لجنة فحص كلية هندسة - جامعة عين شمس

**azahranm** · 13-10-2013 02:34 AM

المشاركة الأصلية كتبت بواسطة islam.afifi

امين يا رب
بص يا باشا , التوكيل في قمة الفشل و طريقته في حل المشكلة قمة في الإستهتار
و ما اتحركوش غير لما عملنا شكوى جماعية و لسه فيه ناس هتشتكي عشان المشكلة في العربية
سعر ال ds5 يخليك تجيب عربية محترمة بعيد عن الفرنسي
الياباني برقبة الفرنسي
ده رأيي الشخصي و حضرتك ليك القرار

معاك حق وشكرا ليك و ربنا معاك

**mohamed zizo** · 13-10-2013 06:30 AM

انا بقى الضحية التالته محمد عبد العزيز
الموضوع وما فيه باختصار المفيد وبصفه عامة اننا فى بلد لسه ما تعرفش انها تعامل شعبها انه انسان ليه احترامه وحقوقه وادميته
الاختصار التانى
التوكيل زباله استاف مهندسين فشله خدمة عمله لا تصلح
النتيجة فشل سيارة وخسار فلوس عميل كل زنبه انه عايز يركب عربية ... بس للاسف اختار غلط وبيدفع دلوقتى نتيجة غلطه
نصيحة بقئ اخوية والله لوجه الله ..... انسوا حاجه اسمها ستروين طول ما فى عز العرب او اى عربية هو واخد توكلها
اخيرا بجد مفيش حاجه بقت فيكى يابلد تتحب

**mohamed hussei** · 13-10-2013 08:31 AM

المشاركة الأصلية كتبت بواسطة islam.afifi

و سمعت ان البافارية بقت رديئة من تعامل و خدمة
يعني كدا سوق العربيات كله ضاع
ربنا يكرمنا و نعرف ناخد حقنا سواء بتبديل العربيات او فلوسنا تاني لأن كدا الموضوع زاد عن حده خصوصا موقف النهاردة من التوكيل الردئ ده

هو كان عاوز يعمل حركة يضيع بيها حقك لان طلما انت استلمتها يبئا كدة شكوي اتلغت وهيلف لفة بردك علي حماية مستهلك يقولي دة استلمها والله العربية دي لو كان توكيل محترم كانت انتشرت انتشار اكتر من 301 دلوقت ,, لكن ال301 توكيل مهتم بيها حصل مشكلة في سحب عند واحد في موضوع هنا في منتدي راحت عملت ابجريد للسوفت وير ومشكلة انتهت

**asuity** · 13-10-2013 10:10 AM

انا بقى غلطتي اني استلمتها منهم وخدعوني بالكلام الحلو
انا كنت قولت ان العربية اتظبط .. بس للاسف بقالها اسبوعين كركرة وتصقيف واخر حلاوة
ان شاء الله انا رايح لجنة الفحص الفني بكلية الهندسة يوم 31/10/2013 والله المستعان
نصيحة برده ابعدوا عن الستروين .. والكوري حلو وجميا وانا غلطان اني ركبت دماغي ومجبتش سيراتو.

الحمد لله على كل شئ

**medori** · 13-10-2013 06:23 PM

ربنا ينصركم عليهم و تعرفوا تخدوا حقكم منهم و احييكم على ايجابيتكم و عدم استسلامكم للتوكيل الزفت دة

انا اشتريت ال301 و دفعت 8000 ازيد عشان ابعد عن عز العرب دة خالص رغم ان المعرض قالى دة مظيط العربية وعايز يرجع بيها سمعتة!! بس انا مصدقتوش و اصريت على ال301. ربنا يستر بقى و ميظهرلناش نفس العيب فى ال301 بما انهم نفس العربية

هو مش مفروض حضرتك فى حالة زى دية من حقك تطلب عربية بديلة تتحرك بيها لحد لما المشكلة دية تتحل؟

**Ahmed_Adham** · 13-10-2013 06:47 PM

المشاركة الأصلية كتبت بواسطة medori

هو مش مفروض حضرتك فى حالة زى دية من حقك تطلب عربية بديلة تتحرك بيها لحد لما المشكلة دية تتحل؟

يا باشا اذا كان التأمين الشامل مش بيعمل كده. الكلام ده بره بس انما في مصر لاء.

