الموضوع: مساعده من أهل الخبره بخصوص شقة في العبور الحي التاسع

السلام عليكم و رحمة الله ,,,,
معروض عليا شقة بالحي التاسع بمدينة العبور و كنت عايز أعرف هيا كده كويسه ولا لأ و أيه اللي المفروض أعمله عشان أضمن حقي .... الشقة سادس يمين و إنت ماشي في الشارع اللي بيبقى على شمالك المنطقة الصناعية عند مسجد عباد الرحمن .... في الدور التاني بحريه بالكامل .... و مش مجروحه خالص .... واجهه على 2 شارع رئيسي .... الشقة مساحتها 145 متر و أنا مترتها طلعت حوالي 115 متر .... 3 نوم + 2 حمام + ريسيبشن حوالي 26 متر وفيه بلكونه معقولة .... على المحاره .... العماره مبنيه بين شركاء بعقد وكالة .... انا هشتري من واحد منهم على طول .... عيبها الوحيد إن الصالة ضيقة .... الشقة المطلوب فيها 275,000 جنيه .... هدفع جزء و الباقي على سنة .... يا ريت أهل الخبره يفيدوني بسرعة جدا عشان خايف تطير مني ..... جزاكم الله خير