نفسى أتجرأ ..... و أقول بكرهك
ليه أنا بصفى لحد لو ظلمنى أو خدعنى
ليه مش بكره حد مع أنه يستاهل يتكره
ليه لما يعذبنى بنسى اللى عمله ومش بنساه هو !! إحساس الظلم وحش
بس الأوحش أنك تحس أنك مسامح ومسامح أوي حد ميستاهلش
حاسه أنى عايزة أكره ومش عارفه
من حقى أحب وأكره
أدى وآخد يااااه ... اللى بيقولواعلى طيبه القلب دى ميزة
لأ
دى أسوء حاجه وأسوء إحساس
إزاي حد يجرحنى وأستقبله تانى وأتعامل معاه ولا كأن حاجة حصلت
مش علشان الناس ومش علشانه
لأ بينى وبين نفسى ليه بحس إنى مسمحاه مع أنه جارحنى
مش بكرهه مع أنه يستاهل يتكره
ويا ترى هو بيقول أيه لنفسه : عارف انى سامحته ولا بيتريق ويقول عليا مثاليه ، ولابيفتكر إنى عبيطة ولسه بحبه ازاى أكره
إزاى أبعد عن اللى جارحنى
إزاي أقرر أني أبتعد
إزاي مديش فرصة لجرح تاني