BYD G3 ام chevrolet aveo

**ahmed 3llam** · 07-10-2013 01:28 PM

السلام عليكم ورحمة الله وبركاته

,
دي اول مشاركة ليا فى المنتدي المحترم ده اللى استفدت منه كتير ,,
واتمني تفيدوني فى اختيار الاول فى شراء سياره ...
,
حابب اشتري سيارة فى حدود 75 - 85 الف . وبعد قراءتي للكثير من الموضوعات هنا قررت الاختيار بين سيارتان ,,

الاولى : BYD G3 2013
.

.
الثانيه : chevrolet aveo 2013
.

,
.
.

التمني المساعده فى الاختيار ... ولو فى بديل افضل منهما فاتمني الافاده ..

وجزاكم الله خير

**saddam** · 07-10-2013 03:10 PM

صديقي المواطن
طبعا كل اﻷخوة الزملاء المواطنين في المنتدى حيقلك أفيو إسم وسمعة ومااركة وشيفرولية وحيقلك البي واي دي عربية صيني و دول بتوع أول إمبارح ولكن الحقيقة اﻷفيو ليس لها من إسم شوفرليه إلا الجوع والعطش وسيارة صغيرة وضعيفة وتبريد دون المتوسط وشكلها صار قديما جدا جدا أما البي واي دي قطع غيار أرخص ومنتشرة وتكييف جبار وطبلوه جميل وتعتبر كورولا إلا ربع ولكن يعيبها خلاص.شكلها بقى قديم ولا يواكب العصر وعشان نزل منها كتير تكسي فحتبقه زيك زي التكسي ونفس المشكلة في لانوس وفيرنا
أما نصيحني فأنا أساسا في مصر لا أشجع على السيارات الزيرو فبسبب جماركتا الخبيثة تعتبر سرقة عيني عينك وإغتصاب لتعبك وشقاك وتدفع فلوس مرسيدس وتركب في مصر بفلوس المرسيدس ميتسوبيشي أو فيرنا أو لانوس أو لادا
ولكن بما إنك مصر على الزيرو ضمن ميزانيتك فأنا لو مكانك حجيب جيلي إمجراند 7 بس مفيش أوتوماتيك منها العربية دي بتنتشر شوية شوية وأصلا المدعو غبور خلص عقد الفيرنا مع هيونداي فدي هي البديل ليها ومشاكلها كلها سطحية مقابل سعرها وشكلها وقطع غيارها بتوصل تباعا وخلال سنتين حتنضاعف أعدادها في الشوارع وفي اﻵخر دي فلوسك ولك الخيار

ودمتم للنضال

**ahmed 3llam** · 07-10-2013 03:36 PM

انا مشكور على نصيحتك بخصوص السياره جيلي إمجراند 7
انا اول مره اشوفها ودلوقت هابدأ بالتفكير فيها بجديه وشكلها فعلا افضل من الاختيارين السابقين

**ahmed 3llam** · 07-10-2013 04:27 PM

بعد البحث كثيرا عن السياره جيلي امجراند 7 .. وجدت انها كويس بس تقفيل مصري من غبور .
اما ال byd G3 فهي تقفيل صيني " افضل " من الامل ..
الاتنين صيني والاتنين حلوين وتقريبا نفس الامكانيات ونفس السعر ..
لو حد يقدر يفيدني فى الاختيار بينهم يكون له جزيل الشكر

**abdoumahros** · 07-10-2013 05:19 PM

المشاركة الأصلية كتبت بواسطة ahmed 3llam

بعد البحث كثيرا عن السياره جيلي امجراند 7 .. وجدت انها كويس بس تقفيل مصري من غبور .
اما ال byd g3 فهي تقفيل صيني " افضل " من الامل ..
الاتنين صيني والاتنين حلوين وتقريبا نفس الامكانيات ونفس السعر ..
لو حد يقدر يفيدني فى الاختيار بينهم يكون له جزيل الشكر

اتفرج علي برتون ساجا
انا رايي المتواضع انها افضل من الاتنين