iPhone 5 آيفون 5 أسود 16G بجميع مشتملاته الأصلية حالة ممتازة

**أبو آسر** · 08-10-2013 01:58 AM

للبيع جهاز آيفون 5 iPhone أسود 16 جيجا مفتوح على جميع الشبكات استخدام راقي وبحالة ممتازة كما بالصور
بالكرتونة والكتالوج والكابل الأصلي والشاحن الأصلي وسماعات الأذن الأصلية
هدية 2 جراب رابر وجلد و 2 كابل usb احتياطي كوبي
الجهاز عليه لاصق الحماية Invisible Shield من الأمام والخلف
تم تحديثه إلى آخر إصدار 7.0.2 ios
سبب البيع شراء هاتف آخر بشاشة أكبر (نوت 3)
المعاينة بمدينة العبور وأحيانا شارع جسر السويس
السعر 3900 جنيه نهائي أرجو عدم الفصال وأرجو الاتصال للجادين فقط يوميا بعد صلاة العصر على رقم 01125120001

**Ahmed Amin** · 08-10-2013 12:20 PM

الصورة دي من جهاز حضرتك اللي معاك, ولا من علي النت,

هل السماعة لسه جديدة, ولا تم أستخدامها ؟
والجهاز كان من مصر وتم فتحة, ولا جاي من برة Unlocked

متابع,

**أبو آسر** · 08-10-2013 03:37 PM

المشاركة الأصلية كتبت بواسطة LeitoSR

الصورة دي من جهاز حضرتك اللي معاك, ولا من علي النت,

هل السماعة لسه جديدة, ولا تم أستخدامها ؟
والجهاز كان من مصر وتم فتحة, ولا جاي من برة Unlocked

متابع,

جميع الصور حقيقية لجهازي وحديثة متصورة من 3 أيام بس
السماعة زيرو لم تستخدم
الجهاز وارد الكويت بس مش عارف اتعمله Unlocked هناك ولا ايه لأني شاريه كسر زيرو مكنش استعمل سوى أيام

**أبو آسر** · 10-10-2013 03:14 PM

المشاركة الأصلية كتبت بواسطة s o p h o s

جميل ما شاء الله
ربنا يوفقك فالبيع علي خير

آمين بارك الله فيك

تم البيع

**Ahmed Amin** · 11-10-2013 10:27 PM

مبروك علي البيع يا أبو بوي,,
لجهاز أتباع بسرعة ما شاء الله, والسعر كان ممتاز,,
يعني الواحد ملحقش يتصل بيك حتي, :)

سؤال جانبي بقي, ممكن أعرف نوع الكامير اللي صورت بيها الصورة دي

**أبو آسر** · 12-10-2013 03:26 AM

المشاركة الأصلية كتبت بواسطة leitosr

مبروك علي البيع يا أبو بوي,,
لجهاز أتباع بسرعة ما شاء الله, والسعر كان ممتاز,,
يعني الواحد ملحقش يتصل بيك حتي, :)

سؤال جانبي بقي, ممكن أعرف نوع الكامير اللي صورت بيها الصورة دي

الله يبارك فيك
بسرعة ايه بس ده قعد ييجي يومين أنا عادة لما ببيع موبايل بيتباع في نفس اليوم أو تاني يوم بالكتير ههههههههههههه

أنا صورته بجهازي الجديد النوت 3 بس بأمانة تعبت جدا لحد ما صورت صور حلوة معظم الصور كانت بتطلع مهزوزة أو معتمة على عكس كاميرا الآيفون بصراحة ملهاش منافس ودي أكتر حاجة مضايقاني لما غيرت لكن حاليا موضوع الشاشة الكبيرة عندي أهم
وربنا يوفقك وتلاقي حاجة كويسة وعلى فكرة على دوبيزل حاجات حلوة وبأسعار كويسة كمان ابقى بص عليها

**Ahmed Amin** · 12-10-2013 03:34 AM

المشاركة الأصلية كتبت بواسطة أبو بودي وعمر

الله يبارك فيك
بسرعة ايه بس ده قعد ييجي يومين أنا عادة لما ببيع موبايل بيتباع في نفس اليوم أو تاني يوم بالكتير ههههههههههههه

أنا صورته بجهازي الجديد النوت 3 بس بأمانة تعبت جدا لحد ما صورت صور حلوة معظم الصور كانت بتطلع مهزوزة أو معتمة على عكس كاميرا الآيفون بصراحة ملهاش منافس ودي أكتر حاجة مضايقاني لما غيرت لكن حاليا موضوع الشاشة الكبيرة عندي أهم
وربنا يوفقك وتلاقي حاجة كويسة وعلى فكرة على دوبيزل حاجات حلوة وبأسعار كويسة كمان ابقى بص عليها

شكلك بتغير موبايلات علي طول بقي,
لا بس صورة كاميرة النوت حلوة, يعني أنا جربت أصور صور وفيديو بكاميرا الأيفون 5 وهيا تحفة فعلاً, وأكيد أنت هتفتقد سرعتها في لقط الصور وأدائها وقلة الصور المهزوزة,

بس أنا لما شوفت الصور شكيت أنها تكون بكاميرا كانون أو نايكون فحبيت أتأكد لأنها طالعة حلوة,

وفعلاً أنا بشوف دوبيزل, بس ساعات كتير بلاقي عيال عاملة أعلانات أيفون وبيبقي مش أصلي لما تلاقي واحد عارض أيفون 5 ب 2500 و 3000 جنيه,
واللي كاتب أنو بشريحتين,,

ومش بحب أتصل بالأرقام دي وأدخل في حوارات,

إن شاء الله أنا ناوي عليه قريب, وكنت ناوي علي جديد برضه بس حالة جهازك وسعرة شدني,
ربنا يبارك للي أشتراه ومبروك تاني علي البيع

**أبو آسر** · 12-10-2013 04:05 AM

المشاركة الأصلية كتبت بواسطة LeitoSR

شكلك بتغير موبايلات علي طول بقي,
لا بس صورة كاميرة النوت حلوة, يعني أنا جربت أصور صور وفيديو بكاميرا الأيفون 5 وهيا تحفة فعلاً, وأكيد أنت هتفتقد سرعتها في لقط الصور وأدائها وقلة الصور المهزوزة,

بس أنا لما شوفت الصور شكيت أنها تكون بكاميرا كانون أو نايكون فحبيت أتأكد لأنها طالعة حلوة,

وفعلاً أنا بشوف دوبيزل, بس ساعات كتير بلاقي عيال عاملة أعلانات أيفون وبيبقي مش أصلي لما تلاقي واحد عارض أيفون 5 ب 2500 و 3000 جنيه,
واللي كاتب أنو بشريحتين,,

ومش بحب أتصل بالأرقام دي وأدخل في حوارات,

إن شاء الله أنا ناوي عليه قريب, وكنت ناوي علي جديد برضه بس حالة جهازك وسعرة شدني,
ربنا يبارك للي أشتراه ومبروك تاني علي البيع

الله يبارك فيك
سيبك من اللي بيبيع أي حاجة أقل من سعرها الطبيعي مهما كان السبب لأن على رأي المثل لو كان فيه الخير مكنش رماه الطير

انت دور على الحاجات اللي سعرها في رينج من 3700 - 4000 هتلاقي حالتهم غالبا حلوة وتعمل حسابك ان صاحب الاعلان مزود 100 ولا 200 لزوم الفصال وانت وشطارتك لكن بلاش تجيبه زيرو انت أولى بفرق الألف جنيه وهتجيب حاجة برده مش متهانة ولو لقيت كسر زيرو وغالي 200 ولا 300 كمان مش مشكلة هتبقى وفرت على الأقل 700 جنيه برده انت أولى بيهم تجيبلك جراب حلو وشوية اكسسوارات تدلع نفسك بيهم :)
أنا عادة بعمل كده بجيب الحاجة كسر زيرو مش متهانة وبتبقى أقل من تمنها مبلغ كويس أنا أولى بيه ما عدا النوت 3 المرة دي جبته زيرو للأسف علشان كنت مستعجل عليه شوية وما صدقت نزل في السوق قعدت أدور لحد ما جبته بأرخص سعر نزل بس لأني عادة مفيش حاجة بتقعد في إيدي سنة ! فلما أبيعه هخسر فيه كتير ودي ضريبة الاستعجال

**أبو آسر** · 12-10-2013 04:11 AM

شوف ده مثلا استخدام أسبوع بس وب4000 جنيه
Apple iphone 5 black new in box - موبايلات وملحقاتها | dubizzle مصر

وده استخدام شهر واحد ب4000 جنيه
IPHONE 5 ايفون 5 - موبايلات وملحقاتها | dubizzle مصر

وده استخدام 3 شهور و32 جيجا مش 16 ب4200
Iphone 5 32G international for sale - موبايلات وملحقاتها | dubizzle مصر

وفي غيره كتير

بس برده حاول تعدي على أي محل موبايلات محترم وتكشف على الجهاز فيه مش مشكلة علشان ممكن واحد يكون جهازه متغيرله حاجة وهو جديد ويحاول يبيعه بنفس سعر الجهاز النضيف من غير ما يقول للزبون على عيبه فالاحتياط واجب