ليه عاوزين دفع رباعي

**Ahmad Major** · 06-10-2013 07:05 AM

ليه عاوزين دفع رباعي
........
ناس كتير لما تلاقيك بتفكر فى عربية دفع رباعي يقولك انت غاوي منظرة او عاوز تطلع اوف روود فى الرمل و غيره
الحقيقة ان معظم اللي بيفكر يشتري دفع رباعي لا هيطلع رمله لان اللي بيطلعوا رمله فى مصر عددهم قليل و لا هو غاوي منظره لان فى ماركات مخصوص عشان المنظرة
بس هو عنده مشكله حقيقية يومية و بيدور لها على حل
انا من الناس دي
يعني لو حضرتك معاك سيفيك
و مضطركل يوم تقرببا تمشي وصلة 6-7 كيلو مرمي فيها سن و دبش رايح جاي
و لما تلاقي الطريق مقفول يا بسبب حادثة او سير عكسي و ده بقى روتين يومي و تضطر عشان تمشي حالك انك تنزل فى مدقات عاوزه دبابه
و لما تبقى فى وسط الزحمة و كل الناس عارفه انك خايف على عربيتك و فى ظل حالة العنف اللي مسيطرة على الناس و قلة الذوق المتوفرة الناس كلها تقريبا هترمي عليك و مهما كنت محترف برضو هتنخ فى الاخر
و ضيف لكده المطبات الزبالة و نوعية الرصف و النقر اللي مش مخلياك تستمع بميزة عربيتك خالص
و كمان مضطر تمشي بسرعات عالية في منحنيات افضل وصف ليها انها مصايد موت
و لما تيجي تركن بتدور على اي رصيف تعرف تطلعه
تخيل كل ده بشكل شبه يومي تقريبا
.
.
و فى نفس الوقت انت عاوز سرعات عالية لانك فى الغالب بتسافر مسافات طويلة بصفة يومية
وكمان عاوز ثبات اللي هو مش ميزة الدفع الرباعي
و كمان هيبقى عندك مشكلة فى البنزين لانك بتمشي مسافات طويلة
و مش معقولة كل يوم هتقضيه فى الصيانة او تلف على قطع غيار
كمان انت عاوز عربية مريحة الى حد ما و فيها اوبشنز عشان ما تكرهش حياتك
و تكون عالية عشان نوعية الطرق اللي بتمشي فيها و تخلي الناس تحاسب معاك شوية فى الزحمة
و كل ده فى ميزانية ما بين 150 الى 250 الف
تقريبا ده الرينج اللي بيتكلم فيه كل الناس
.
.
تلاقي المتاح قدامك يا اما عربية غيراعتمادية و هتبيتك عند بتوع الصيانة كل يوم و هتفلسك
او عربية مش ثابتة على الطريق على ألاطلاق و ألسفر بيها مخاطرة حقيقية
او عربية قديمة و تقريبا انت معندكش خبرة فى المستعمل زي حالاتي و فى الغالب هتلبس يعني هتلبس
او صيني لا قوة و لا تحمل و لا امان و ده راي شخصي
او عربية من شركة تاريخها فى الدفع الرباعي ضعيف
او عربية كروس اوفر اللي من راي انها بتجمع بين اسوا ما فى السيدان و اسوا ما فى الاس يو في
.
.
اتمنى اكون عبرت عن راي قطاع كبير
و اتمنى الكل يشارك بحلول
خاصة ذوى الخبرة
و اسف على الاطالة
#
مشاهدتك لوحدها مش كفاية
#
بفكر فى بي ام الاكس ثري على فكرة

**saddam** · 06-10-2013 04:26 PM

صديقي المواطن
جرب سبورتاج الجديدة أو اﻷفضل تاخد رانجلر الجديدة ومشتكلك حتنتهي وممكن.فورتشنر بس شايفها غالية وأنا عندي عربيتين غرز من ضمن عربياتي وبحب أطلع بيها أرصفة وأنا ماشي ومعليها كمان عن الفبربكة وتفكير سليم هوندا لم تعد تصلح لشوارع مصر والله إمبارح من فاقوس راجع وجنبي نبسان صني لغاية القاهرة فيها 4 أشخاص ومفيش مطب إلا وحكت بيه وصاحبها كان حيعيط بتاع 70 مطب للقاهرة وأنا قلت العربية دي بعد سنتين حتيجي تطلع مطب حتنقطع نصين من كتر محكت في مطبات في مصر وبالتوفبق
ودمتم للنضال

**horas3000** · 06-10-2013 06:24 PM

كلامك صحيح الي حد كبير
و عشان كده ظهرت ال cross over زي السبورتاج و القاشقاي و ال ix35
دول عربيات اعلي من السيدان و مش دفع رباعي و سواقتهم اقرب للسيدان منهم الي ال 4x4 و ال suv العاديين
و ال x3 تعتبر منهم الي حد ما لانها مش حمل مرمطه قوي ده غير انها مش رخيصه برضه

**Ahmad Major** · 08-10-2013 03:29 AM

ياريت ندخل ال kk فى دايرة المناقشة
انا شايف ان مشاكل كتير فى الليبرتي اتصلحت فيها و شايف الناس ناسيها دايما

