السلام عليكم اعضاء فولكس الكرام
مقبل علي شراء سياره فولكس ايوس 2008
ممكن اعرف اكشف عليها فين مع العلم العربيه فى التجمع الخامس او مصر الجديدخ
وهل في حاجات معينه بيتم الكشف عليها فى سيارات الفولكس بالتحديد
تقبلوا تحياتى
عرض للطباعة
السلام عليكم اعضاء فولكس الكرام
مقبل علي شراء سياره فولكس ايوس 2008
ممكن اعرف اكشف عليها فين مع العلم العربيه فى التجمع الخامس او مصر الجديدخ
وهل في حاجات معينه بيتم الكشف عليها فى سيارات الفولكس بالتحديد
تقبلوا تحياتى
اطلع بيها علي فرع العبور هيجيبلك قرارها بس هما مش بيكشفوا غير كهربا وميكانيكا وعفشه بس غير كده مفيش
هو المفروض في حاجه تانيه يتكشف عليها
السمكره مبيكشفوش عليها ولما سالتهم اخر مره ليه
قالولي اصله امر خلافي يعني ممكن تكون شايف ان العربيه دي راشه وهيا مش راشه
والنبي ردوا انتوا ؟؟؟؟؟
فى جهاز لكشف الرش الكترونى .. بس انا اصلا بعتبر توكيل فولكس واجن فى مصر اسوأ من ورشه تحت بير السلم .. :)
دى ناس تفهم عد الفلوس و احسن مهندسين استقبال تعمل فواتير كبيره و تغير كل حاجه
العربيات عموما عبارة عن (حالة)
ممكن تلاقي عربية ماشية 300 الف .. بس صاحبها محافظ ، وممكن تلاقي عربية ماشية 50 الف بس صاحبها لاعب بيها البخت ...
قبل ما تدفع تعريفه في الفحص .. اركب العربية الاول اطلع بيها مشوار مع صاحبها حس بالعربية معاك لما بدوس بتسحب و بسرعة و في استجابة .. بتنقل صح و بدون نتعات ... انت مرتاح منها ولا لا ..... الخ
بعد كدا انزل منها لفلك لفتين حولين العربية فيها خبطات - مخربشة - الدهن بتعها لسه بحالته و طبعا لو رشة المصنع بالكامل يبقا العربية ان شاء الله سليمة الهيكل .
بعد كدا فحص الموتور ..
تروح بنزينه ترفع .. و تتفرج فيه نشع زيت سواء من الجيربوكس او الموتور او من الباور .. لو مافيش
تروح على متخصص فولكس او تروح التوكيل و تبدتي توصل كمبيوتر و تقرا العربية و تشوف فيه مشاكل متخزنه ع الكنترول ولا لا .. لو لا يبقا مبدأيا كد تمام
غير بقا ان هيئة العربية من جوة و نضافة الفرش طبعا ده دلالة على حفاظ صاحبها
المفروض كمان ان الايوس بتكون (كشف) لازم تجرب تفتح و تقفل و ان مافيش اصوات احتكاك و ان الكشف بيفتح و يقفل بنعومة .
عن تجربة لو الموتور فيه مشكله و مش واضحة ولو حتى رحت وصلت العربية كمبيوتر على القمر الصناعي مش هتبان غير بالاستخدام لحد ما العيب يظهر لواحده ..
انما كل اللي قلتهولك في الاول خالص هو ده الكلام الصح و بكرر نضافة العربية و هيئتها دلاله مبدأئية
اسف على الاطالة
انا اعرف ان مركز محمد سمير بيكشف على عربيات فولكس وناس هنا قالو التقرير بتاعه محترم
هما ليهم فرع فى النزهة وفرع فى جسر السويس
وكمان فيه المركز بتاع زيوت ولف بيعمل كشف على جسم العربية والدهان وتحليل السوائل زى زيت الموتور عشان يعرف حالته
نصيحه لوجه الله اهم حاجه تبص عليها في الايوس بعد الساسيات طبعا هي السقف و الميكانزم بتاعه عامة لأنه مبيتصلحش ولا حتي في التوكيل :)