفضلات

ضوابط المشاركة