زملائى الاعزاء /بما انى محتار فى موضوع الحراره وفيه اراء كتير قالتلى ان الحراره كدا مظبوطه بتعدى شرطه النص بحاجه بسيطه وبعدين المراوح تشتغل تنزلها على النصف وفيه اراء تانيه قالت ان الاسترا البرازيلى عمرها ما بتكسر النص
جتلى فكره ومحتاج رايكم قبل ما انفذها وبحكم انى شغال فى مجال الكهرباء بس مجال بعيدشويه عن السيارات مجال مواتير الاعماق والمولدات بس بحب كهربه السيارات
المهم العمليه هى /عمل كنترول للمراوح بما ان السبب عندى هو تاخر عمل المراوح
اولا انا لسه مغير كوعه المياه ال فيها السعه بتاعت الحراره هجيب الكوعه القديمه واعمل فبها مكان لسعه جديده واشترى سعه تبدا من 85 مثلا وهركب السعه القديمه زى ما هى ومتوصل فيها الفيشه بتاعتها تمام وبكدا عندى السعه الجديده ال ركبت هاخد منها الاشاره وهدخلها على كويل كتاوت خارجى 30 امبير مثلا طبعا اول درجه حراره المياه ما توصل للمطلوب السعه هتقفل اوم وهتدى ارضى للكتاوت يلقط ويوصل كهرباء مباشره الى المراوح ال عنفصل الفيشه بتاعتها ونديها عن طريق الكتاوت يبقى كدا السعه القديمه هتدى الكمبيوتر نفس القرايه ولاكن المراوح هتعمل على السعه الجديده
من فضلكم محتاج رايكم ضرورى