اسبرانزا a113 ولا لادا 2107

**adelgeb** · 11-09-2008 02:37 PM

لوانت امكانياتك عالية جدا جدا هات الاسبرانزا وبعدشوية بعها وهات حاجة تانية وهكذا وتكون استمتعت بمتعة التغيير وموضوع الفلوس لايهم . أما لو امكانياتك محدودة وعايز عربية تعيش معاك على الأقل 10 سنين بقطع رخيصة وصيانة سهلة ومتوفرة خليك فى اللادا 2107.

**osamahalem** · 11-09-2008 03:06 PM

الاخ العزيز اولا انا مش مستغرب من المقارنة لان معنى انك تعمل المقارنة دى انك حطيت رجلك على الطريق الصحيح يعنى الناس اللى بتعمل مقارنات بين عربيتين صينى مثلا ويكون الفارق ان الاولانية بتفتح التانك اوتوماتك من جوة والتانية مبتعرفش يعنى مقارنة فى شوية كماليات كلها هتعطل بأذن الله بعد سنتين تلاتة وعلشان تشتغل تانى يلزمها مصاريف تشترى عربية جديدة دى مش مقارنة انت بتعمل مقارنة بين كماليات ومتانة وانا هديلك رئيى انت افضل الحلول تجيب سيارة موديل التسعينات كورولا او اوبل فيكترا تحديدا لانهم اكتر العربيات اللى اسعارها ثابتة وتقدر تبيعها من غير ما تخسر فيها ولما الصين او غيرها تنزل سيارة محترمة ومتينة وتتحمل يبقى تبيعها وتلاقى فى ايدك السعر المطلوب للسيارة الجديدة ودى نصيحتى لحضرتك ولك منى كل الاحترام والتقدير

اخوك / اسامة حليم / المنصورة

**blazer** · 11-09-2008 03:58 PM

المشاركة الأصلية كتبت بواسطة adelgeb

لوانت امكانياتك عالية جدا جدا هات الاسبرانزا وبعدشوية بعها وهات حاجة تانية وهكذا وتكون استمتعت بمتعة التغيير وموضوع الفلوس لايهم . أما لو امكانياتك محدودة وعايز عربية تعيش معاك على الأقل 10 سنين بقطع رخيصة وصيانة سهلة ومتوفرة خليك فى اللادا 2107.

ازاى يا مان الفلوس مش مهمه طيب مايروح يجيب فرارى بقى

**meeezo333eg** · 10-12-2008 03:18 AM

لو جبت الادا خليك فاكر العيب الجوهرى اللى فى العفشة بتاعتها بتاع البيضة اللى بتملص و فيه اخ هنا فى المنتدى عمل حادثة باللادا موديل 2007 يعنى البيضة ملصت بعد سنة