المالكين لستريون و بيتعاملوا مع توكيل ايه رايكوا في كلام دا ؟
http://nileup.com/up/uploads/nilemotors_13810623181.png
http://nileup.com/up/uploads/nilemotors_13810623182.png
عرض للطباعة
المالكين لستريون و بيتعاملوا مع توكيل ايه رايكوا في كلام دا ؟
http://nileup.com/up/uploads/nilemotors_13810623181.png
http://nileup.com/up/uploads/nilemotors_13810623182.png
حلو الجو ده
السترويين الجديده جميله جدا بصراحه ركبت مع واحد قريبى ال C-Elysee بصراحه جميله جدا وشيك ومريحه وبشوفها أحسن من الكورى لانها اوروبى
بس التوكيل غامض بالنسبه للناس عسان مفيش ناس كتير بتشتريها
بص يا باشا ، أنا هكلمك عن تجربتى هو توكيل زى أى توكيل ليه نقط قوة و نقط ضعف ، نقط ضعفه فى مهندس عندهم سئ و كتير بيكدب و شغله مش حلو اسمه أحمد فوزى حاول تتجنبه لو نويت تتعامل معاهم ، و فى ارتفاع أسعار المصنعيات و عدم توافر فروع كتير من مراكز الصيانة ، و أحياناً لما بتطلب قطع غير معتاد تغييرها (مفتاح ريموت ، باب ، شاشة بيانات ، لوحة عدادات... الخ) ممكن تلاقيها أو يجيبهالك فى خلال 10-14 يوم بس ده نادراً يعنى.....نقط قوته فى أسعار قطع الغيار المعقولة مقارنة بباقى التوكيلات و مراعاة انه بيبيع قطع غيار فرنساوى ساعات كتير أرخص من كورى فى توكيلات العربيات الكورى ، فنيينه كويسين و فاهمين مش يصلحوا حاجة يبوظوا جنبها حاجتين ، مهندسينه كويسين باستثناء أحمد فوزى ، المديرين هناك محترمين جداً و بيحلوا المشاكل لما الصغيرين يهبلوا ، الرجل عليه خفيفة و مستوى العملاء هناك مختلف يعنى مش هتلاقى نفسك واقف فى طابور تاكسى...
أنا عن تجربة ليه و لغبور أحب أقولك ان عز العرب يعتبر جنب غبور خدمة عملاء فى أمريكا ، و قرايبى جربوا عز العرب مقارنة بأبو الفتوح و برضه النتيجة كانت مشابهة
بس برضه خد بالك جورج ده بتاع مبيعات يعنى متاخدش من كلامه كتير لازم كده كده يحليلك البضاعة ، مفيش حاجة بدون عيوب الكمال لله وحده...
انا عن نفسي اتعاملت مع توكيلات هوندا و فيات و تويوتا و فولكس و اقدر اقولك ان علي مدار 7 سنين عز العرب يعتبر احسنهم كخدمة و كتقدير ليك و للعربية كفاية ان رئيس مجلس الادارة لمراكز الصيانة واقف علي رجله مبين المبني و الورش طول اليوم و هو راجل فوق ال 55 سنة ! متسمعش للشارع روح و تفرج بعينك واحكم انت ده حقق مش منة منهم
والله أنا برده من تعامله معايا في البيع أو بعد كده
الناس محترمين جدا
بس يا مصطفى , أنا أسمع إن توكيل toyota و honda دول من أحسن التوكيلات
الفطيم غالي شوية آه
معقول عز العرب أحسن :)
اه والله يا احمد توكيلات الفطيم تحسهم بيشتغلوا تجاري يعني يلي العربية الي بعديها غير ان توكيل تويوتا بتاع ابو رواش من أسوئهم و كان في عضو بيشتم فيهم جامد في قسم تويوتا و طبعا مفيش غسيل ولا كلام من ده انا والله ساعات كنت اروح عز العرب وتطلع الفاتورة اكتر من الي معايا كانوا بيخرجولي العربية و ابقي اعدي الفلوس عليهم بعدين !! و مفيش مرة مخدتش فيها خصم 10% علي قطع الغيار و 15% علي المصنعيات :beeangel:
والله كل يوم بيثبتلي إن احنا شعب فتاي :)
توكيلات طالعين بيها السما وتوكيلات يخسفوا بيها الأرض
والعربيات كده برده !!!!!!!!!
امبارح كنت في دوران شبرا لقيت c4 القديمة واقفة و صاحبها قاعد فيها فروحت سالتوا عن توكيل فقال انو كويس و قطع الغيار كويسة و موديل العربية 2005
و كل سنة و انتوا طيبين :)
و شكرا علي ردود