حد عنده فكرة ازاي نعرف نعيد تعبئة عبوات الاسبراي الفارغة اللي بتكون متبرشمة علشان فيه افكار جامدة اوي لو كان ينفع فعلا
عرض للطباعة
حد عنده فكرة ازاي نعرف نعيد تعبئة عبوات الاسبراي الفارغة اللي بتكون متبرشمة علشان فيه افكار جامدة اوي لو كان ينفع فعلا
متابع للاهميه
مش فاهم حاجة
في فيديوهات عاليوتيوب شارحة الموضوع ده ابحث عن
refill spray cans
انا تقريبا شوفت معظم الفيديوهات دي وكلها اما انها بتتكلم عن نقل من عبوة لاخري او التعبئة بمكن مخصوص ودي مش انا اللي اقصدها انا عايز اعيد التعبئة بطريقة يدوية بسيطة
كمان الاستاذ اللي بيقول مش فاهم حاجة ن عايز اقول لحضرته مثال بسيط جدا لجدوي الموضوع ده:
احنا مثلا عندنا جهاز جليد اللي بيرش برفيوم اتوماتيك كل كام دقيقة،،غيار الجهاز ده بيقعد من 5-7 ايام بالكتير وبنجيب غيره بثمن حوالي 25 جنيه للغيار الواحد،انا فكرت ان لو امكن اعادة تعبئة الغيار ده بالبرفيوم(( اشتريت اللتر من محلات العطور ب 20 جنيه)) يشتغل اللتر ده مش اقل من 6 شهور وقيس بالمثل حاجات تانية كتير
[QUOTE=dr.hazem;3875218048]انا في شخص اعرفه بيجيلي يعبيلي قزايز الريحه الاصليه بعد ما تفضى...
هو بيجيب سرنجات وبيحقن الاصانص وهو كابس المكبس وبيحقن معاها هوا عشان تبقى مضغوطه....
ممكن تجرب وتقولنا ايه الاخبار...
تحياتي
Sent from my Xperia Arc S using Forum Runner[/Q
طيب هو حضرتك بيكبس المكبس بأيه وبيحقن الاصانص منين،، يعني ميكانيزم العملية بيتم ازاي
هو بيشيل الموجه وبيركب السرنجه بدون الابرة طبعا على المخرج العلوي للقزازه وبيضغطها وهو بيحقن...
تحياتي
Sent from my Xperia Arc S using Forum Runner
فكرة جميله لكن مش عارف لو تنفع زي ما انت كاتبها كده
الفكرة في علبة الاسبراي انه بيتحط فيها غاز وتحت الضغط العالي جواها بيتكثف ويبقى سائل وبمجرد ماتدوس عالزرار الي فوق بيطلع الغاز بسرعه لان الضغط برا العلبة اقل بكتير
لكن لو حطيت فيها ريحة من بتوع العطور الي هي اصلاً بتكون سايله وفيها زيت وحاجات تقيله يبقى الي بتتكلم فيه مستحيل على حد علمي
كمان لو هتحط غاز لازم كومبريسور علشان يضغطه جوا الازازة معتقدش هيكون في طريقة يدوي
لازم يكون الضغط فى الزجاجه اللى يتعبى منها اكبر من ضغط الزجاجه الفارغه
زى ملو الولاعات...وملو انابيب البوتجاز الصغيره من انابيب البوتجاز الكبيره اللى ضغطها اعلى
فانت عايز تفضى الكانز الى عايز تملاه على الاخر ,وترفع ضغط العبوه الى مليانه بحيث يكون ضغطها اعلى
لانه سيتوقف انتقال السائل عند تساوى الضغط ,
ده غير العبوات اللى بترش عن طريق المكبس اللى فى الاعلى ودى مش محتاجه انه يكون فى ضغط
داخل العبوه لانك بتزود الضغط الداخلى من طريق الكبس على المكبس
انت عايز ترش من العبوه غاز ولا سائل؟
بص يا سيدي
اي حاجه بتترش بتنقسم نوعين (الحاجات المألوفه في حياتنا ) :
1 - الرش عن طريق الرذاذ : وده زي البيرفيوم وفي الحاله دي الماده اللي بتترش بتكون في الاساس سائله ( في ظروف ضغط طبيعيه ) وميكانيزم الرش بتكون عن طريق دفع السائل بسرعه عن طريق راس مثقوبه فيتحول السائل الى قطرات صغيره جدا وخفيفه بتطير في الهواء , الطريقه دي مش بتدفع الماده لمسافات كبيره وماتقدرش تستخدمها الا لرشه واحده فقط ( وبعدها تكرر عمليه الرش ) .
2 الرش عن طريق سبراي : وده زي معطرات الجو او المبيد الحشري وفي الحاله دي بيكون الماده المرشوشه غاز وبيتم ضغطه داخل العبوه ليتحول الى سائل ( تحت ضغط كبير) وميكانيزم الرش بتكون عن طريق اخراج الغاز عن طريق راس السبراي فبيتحول بسرعه من حاله الغازيه لحاله الطبيعيه ( الغاز) لان بيرجع لظروف الضغط الطبيعيه . الطريقه دي بتدفع الرذاذ لمسافات كبيره ( حسب شده الضغط) وبتستمر طوال فتره الضغط على راس العبوه ( طول ما الغاز بيطلع الرش مستمر )
خلاصه الكلام ان انت عندك النوع الاول وعايز تستخدمه بالطريقه التانيه وده مستحيل لسببين اولا ان الماده اللي انت عايز ترشها سائله والثانيه ان عمليه ضغط الغازات داخل العبوه بتحتاج ماكينات خاصه للكبس .
ده موضوع بسيط جدا
الرش بالطريقه دي (( زي البيرفيوم او بخاخه الماء المستخدمه في كي الملابس )) بيتكون من :
1 . زجاجه
2- البخاخ ( وله انبوب يصل الى قعر الزجاجه )
3 - غطاء محكم .
من فتره كان بائعي العطور المركبه بيجيبوا زجاجه ويركبوا عليها البخاخ بطريقه الكبس علشان يقفلوا اي تسريب والبرشام كان مكون من المونيوم ودي طريقه صعبه وبتحتاج ماكينه للكبس .
حاليا بقى البخاخ والغطاء راكبين مع بعض وبيتلفوا قلاووظ على الزجاجه نفسها .
خلاصه كل اللي فوق واللي يهمك , تروح عند اي حد بيركب وتقوله عايز زجاجه 100 مل او 60 مل والبخاخ بتاعها بشرط يكون بيركب ويتفك قلاووظ وسعر الاتنين مع بعض 5 جنيه . مالقتش تروح صيدليه كبيره ((ممكن اقولك واحده منهم )) تقوله عايز كحول سبراي , هيدهولك بحوالي 4 جنيه تفضيه وتستخدم الزجاجه زي ما تحب واكتر من مره .
متابع للاهمية