وكل سنة و انتم طيبيين و عيد سعيد عليكم و على البلد
عرض للطباعة
وكل سنة و انتم طيبيين و عيد سعيد عليكم و على البلد
و انت طيب يا زعيم
بس شتان بين الاختيارين بتوعك
الرانجلر انشف و اكتر تحمل و اعتماديه بس اقل راحه و ثبات طبعا
و ال x3 فخامه و تسارع و راحه لكن مش حمل بهدله قوي ده غير انها موديل اقدم و طبعا صيانه و قطع اغلي
الرانجلر ممكن تجرب الجديد منها مش هيفرق
لكن ال x3 صعب عشان هيا موديل قديم
هوا الرانجلر تحف بس قليلة مش بشوف منها بيتباع ليه ؟
الشروكي ال kk معششه في نفوخ الواحد ! في كام عربية هاي لين معروض على النت في رنج 183 - 190 الف ! 2008-2009
سعرها كدة مناسب ؟ انا سألت حد معرفه على ال 2008 الضريبة في حدود 3 و نص كل سنة ؟ صح ؟
هوا المشكلة كلوا عاول 100 الف كيلوا و انتا طالع يعني حتفتح بقها العربية ! بس فعلا عربية ناهية في ظروف البلد ديه :(
مفيش حد يبعها ؟ ولا كله بيبيعها متبهدلة ؟
بص يابرنس الليالى خد البهاريس
انس بئا البى ام والكلام دة
انا بصفتى احد ملاك جيب رنجلر 2011 وبعتها وقولت اغير
بعد سبع شهور من اللف والدوران
ههههههههههههههههه
انا اليومين دول بشترى رنجلر بردو
بس 2012 طبعا عشان الماتور الجديد والعفشة والحركات دى
اشترى رنجلر 2012 من 245 الى 255
وهتلقى كسر كسر الزيرو
ولو انت شاطر ممكن تصطاد حد مزنوق وعايز يبيع وتخلص على 230
بص ياباشا محدش يقدر ينكر ان البى ام جميلة وروعة وحاجة فاخيمة
لكن للاسف مش كل حاجة نفسنا فيها بنجبها
انت فى مصر
اولا التكيف تلاجة بمعنى كلمة تلاجة انا ركبت الكورى واللمانى والاوربى
مشوفتش تكيف بالقوة دى ودة بسبب الماتور الكبير 3700 سى سى
العزل مش قد كدة لكن كويس نوعا ما
العفشة طبعا مش هينفع اتكلم عليها
العربية دى عشان تحس بجملها لازم تخوش شوارع مكسرة ههههههههههههههه
انا بعد ما جبت العربية بحوالى كام شهر كنت كل مشوارى على الاسفلت قولت العربية دى زايها زاى اى عربية
غيرت رائى لما روحت الخصوص
طبعا الى من القاهرة يعرف يعنى اية الخصواص ادغال القاهرة
فعلا عالم تانى
الى ربنا يقدرو يشترى العربية دى يشتريها بدون تفكير
باشا انا كمان بحاول ادور علي رانجلر 2012
طيب ممكن تقولنا عل قطع الغيار والبنزين عاملة ايه لو انا استهلاكي فى داخل المدينة
العفشة ناشفة قوي يعني المطبات بتاعت الدائري بتسمع فى الظهر
انا من عشاق الرانجلر بس خايف من مصاريفها
انا حاسس ان الرانجلر هى الحل العملى لشوارع مصر من ناحية ومن سلوك الناس من ناحية تانية
الناس دلوقتى قمة البلطجة فى السواقة
عادى جداً دلوقتى انك تلاقى واحد دخل فى ضهرك وانت سائق لو الطريق وقف
وعادى جداً انك تلاقى واحد خارج من تقاطع بسرعة ولبس فيك
انا بصيت على إكسيدام الرانجلر الخلفى لقيته ماسك بشاسية العربية بقوايم حديد تحفة
اللى يفكر يخبط الرانجلر من الخلف تبقى أمة داعية علية
الله ينور عليك فعلا انا بحس ان الاكصدمات بتاعت الرنجلر بذات عن اى عربية جيب
انها معمولة للخبطات والحك
والله من كام يوم مكروباظ دخل فى ظهر العربية الرنجلر بتاعيت اخويا الميكروباظ الوش بتاعو باظ
وكل الى حصل فى الرنجلر ان الاكصدام اطبق
نزل خبط علية اترد تانى هههههههههههههههه
والله الرنجلر دى فلم وخسارة الى مش فاهمة
[justify] [/justify][justify][/justify]
[justify]
اتفق مع كل الكلام اللي قاله الاستاذ حسين , بالنسبة لقطع الغيار موجودة في سوق التوفيقية و في صلاح الدين بالاسكندرية بس محاولتش اني اسأل عن قطع الغيار لان العربية معايا لسه جديدة , و بالنسبة لاستهلاك البنزين بالمقارنة مثلا بالرينو داستر 1600 سي سي عالي شوية بالنسبة لواحد مش متعود علي موتور 3600 سي سي خصوصا جوه البلد يعني مثلا 14 الي 16 لتر في 100 كم و حوالي 25-30 لتر بالنسبة لمسافة 200 كم لو حضرتك مش بتشد و ماشي علي سرعة من 100- 120 كم في الساعة يعني الار بي ام من 2.5-3 ده تقديري الشخصي و ماليش دعوة بالكتالوج بتاعها .
وبالنسبة للعفشة فهي ناشفة طبعا و فعلا زي ما حضرتك قولت ممكن تكون بتوجع الظهر شوية بس انا شاريها و عارف انها كده فعلا و اسف اني رديت مكان الاستاذ حسين .[/justify]