ايه رايكوا في كلام توكيل ستريون دا ؟

**hosssss** · 06-10-2013 03:27 PM

المالكين لستريون و بيتعاملوا مع توكيل ايه رايكوا في كلام دا ؟

**mohamedxsayed** · 06-10-2013 04:34 PM

حلو الجو ده
السترويين الجديده جميله جدا بصراحه ركبت مع واحد قريبى ال C-Elysee بصراحه جميله جدا وشيك ومريحه وبشوفها أحسن من الكورى لانها اوروبى
بس التوكيل غامض بالنسبه للناس عسان مفيش ناس كتير بتشتريها

**hamaka** · 07-10-2013 12:02 AM

بص يا باشا ، أنا هكلمك عن تجربتى هو توكيل زى أى توكيل ليه نقط قوة و نقط ضعف ، نقط ضعفه فى مهندس عندهم سئ و كتير بيكدب و شغله مش حلو اسمه أحمد فوزى حاول تتجنبه لو نويت تتعامل معاهم ، و فى ارتفاع أسعار المصنعيات و عدم توافر فروع كتير من مراكز الصيانة ، و أحياناً لما بتطلب قطع غير معتاد تغييرها (مفتاح ريموت ، باب ، شاشة بيانات ، لوحة عدادات... الخ) ممكن تلاقيها أو يجيبهالك فى خلال 10-14 يوم بس ده نادراً يعنى.....نقط قوته فى أسعار قطع الغيار المعقولة مقارنة بباقى التوكيلات و مراعاة انه بيبيع قطع غيار فرنساوى ساعات كتير أرخص من كورى فى توكيلات العربيات الكورى ، فنيينه كويسين و فاهمين مش يصلحوا حاجة يبوظوا جنبها حاجتين ، مهندسينه كويسين باستثناء أحمد فوزى ، المديرين هناك محترمين جداً و بيحلوا المشاكل لما الصغيرين يهبلوا ، الرجل عليه خفيفة و مستوى العملاء هناك مختلف يعنى مش هتلاقى نفسك واقف فى طابور تاكسى...

أنا عن تجربة ليه و لغبور أحب أقولك ان عز العرب يعتبر جنب غبور خدمة عملاء فى أمريكا ، و قرايبى جربوا عز العرب مقارنة بأبو الفتوح و برضه النتيجة كانت مشابهة

بس برضه خد بالك جورج ده بتاع مبيعات يعنى متاخدش من كلامه كتير لازم كده كده يحليلك البضاعة ، مفيش حاجة بدون عيوب الكمال لله وحده...

**Mostafa Khalil** · 07-10-2013 03:02 AM

انا عن نفسي اتعاملت مع توكيلات هوندا و فيات و تويوتا و فولكس و اقدر اقولك ان علي مدار 7 سنين عز العرب يعتبر احسنهم كخدمة و كتقدير ليك و للعربية كفاية ان رئيس مجلس الادارة لمراكز الصيانة واقف علي رجله مبين المبني و الورش طول اليوم و هو راجل فوق ال 55 سنة ! متسمعش للشارع روح و تفرج بعينك واحكم انت ده حقق مش منة منهم

**A.Adel** · 07-10-2013 08:29 PM

والله أنا برده من تعامله معايا في البيع أو بعد كده
الناس محترمين جدا

بس يا مصطفى , أنا أسمع إن توكيل toyota و honda دول من أحسن التوكيلات
الفطيم غالي شوية آه

معقول عز العرب أحسن :)

**Mostafa Khalil** · 08-10-2013 02:48 AM

المشاركة الأصلية كتبت بواسطة A.Adel

والله أنا برده من تعامله معايا في البيع أو بعد كده
الناس محترمين جدا

بس يا مصطفى , أنا أسمع إن توكيل toyota و honda دول من أحسن التوكيلات
الفطيم غالي شوية آه

معقول عز العرب أحسن :)

اه والله يا احمد توكيلات الفطيم تحسهم بيشتغلوا تجاري يعني يلي العربية الي بعديها غير ان توكيل تويوتا بتاع ابو رواش من أسوئهم و كان في عضو بيشتم فيهم جامد في قسم تويوتا و طبعا مفيش غسيل ولا كلام من ده انا والله ساعات كنت اروح عز العرب وتطلع الفاتورة اكتر من الي معايا كانوا بيخرجولي العربية و ابقي اعدي الفلوس عليهم بعدين !! و مفيش مرة مخدتش فيها خصم 10% علي قطع الغيار و 15% علي المصنعيات

**A.Adel** · 08-10-2013 11:57 AM

والله كل يوم بيثبتلي إن احنا شعب فتاي :)

توكيلات طالعين بيها السما وتوكيلات يخسفوا بيها الأرض
والعربيات كده برده !!!!!!!!!

**hosssss** · 15-10-2013 09:02 AM

امبارح كنت في دوران شبرا لقيت c4 القديمة واقفة و صاحبها قاعد فيها فروحت سالتوا عن توكيل فقال انو كويس و قطع الغيار كويسة و موديل العربية 2005
و كل سنة و انتوا طيبين :)

و شكرا علي ردود