الموضوع: محتاجة مساعدة في معرفة سعر نيسان صنى 2014 الشكل القديم

المشاركة الأصلية كتبت بواسطة asyl84

نفس المعاناة الى عشتها فى شهر 1/2013 بصى واحدة واحدة كدة عشان انا لفيت كتير فى القصة دى ..العربية سعرها رسميا 97 الف تقريباالى 100 الف معنى كلمة رسمى النهاردة انك تحجزيها كام شهر يعنى شهرين تلاتة حاجة كدة المفروض الناس المعتمدة اوتو ايجيبت والسبع ومودرن وناشيونال موتورز فى الصعيد نيجى لواحد واحد اوتو ايجيبت ومودرن ملتزمين بالحجز والسعر الرسمى السبع عمل ناصح وقالك انا ركبتلك فرش جلد وسينسور من عندى والاستلام بعد يومين عشان اركبهوملك عندى وبكدة هو من حقة يلعب فى السعر ناشيونال بقى قالتلك انا هزود من 2 الى 4 فى السعر بس من غير ما نكتب الكلام دة فى ورق يعنى الفاتورة بالسعر الرسمى والتسليم فورا...المعارض العادية بقى زى سمير ريان وغيرة بيبيع بنفس سعر السبع لانهم بياخدوها من السبع ....من الاخر بعد ما لفيت ودورت وروحت وجيت جبتها من ناشيونال موتورز فى الدقى كانت وقتها رسميا ب 95 وانا اشتريتها ب 98 وكانت عند سمير ريان والسبع ب 102 (سيبك من قصة السينسور والفرش دى حاجات كبيرها الف جنية )سبب الاوفر برايس الطلب عليها على حسب ما قالولى يعنى

شكرا جزيلا على المشاركة, انا كلمت اوتو ريان وقالى 2014 الشكل القديم 110,500 وقالى لما تيجي هايبقي فيه كلام, ليا صديقة اشترت منهم قبل كدا و كان اقصي تخفيض 11000 و روحت للمصرية قالولى استلام بعد شهرين 10009, انا حسبتها بالفرش الجلد جميل جدا و دوسات نيسان اصلي و شماسة + باركينج سونسر قولت مش مستهالة واخدها في وقتها من السبع ب 112000
بس النا شوفته ان هما عاوزين يخلصوا من الشكل الجديد علشان فيه مشاكل كتير بالتالى سعرها نزا ل 114 بدون مالتى ميديا و الشكل القديم سعره رفع

انا ليا بعض الاستفسارات بخصوص العربية لسه جديدةايه الاكسسوار الممكن يضاف في الصنى الشكل القديم, و هل العربية محتاجة تليين اقصد اخر سرعة ليا تكون كام, و المفروض الكاوتش يكون على كام, وهل لو تم تغيير السي دي و السماعات تخرج عن الضمان علشان بصراحة الكاسيت و السماعات اسوء شيء سمعته في حياتي و سماعتين بس, اسفة على الاطالة

بنت نيسان الجديدة

المشاركة الأصلية كتبت بواسطة سمر حسن

شكرا جزيلا على المشاركة, انا كلمت اوتو ريان وقالى 2014 الشكل القديم 110,500 وقالى لما تيجي هايبقي فيه كلام, ليا صديقة اشترت منهم قبل كدا و كان اقصي تخفيض 11000 و روحت للمصرية قالولى استلام بعد شهرين 10009, انا حسبتها بالفرش الجلد جميل جدا و دوسات نيسان اصلي و شماسة + باركينج سونسر قولت مش مستهالة واخدها في وقتها من السبع ب 112000
بس النا شوفته ان هما عاوزين يخلصوا من الشكل الجديد علشان فيه مشاكل كتير بالتالى سعرها نزا ل 114 بدون مالتى ميديا و الشكل القديم سعره رفع

انا ليا بعض الاستفسارات بخصوص العربية لسه جديدةايه الاكسسوار الممكن يضاف في الصنى الشكل القديم, و هل العربية محتاجة تليين اقصد اخر سرعة ليا تكون كام, و المفروض الكاوتش يكون على كام, وهل لو تم تغيير السي دي و السماعات تخرج عن الضمان علشان بصراحة الكاسيت و السماعات اسوء شيء سمعته في حياتي و سماعتين بس, اسفة على الاطالة

