فورد مونديو 2010

**mido51eg** · 07-10-2013 02:30 PM

مساء الفل يارجالة الفورد

عاوز مساعدتكم ، واحد صديقي معروض عليه فورد مونديو 2010 عاملة 70 الف كيلو ومطلوب فيها 125 الف جنيه ... العربية دي طبعا انا عارف انها تحفة لكن اللي عاوز اسأل عليه هو ايه مدى توافر قطع غيارها في التوكيل وبره التوكيل علما بأن العربية دي بايعة 250 عربية فقط في مصر؟

**bassam nagy** · 07-10-2013 03:18 PM

اعتقد قطع غيارها فى التوكيل والموزعين المعتمدين
الاستيراد كنت شوفتها فى الحرفيين معروضة نصفين

**saddam** · 07-10-2013 03:33 PM

صديقي المواطن
واضح إن العربية لسه مع مالكها اﻷصلي فدائما المالك اﻷصلي بيطلب أسعار خيالية ﻷنه هو من دفع فلوس كتير أول مرة وللأسف قطع الغيار بتاعتها نادرة جدا وحتعتمد على حد صاحبك يبعتلك قطع من بره بس هي عربية جميلة
ودمتم.للنضال

**mido51eg** · 07-10-2013 04:56 PM

المشاركة الأصلية كتبت بواسطة saddam

صديقي المواطن
واضح إن العربية لسه مع مالكها اﻷصلي فدائما المالك اﻷصلي بيطلب أسعار خيالية ﻷنه هو من دفع فلوس كتير أول مرة وللأسف قطع الغيار بتاعتها نادرة جدا وحتعتمد على حد صاحبك يبعتلك قطع من بره بس هي عربية جميلة
ودمتم.للنضال

معنى كده ان قطع غيارها نادرة كمان في التوكيل؟

**egytamer** · 08-10-2013 02:11 AM

العربية دي وهمية وبحس ان تصميمها قريب للجاجوار جدا لو هي عاجبة صاحبك خلية يروح التوكيل يسئل علي قطع الغيار وياخد لفة في شارع دمشق والحرفين والوكالة يشوف في قطع غيار استيراد ليها ولا نادرا ولو لقا قطع الغيار موجودة واسعارها كويسة يتوكل علي الله

**mido51eg** · 08-10-2013 10:38 AM

المشاركة الأصلية كتبت بواسطة egytamer

العربية دي وهمية وبحس ان تصميمها قريب للجاجوار جدا لو هي عاجبة صاحبك خلية يروح التوكيل يسئل علي قطع الغيار وياخد لفة في شارع دمشق والحرفين والوكالة يشوف في قطع غيار استيراد ليها ولا نادرا ولو لقا قطع الغيار موجودة واسعارها كويسة يتوكل علي الله

والله ياتامر صاحبي ده شاف العربية وركبها وساقها ونزل منها الريالة مغرقة قميصه من انبهاره بيها ، لكن موضوع قطع الغيار والعدد القليل اللي متباع منها في مصر قالقه قوي

**egytamer** · 08-10-2013 08:28 PM

بس اكيد هيبقي ايها قطع غيار الوكيل كان بياكد اوي الموضوع دا وممكن يلاقي استيراد صحيح مش هتكون كتيرة اوي بس في المقابل هيركب عربية رائعة بسعر ممتاز انا كمان لما ركبت العربية دي في المعرض كنت مزبهل من الشياكة والفخامة ولو العربية دي كانت بتنزل اتوماتيك كانت عملت مبيعات كويسة.