**fourseasons** · 13-10-2013 08:49 PM

طب سؤال للسادة الزملاء الأفاضل.اذا كانت السيارتان ال 301 و ال اليسيه تؤام.يبقى السوفت وير واحد او على لاأقل قريب جدا وبالتأكيد ان الكمبيوتر واحد بما ان المحرك واحد.

طب محدش جرب يروح توكيل بيجو و يحط العربية على الكمبيوتر عندهم حتى ولو بالفلوس و يعمل عندهم اب جريد للسوفت وير .

معلش كل ديه خواطر جت فى بالى والله عشان انا مقدر التعب و الحزن ال فيه اصحاب السيارات..

**islam.afifi** · 13-10-2013 10:35 PM

المشاركة الأصلية كتبت بواسطة mohamed zizo

انا بقى الضحية التالته محمد عبد العزيز
الموضوع وما فيه باختصار المفيد وبصفه عامة اننا فى بلد لسه ما تعرفش انها تعامل شعبها انه انسان ليه احترامه وحقوقه وادميته
الاختصار التانى
التوكيل زباله استاف مهندسين فشله خدمة عمله لا تصلح
النتيجة فشل سيارة وخسار فلوس عميل كل زنبه انه عايز يركب عربية ... بس للاسف اختار غلط وبيدفع دلوقتى نتيجة غلطه
نصيحة بقئ اخوية والله لوجه الله ..... انسوا حاجه اسمها ستروين طول ما فى عز العرب او اى عربية هو واخد توكلها
اخيرا بجد مفيش حاجه بقت فيكى يابلد تتحب

كلام زي الفل و ان شاء الله وراهم لحد ما ناخد حقنا
عوزين ننشر الشكوى ده في الأهرام و نخلي فضيحتهم بجلاجل و نجيب جلاجل يتفرج معانا

**islam.afifi** · 13-10-2013 10:38 PM

المشاركة الأصلية كتبت بواسطة mohamed hussei

هو كان عاوز يعمل حركة يضيع بيها حقك لان طلما انت استلمتها يبئا كدة شكوي اتلغت وهيلف لفة بردك علي حماية مستهلك يقولي دة استلمها والله العربية دي لو كان توكيل محترم كانت انتشرت انتشار اكتر من 301 دلوقت ,, لكن ال301 توكيل مهتم بيها حصل مشكلة في سحب عند واحد في موضوع هنا في منتدي راحت عملت ابجريد للسوفت وير ومشكلة انتهت

فرق شاسع بين عز العرب و أي توكيل محترم
الحركة اللي عملها انه يكلمني عشان استلم العربية فعلا حركة في قمة الوضاعة
و ده برضه يديني دافع اني لازم اخد حقي منهم و وراهم حتى لو ركنت العربية تحت البيت
بس لازم هو ينضر من اللي بيعمله في الناس و يعرف قيمة العميل
و نصيحة لوجه الله, محدش يقرب من سيتروين ايا كان نوعها

**islam.afifi** · 13-10-2013 10:40 PM

المشاركة الأصلية كتبت بواسطة asuity

انا بقى غلطتي اني استلمتها منهم وخدعوني بالكلام الحلو
انا كنت قولت ان العربية اتظبط .. بس للاسف بقالها اسبوعين كركرة وتصقيف واخر حلاوة
ان شاء الله انا رايح لجنة الفحص الفني بكلية الهندسة يوم 31/10/2013 والله المستعان
نصيحة برده ابعدوا عن الستروين .. والكوري حلو وجميا وانا غلطان اني ركبت دماغي ومجبتش سيراتو.

الحمد لله على كل شئ

معلش قدر الله و ما شاء فعل
اصرارنا بيزيد و أملنا في ربنا كبير
فرفش يا عم كل سنة و انت طيب

الموضوع: لجنة فحص كلية هندسة - جامعة عين شمس

LinkBack

أدوات الموضوع

عرض

-

-

-

-

-

المواضيع المتشابهه

إزاى أروح كلية الطب جامعة شبين من الزقازيق؟؟

فكرة مشروع تخرج من كلية هندسة ؟

كلية بنات جامعة عين شمس بمصر الجديدة شارع احمد تيسير

الكلمات الدلالية لهذا الموضوع

المفضلات

المفضلات

ضوابط المشاركة