بنت نيسان الجديدة

بالنسبه للتلين ف فترة 1000 ك متخليش rpm يوصل ل 4000 يعنى اخرك ف السرعات مثلا 80 ومش تثبتى على سرعه لفتره والتكيف مش يشتغل ف الفتره د وبالنسبه للاطار خليه على 30 حلو علشان المطبات وثبات العربيبه مع ان سمعت كلام ف الموضوع ده بس سالت مهندس وقالى خليه كله 30 علشان على قائم الباب بيكون مكتوب ضغط الاطار وحاولى تفتحى الكتالوج وتشوفى العلامات اللى بتظهر ف الشاشه د كل علامه بتدل على ايه الحوار مع ان البعض ممكن يعتبره حاجه تافه بس بينفع ف اوقات وبالنسبه للسماعات اللى اعرفه ان اى لعب ف ضفيرة الكهريا يخرج من الضمان او لو رحتى التوكيل يظبطولك الحوار ده ومبروك عليكى السياره وربنا يكفيكى شرها

الناس هنا بردوا سباقة للخير وكل كلامهم صح بلاش لعب فى الكهرباء بلاش تفتحى الكابوت اصلا والا تشوفى سلوك العربية طوال فترة الضمان ومن وجة نظرى المتواضعة ان افضل اكسسوارات لنيسان الشكل القديم انها تفضل زى ماهى ..هى عربية كلاسيكية لما بشوفها فيها حركات بحسها زى الرجل العجوز الى صابغ شعرة اخضر وعمله سبايك ..استنى عليها لما تخلص ضمانها وابقى اعمليلها كاميرا وسينسور ودى فى دى افضل بكتير من التوكيل لان الفرق الضعف ومايستهلش ...انتى مهمتك دلوقتى انك تلينيها براحة وتحفظى ابعادها عشان متخبطيهاش والا حد يخبطهالك ودة يبقى اكبر انجاز عملتية فى حياتك.....ومازلت بقولك ان الفرش الجلد والسينسور والدواسات متستهلش ..ياريت تعرفى سعرها رسمى بكام وياريت تعرفى ناشيونال موتورز فى ميدان فينى بالدقى عندهم بكام ولو طلعوا ارخص سعر واستقريتى عليهم قوليلى وانا اكلمهم فى وقت التسليم يكون فى خلال يومين بالظبط ...انا اشتريت منهم 3عربيات عربيتى و2 لصحابى فليا كلام معاهم فى التسليم والكلام دة

المشاركة الأصلية كتبت بواسطة eng_hatemfathy

اللى عند سمير ريان بفرش جلد ولا من غير ولو عاجبك اللى هناك واللون موجود انا ممكن احركلك السعر للسعر لاقل سعر فى السوق وممكن اقل كمان
قررى بس انتى عايزة ايه وانا هكلملك حد هناك وهببعتلك تليفونها على الخاص ولو فى حاجه تانية هتلاقينى ان شاء الله بساعد على قدر الامكان
وطبعا تغيير اى حاجه بره التوكيل بيخرج العربية من الضمان فممكن تشوفى كاسيت عندهم لو موجود وطبعا النيسان اخرها الفوجات والنواكل>مش بحبها< والجنوط الاصلية ودى غالية فى التوكيل والكاميرا وفى كاسيت بيبقى بالجى بى اس والكاميرا والدى فى دى وعلى مقاس التابلوه بس هتجتاجى تستنى لما تخلصى الضمان

وبالنسبة للشكل الجديد مشاكل الطنابير والتعليق اتحلت والسعر زاد 10 الالف جنية يعنى كانت اعلى فئة ب 117 الف بقت ب 127 الف وعليها قايمة انتظار بالتلات شهور علشان تخديها ب 120 الف وموديل 2014 فى السوق بالسعر الجديد وعليه اقبال ضرب نار وهيا مع زمايلى ومن غير شكاوى
بس الناس بتحب القديم عالشان 1600 سى سى والشنطة اوسع والصاج اجمد لانها اتقل وقطع غيارها ارخص فى الاكسسوار بس مقابل ده اكتر استهلاك بنزين واقل فخامة واضيق صالون

