رحلة مع الاسعار الجديدة لقطع غيار الاكسارا
بسم الله الرحمن الرحيم
الموضوع ده هيبقى مفتوح يعني كل ما هغير حاجة هكتبها واقولها علشان الناس تسفيد منه بإذن الله
انا الحمد لله جبت عربية ستروين اكسارا 1 وقلت اظبط فيها شوية في العفشة وادوات التغذية ونزلت اشتريت حاجات كتير ليها وشوفت اسعار جميلة جداَ عكس اللي الناس بتقوله ان قطع غيارها غالية ومحدش بيفهم فيها
نبدأ الرحلة :
1- رحت الوكالة اسأل على الكبالن هناك لاقيته قالي 800 ورحت جبتها من الحرفيين استيراد ب 700 جنيه من غير فصال
2- جوز مقصات اسباني بالبيض بالجلب ب 475 جنيه وفي تركي ب 425 وفي صينى الجوز من غير بيض ب 330
3- سألت على الموتور حب استطلاع لاني كما سمعت وقالولي ان حاجاتها غالية لاقيت الموتور كامل بالفتيس وكمبرسور التكييف والمارش والدينامو ب 3000 جنيه دي اول كلمة ودة كان في الوكالة وسألت برده في الحرفيين لاقيت الموتور ب3500 دي برده اول كلمة ودخل واحد سأل على شورت بلوك 1600 اكسارا صاحب المحل قاله 1300 جنيه وعلى فكرة موتور الكيا برايد 3000 بفتيس مانيوال انا كنت سأل عليه من فترة لاني كان معايا عربية قبل دي كانت كيا برايد
4- 3 قواعد للموتور ب150 جنيه (كل قواعد الموتور)
5- سألت برده من حب الاستطلاع على علبة الدريكسيون استيراد على اعتبار انها غالية لاقيته قالي 450 جنيه ودي اول كلمة
6- سالت على ديسك واسطوانة وبلية (طقم دبرياج) جديد ب500 جنيه
7- جبيت كوعة مياه المونيا الي بتركب في ظهر الموتور اللي هيى مفيهاش الترموستات ب 50جنيه
8- سألت على كوعة المياه اللي هي فيها الترموستات لاقيتها بالترومستات ب 160 جنيه
9- سير التكييف والباور كوري ب 50 جنيه (هو سير واحد للتكييف والباور)
10- سير الدينامو جبته مش فاكر بلده ايه بس كان ب40 جنيه
11- كوتشات الميزان الكوتشتين اتحاد اوروبي ب 40 جنيه\
12- كوتشات مزيكا لعلبة الدريكسيون ب40 جنيه
13- بلية دينامو استيراد علشان البلية اللي عندي خشنة ب75 جنيه بعد 100 جنيه ومسألتش عليها جديدة بس موجودة
14- تيش الفتيس جبته بتاع بيجة 504 ب 15 جنيه واحد وفيه تيش تاني جبته ب40 جنيه
15- سألت على طقم الجلب للمقصات بكوتشات الميزان عاملين 200 جنيه إتحاد اوروبي (2 كوتشة + 2 جلبة للمقص اليمين + 2 جلبة للمقص الشمال+ 2 البتاعة الحديد اللي فيها كوتش معرفش اسمها ايه )
16- 2 تيش للميزان ب 140 جنيه
17- اويل سيل كبلن في ب10 جنيه وفي ب40 جنيه واللي تحبه حضرتك
18- سألت برده على الفتيس قالي يعمل 550 جنيه الي 600 جنيه اقل من حق فتيس عربية 128
الاسعار كده غالية متهيالي معقولة جداً بالنسبة للعربية وكلام الاشاعات
بالنسبة بقى لاماكن قطع الغيار
1- التوفيقية فيها 4 او 5 محلات اللي انا رحتهم معرفش ممكن يكون اكتر من كده
2- الحرفيين فيها كتير بصراحة انا معدتهومش (عندهم جديد واستيراد لقطع الغيار)
3- الوكالة فيها محلات متخصصة للستروين وكترو عن زمان (كلها استيراد بس)
4- مصر الجديدة شارع دمشق (انا مرحتش هناك بصراحة)
5- المعادي (عند مساكن العرايس)فيها محل جامد جداً كان قيالي عليه الميكانيكي بتاعي
6- صقر قريش فيها برده كذا محل استيراد وجديد :120105~352: