خبطة فى سقف العربية

**semsem7222** · 06-10-2013 06:55 PM

الحمد لله وانا ماشى النهاردة راح هوب زجاجو 2 لتر من بتوع البيبسى مليانة عصير جوافة راحت نازلة على سقف العربية على ارخم حتة فى الكورنر الورانى اليمين وفى حتتين من البوية اتقشرو الحتة الى بعد الزجاج الخلفى علطول وحتة جنب الخوصة الى فوق الباب المهمدلوقتى اعمل فيها اة اسمكر وارش السقف كلة ولا اسمكر واديها كاربون ولا احطكابون علطول ارجوكم ردو لانى متعكنن اخر عكننة

**khaabas** · 06-10-2013 07:53 PM

قدر الله وما شاء فعل
بداية اوعى ترش السقف لان ده هعيب العربية ولما تيجى تبيع الفذلكة هتظهر فبلاش رش السقف ده
ومتزعلش نفسك

**mem** · 06-10-2013 08:45 PM

الحمد لله انها جت على اد كده
رشها لو فى حد شاطر بتاع دوكو تعرفه
ممكن يرشهالك على ادها بس ومن غير ما تبان

**semsem7222** · 06-10-2013 08:51 PM

شكرا للردود والحمد لله بس اسمكرها ولا الزق كاربون على كدة والتقشير دة هيعمل بارومة ولا اة

**profimh** · 06-10-2013 08:52 PM

خير على كده الحمدلله
بلاش موضوع الرش انت عارف الجهابذة اللى فى السوق هيطلعوها مغيرة سقف
انا ليا بس طلب يا ريت تصورها لو امكن عشان نشوف الصالح ليها
و متزعلش نفسك الازازة كان ممكن تعمل اكتر من كده بكتير دكده رضا

**semsem7222** · 06-10-2013 10:23 PM

المشاركة الأصلية كتبت بواسطة profimh

خير على كده الحمدلله
بلاش موضوع الرش انت عارف الجهابذة اللى فى السوق هيطلعوها مغيرة سقف
انا ليا بس طلب يا ريت تصورها لو امكن عشان نشوف الصالح ليها
و متزعلش نفسك الازازة كان ممكن تعمل اكتر من كده بكتير دكده رضا

هى تعتبر مش باينة بس اللى مضايقنى ان البوية متقشرة فخايف من موضوع البارومة وهى الخبطة انا تقريبا ردتها بايدى الا الحتت الى عند السوك بتاعت الزجاج الخلفى والقايم الى فوق الباب المهم عندى موضوع البارومة

**john55** · 06-10-2013 11:39 PM

الحمد لله ممكن تجيب اللون بتعها من قايم العربيه وتجيبه من محل بيع الدهان وبفرشه ممكن بحرفيه تداري اللون وتحافظ عليها من البارومه دا حل ممكن تعمله لكن ترش السقف بلاش وشكرا

**profimh** · 07-10-2013 02:12 AM

المشاركة الأصلية كتبت بواسطة semsem7222

هى تعتبر مش باينة بس اللى مضايقنى ان البوية متقشرة فخايف من موضوع البارومة وهى الخبطة انا تقريبا ردتها بايدى الا الحتت الى عند السوك بتاعت الزجاج الخلفى والقايم الى فوق الباب المهم عندى موضوع البارومة

كده تمام الحمد لله طمنتنى هات كود اللون من على القايم و اشترى منه و بفرشة صغيرة ادهن الحته اللى قشرت عشان البرومة .هى هتدريها بس هتبقى ملحوظة لو حبيت بعد كده تديها كاربون مش مشكلة المهم ان احنا تلافينا البرومة