ميرسيييي كتير للرد و الاهتمام, انا فعلا اشتريت صنى 2014 الشكل القديم من السبع ب 112 الف , شاملة انذار و فرش جلد و السنوسر, ده سعرها و لا غلي عليا؟ سؤال لو مافيش مانع ممكن اجيب دي في دي و سماعات و يكون مركز الصيانة المشرف على تركيبها؟

المشاركة الأصلية كتبت بواسطة asyl84

الناس هنا بردوا سباقة للخير وكل كلامهم صح بلاش لعب فى الكهرباء بلاش تفتحى الكابوت اصلا والا تشوفى سلوك العربية طوال فترة الضمان ومن وجة نظرى المتواضعة ان افضل اكسسوارات لنيسان الشكل القديم انها تفضل زى ماهى ..هى عربية كلاسيكية لما بشوفها فيها حركات بحسها زى الرجل العجوز الى صابغ شعرة اخضر وعمله سبايك ..استنى عليها لما تخلص ضمانها وابقى اعمليلها كاميرا وسينسور ودى فى دى افضل بكتير من التوكيل لان الفرق الضعف ومايستهلش ...انتى مهمتك دلوقتى انك تلينيها براحة وتحفظى ابعادها عشان متخبطيهاش والا حد يخبطهالك ودة يبقى اكبر انجاز عملتية فى حياتك.....ومازلت بقولك ان الفرش الجلد والسينسور والدواسات متستهلش ..ياريت تعرفى سعرها رسمى بكام وياريت تعرفى ناشيونال موتورز فى ميدان فينى بالدقى عندهم بكام ولو طلعوا ارخص سعر واستقريتى عليهم قوليلى وانا اكلمهم فى وقت التسليم يكون فى خلال يومين بالظبط ...انا اشتريت منهم 3عربيات عربيتى و2 لصحابى فليا كلام معاهم فى التسليم والكلام دة

ميرسيييي كتير للرد و الاهتمام, انا فعلا اشتريت صنى 2014 الشكل القديم من السبع ب 112 الف , شاملة انذار و فرش جلد و السنوسر, ده سعرها و لا غلي عليا؟ علشان بصراحة انا سئلت على كذا سعر و كانت الاسعار مابين 110 و 112 الف و تسليم بعد شهرين ال ب 110,سؤال لو مافيش مانع ممكن اجيب دي في دي و سماعات و يكون مركز الصيانة المشرف على تركيبها؟

اعتقد لاء لازم كل حاجة من عندهم والتركيب عندهم

المشاركة الأصلية كتبت بواسطة yaya_tearoy

بالنسبه للتلين ف فترة 1000 ك متخليش rpm يوصل ل 4000 يعنى اخرك ف السرعات مثلا 80 ومش تثبتى على سرعه لفتره والتكيف مش يشتغل ف الفتره د وبالنسبه للاطار خليه على 30 حلو علشان المطبات وثبات العربيبه مع ان سمعت كلام ف الموضوع ده بس سالت مهندس وقالى خليه كله 30 علشان على قائم الباب بيكون مكتوب ضغط الاطار وحاولى تفتحى الكتالوج وتشوفى العلامات اللى بتظهر ف الشاشه د كل علامه بتدل على ايه الحوار مع ان البعض ممكن يعتبره حاجه تافه بس بينفع ف اوقات وبالنسبه للسماعات اللى اعرفه ان اى لعب ف ضفيرة الكهريا يخرج من الضمان او لو رحتى التوكيل يظبطولك الحوار ده ومبروك عليكى السياره وربنا يكفيكى شرها

أشكرك جزيلا, الحمد لله نزلت من بيتي لاقيت العلامة مسروقة مع انى لسه مرخصتش و الباب خلف السائق مش بيفتح من جوه لو روحت التوكيل هيصلحوا ببلاش العربية معملتش 150 كيلو