ربنا يبارك في حضرتك ونورت الموضوع
عرض للطباعة
[QUOTE=sameh_loza;3875226174]انا كتب في موضوع اخر واحب اطرحه هنا لاستفادة :
انا خايف من الاكسار للاسباب الاتية :
- قطع الغيار من حيث توفرها واسعارها زي علبة الدريكسون والكبالن وطرمبة الباور الفوانيس الامامية والخلفية وكمان الحساسات بتاعتها كل هذه الحاجات المستهلكه اخبارها اية
- صيانتها واسعار الصيانه عند الميكانيكية وشغل الكهربا كمان
- الاوتوماتك اخباره ايه
- السخنيه
ارجو مساعدتك في الرد علي هذه الاستفسارات[/QUOT
هرد على سيادتك واحدة واحدة
موضوع الشراء بالنسبة للعربيات دة نصيب من عند ربنا ولا تدخل فيه
بالنسبة لتوافر قطع الغيار موجودة عاوز جديد فيه استيراد فيه ومش عاوز اقولك من اول الابرة لحد اخر العربية والاسعار انا مذكورة فوق وانا لسا مشتري حساسات وهكتبها
اسعار الفوانيس انا سالت على الخلفى استيراد اصلي بحالة الزيرو الجوز ب 300 جنيه
- شغل الكهرباء انا اول مرة اروح بيها لكهربائي وهو شغال في العربيات العالية غيري كتاوت مروحة ولمضة امامية وكلاكس وحساس الحرارة كان بايظ وغيره والراجل خد مني كام 25 جنيه
-مشكلة الحرارة دي اهمال لا اكثر ولا اقل من اي مالك سابق مش ايده في العربية انا لما اشتريت العربية مكنتش بتسخن وكانت شغالة مروحة واحدة بس رحت للكهربائي شغلي المروحتين والحرارة مبتزدتش عن 90
-
الاتوماتيك معرفش عنه حاجة بصراحة ومقدرش اقول قالولي ونظام الفتي ده
- بص بالنسبة لاسعار الصيانة عند الميكانيكية ده بيرجع للميكانيكي اللي بتتعامل معاه مش لنوع العربية اه هي لما العربية نزلت سنه 2000 كانت اختراع لان مكانش في عربيات كتير بحساسات لانه كان زمن الفيات لاكن من 2003 نزلت العربيات بكمبيوتر وحساسات حتى الانوس والفيرنا فدلوقتي اي ميكانيكي يقدر يشتغل فيها على ما اعتقد برده وكل واحد ليه وجهة نظر
واي استفسار تحت امر حضرتك
امبارح كان عندي شوية تظبيط كده
1- تغيير حساس الباور رحت التوفيقية اشتريه لاقيته ب 225 يقال اصلي مع اني مش مقتنع اصلا ان في حد بيجيب اصلي ولاقيته صينى ب 175 المهم انا استغليته رحت رايح على الوكالة كانت الساعة داخلة على 8 مساءاً اشتريته من واحد استيراد ب 90 جنيه بس من غير فيشة بصراحة موضوع الفيشة ده زعلني المهم كانت معظم الناس قافلة لاقيت واحد فاتح عنده بيجو بقولو معندكش الفيشة بتاعت الحساس ده قالي عندي الحساس بالفيشة ب 150 المهم فاصلت معاه وخدت حساس الباور بالفيشة بماسورة الباور بس بتاعت بيجو 206 ب 100 جنيه ورحت مرجع الحساس اللي انا جبته ب 90 جنيه
-غيرت حساس الحرارة وفي ناس بتقول ترموستات المياه اللي هو في كوعة المياه وسعره 100 جنيه وفي صينى لاقيته ب 30 جنيه بس خفت منه والنهاردة ان شاء الله هعمل شوية حاجات وابقى اكتبها باليل وكل عام وانتم بخير
امبارح رحت اعمل مفتاح اسبير لاقيته غالي مش عارف ليه تكلفة المفتاح بالفحمة بالشفرة قالي 240 جنيه سألت بره القيته يعمل 230 عند واحد تاني رحت منفض بقى
والله اسعار معقوله جدا ومش غاليه خالص زى ما كنت بسمع
ربنا يوفقك
امبارح حصل فصل بايخ جداً واتكرر النهاردة الصبح فحبيت احكي عليه علشان الناس تستفيد منه
- جيت اركن اول امبارح والقيت الشارع عاى اخره وكان ميكانيكي وعفشجي هيقفل فقلتلقو ممكن اركن لحد الصبح قالي بس احنا بنفتح الساعة 10 قلتلو ماشي بالمرة تبصلي على المساعد اللي ورا علشان في صوت تزييق وصوت من الدبرياج لما بدوس عليه لاخره بيروح والعربية باردة واول ما بتسخن بيروح
- صحيت الساعة 10 تاني يوم لقيت الصبي فتح الورشة قلت ايه اتسلى اعمل ايدل ليرن لحد البيه ما يشرف
- المهم عملت الايدل ليرن والواد الصبي قالي ايه في زيت بور نازل من ناحية الحساس اللي لسة مغيره المهم خلصت الخطوات بس كان ناقص المراوح تشتغل طبعاً خفت فبطلت العربية وسيبتها لحد ما البيه الميكانيكي شرف
- المهم البيه وصل الساعة 12 اللي كان قايلي هاجي 10 الصبح قلتلو مش هتفطر قالي لا بس اخلصك الاول قلتلو ماشي قالي دور كده وحلفت ما هي دايرة دور مش راضية دور مش راضية اكتر من 10 مرات المهم قالي وديها لكهربائي رحت زقتها لكهربائي جنبه كده المهم الراجل قعد يمين شمال ويجرب الفيوزات ويفك الكمبيوتر ويقولى جه عليه مياه اوله لا المهم الراجل قالي انت كده معندكش عيب كهرباء روح بقى لواحد بتاع كمبيوتر يكشف عليها يمكن حساس ولا حاجة
- المهم زقيت العربية لحد واحد في شبرا كده ناحية ميدان الخلفاوي يجي في نص ساعة بعد ما وصلت جيت اجربها لاقيتها دارت لوحدها المهم طلع المهندس وقالي بص اكشف على الفحمة اللي في المفتاح او الكود بتاعه
- المهم مشيت رحت رايح على الكهربائي اللي بتعامل معاه في الترعة عقبال ما وصلت عنده بطلت جيت ادور مرضيتش
- بص عليها طلع ايه بقى العيب الجهنمي سلك اللقط بتاع المارش كان واقع نص ونص من مكانه راح مركبه وقالي تمام كده يا استاذ
- طلع العيب سلك اللقط بتاع المارش
يارب الناس تستفاد طبعا العيب اتكرر تاني النهارده رحت نازل فاتح الكبوت ومركب الجاك مكانه واهو الواحد كل يوم بيتعلم شوية بشوية
ممكن تقولى مفتاح الاسبير سالت عليه عند مين
وهل السعر ده لمفتاح بالريموت؟؟