**horas3000** · 08-10-2013 03:48 AM

المشاركة الأصلية كتبت بواسطة Ahmad Major

شكرا لكل الاصدقاء اللي تعبوا نفسهم و شاركوا
.
.
.
.
بالنسبة للكوري ماليش فيه اوي
بس هل تستاهل ربع ارنب
.
.
منتظر اسمع منك برضو
.
.
.
.
حلو موضوع الرانجلر ده فعلا
كان بعيد عن دماغي
بس اكلام هيبقى على 2012 زي ما سالت
السؤال هنا منين ممكن اجيب كسر زيرو مضمون و انساه خمس سنين من غير وجع دماغ و تكون سليمة ورق و حالة.....مع الصيانة طبعا
و هل ممكن ازود الاوبشنز اﻷي انا عاوزها......لانها فقيرة حبتين فى موضوع الاوبشنز ده
بس هو تفكير كويس جدا
كمان الفورتشنر فكرة حلوة

ياريت ندخل ال kk فى دايرة المناقشة
انا شايف ان مشاكل كتير فى الليبرتي اتصلحت فيها و شايف الناس ناسيها دايما

العفو يا باشا
بالنسبه للكوري الربع ارنب ده اقل حاجه
اقل من كده الصيني و عليك خير او مانوال بس و مفيش اوبشنز
اللهم الا القاشقاي و السوبارو xv

و صدقني مفيش عربيه في مصر تستاهل سعرها

الرانجلر كويسه
بس الاغلبيه بتشتكي انها مش مريحه و خصوصا في السفر
و ممكن طبعا تضيف اللي انت عايزه

ال kk شرحها بس اريح اكتر طبعا و مدنيه اكتر
مشكلتها انا في اخر ايامها و الشكل الجديد علي الابواب
و عموما مش هينتشر عشان مش هيتجمع هنا و يقال سعرها 850 الف

مشكله الاتنين طبعا في استهلاك البنزين و الضريبه

و طبعا الفورتشنر معاهم
هي اكترهم تجهيزا و اوسعهم لكن برضه ينقصها الراحه سنه اكمتها نص نقل في الاساس

**saddam** · 08-10-2013 07:19 AM

صديقي المواطن
الرانجلر مفيهاش تاي مشاكل وتلاقي كسر زيرو رخيص جدا وحقلك على حاجة غريبة في عربية نزلت مصر بس الشعب المصري الهمام بتاعنا حاربها بشراسة وأصر يفشلها وتوكيلها مكانش مقتدر ماليا ولكنها صنعت في مصانع الهيئة العربية للتصنيع دي لسه فيه منها زيرو ب 120 ألف ومستعمل تلاقي ب 75'ألف عربية نزل منها دفع رباغي وسبعة راكب ومكنة متسوبيشي ومواصفات كتير وكانت نازلة ببلاش وإتظلمت كتير في مصر بسبب حاجات عبيكمة زي فيشة في الفتيس ب 100 جنيه أو مثلا زرار قزاز راكب عكس أو رشح كورونة وكلها توافه والعربية إتباعت ببلاش وقيادتها مريحة ومميزة وغريبة وكرسي السائق قعدته مريحة جدا

كلامي مش حيعجب حد بس إسأل مجرب ولا تسأل دكتور لو مش مهتم بإعادة بيعها هاتلك وحده
عربية خرافية مقارنة بسعرها

ودمتم للنضال

**horas3000** · 08-10-2013 03:20 PM

المشاركة الأصلية كتبت بواسطة ahmedbasto

معلش بس هى ايه الkk دى
بالنسبة لصاحب الموضوع مفيش حاجة بعد كلام ا/شريف

العفو يا زعيم
و ال kk دي هي الشيروكي الشكل الحالي

المشاركة الأصلية كتبت بواسطة saddam

صديقي المواطن
الرانجلر مفيهاش تاي مشاكل وتلاقي كسر زيرو رخيص جدا وحقلك على حاجة غريبة في عربية نزلت مصر بس الشعب المصري الهمام بتاعنا حاربها بشراسة وأصر يفشلها وتوكيلها مكانش مقتدر ماليا ولكنها صنعت في مصانع الهيئة العربية للتصنيع دي لسه فيه منها زيرو ب 120 ألف ومستعمل تلاقي ب 75'ألف عربية نزل منها دفع رباغي وسبعة راكب ومكنة متسوبيشي ومواصفات كتير وكانت نازلة ببلاش وإتظلمت كتير في مصر بسبب حاجات عبيكمة زي فيشة في الفتيس ب 100 جنيه أو مثلا زرار قزاز راكب عكس أو رشح كورونة وكلها توافه والعربية إتباعت ببلاش وقيادتها مريحة ومميزة وغريبة وكرسي السائق قعدته مريحة جدا

كلامي مش حيعجب حد بس إسأل مجرب ولا تسأل دكتور لو مش مهتم بإعادة بيعها هاتلك وحده
عربية خرافية مقارنة بسعرها

ودمتم للنضال

حضرتك قصدك الكومودو ؟؟

-

الموضوع: ليه عاوزين دفع رباعي

LinkBack

أدوات الموضوع

عرض

-

-

-

المواضيع المتشابهه

ليه عاوزين دفع رباعي

مطلوب سيارة دفع رباعي

ماهي افضل سيارة دفع رباعي في مصر

مطلوب سيارة دفع رباعي

لاول مرة فيرارى دفع رباعي

الكلمات الدلالية لهذا الموضوع

المفضلات

المفضلات

ضوابط المشاركة