كام سؤال عن تويتا كرولا جنوب افريقي 2009

**Yasser.Bayoumi** · 06-10-2013 10:42 PM

السلام عليكم
الحاج الوالد جاب تويتا كرولا 2009 ادفانسد وكان عندي كام سؤال كده يا ريت حد يفيدني
1) مثبت السرعة و ال (+ , -) اللي ورا الدريكسيون مش شغالين , في التوكيل قلولي عايزة كويل اير باج وتمنه 1400 جنيه .. حد يعرف مكان ارخص ولا إيه العمل ؟؟

2) الكاسيت 6 سي دي كانوا شغالين عادي وبقلب فيهم عادي بس مابيخرجوش من الكاسيت , الراجل هناك قالي ديه ممكن تعملها عند أي حد بتاع كاسيت عادي ملهاش لازمة تعملها في التوكيل , بس هي رجعت لا السي دي بيخرج ولا بيشتغل كمان , بيقولي error , بس الراديو شغال عادي .. حد يعرف إيه العمل ولا هتكلف كام ؟

3) كنت عايز أركب مخرج لل AUX .. ينفع ولا لأ ولو ينفع يتكلف كام وفين ؟

4) قالي محتاجة تيل فرامل امامي وخلفي وتمنهم 1200 جنيه تقريبا مش فاكر بالظبط !! كتير برده , مفيش حل تاني ؟؟

ملحوظة : الراجل اللي في التوكيل ده معرفة , يعني معتقدش بيشتغلنا أو بينصب علينا !!
شكرا مقدما :)