الموضوع: قطع غيار رينو لوجان 2009 - 2012

المشاركة الأصلية كتبت بواسطة mohamed1979

كل عربيه و ليها ظروفها عربيتى الحمد لله اتباعت فى يوم و بعتها ب 60000 الف اعتقد ان سعر مناسب جدا
بس كانت فابريكا بالكامل و ماشيه 95 الف

وممكن تكون مغيرتش فيها حاجات كتير كقطع غيار

المشاركة الأصلية كتبت بواسطة adel_edrees

الفيرنا أغلى منها فى حدود 5 ألاف جنيه لأن الناس بتفضل الفيرنا عن اللوجان فى حالة الكيلوهات الكتير لأن طبعا قطع غيار اللوجان أغلى من قطع غيار الفيرنا يعنى عربية عاملة 60 ألف كيلو أكيد فيها حاجات عايزة تتغير فيرنا أو لوجان أو حتى مرسيدس فتكلفة قطع الغيار بتكون أحد العوامل اللى بتمن العربية و العربية كمان رشة بره فده بيقلل سعرها و بعدين هى رشة حزام و لا و كله حزام يعنى الرفارف و الأبواب فقط و اكصدامات

طب قطع غيار اغلي بكتير اوي يعني ممكن تتعب ولا عاديه

وانا بتكلم لو عربيتين نفس الحالة في كل حاجه

المشاركة الأصلية كتبت بواسطة adel_edrees

أسعار الوكيل تقريبا واحدة فى قطع الغيارأللوجان أغلى نسبيا و حتلاقى كل حاجة الفيرنا موجود منها الصينى و التركى و الكورى اللى هى زى الفوانيس المرايات الصاج كده يعنى الميكانيكا كل حاجة متوافرة خارج التوكيلل أما اللوجان ففى حاجات مش حتلاقيها ألا فى التوكيل و يفضل فى حالة شراء اللوجان مستعملة شرائها هاف أوبشن لأن الكماليلا سلاح ذو حدين ممكن تكون حاجة فيها باظت فيبقى تكلفة أصلاحها كبيرة والله أعلم

حضرتك كده خوفتني

يعني انا دلوقتي لو جبتها هاف هحتاج التوكيل في ايه و ايه اللي الغالي اللي فيه

المشاركة الأصلية كتبت بواسطة adel_edrees

مبدئيا اللوجان أحسن من الفيرنا بكتير لكن أنتشار الفيرنا كتاكسى أدى لأنتشار قطع الغيار زى الأكسسوارت ال خارجية و لو حتشترى زيرو اللوجان تكتسح الفيرنا بكتير لكن أنت حتشترى العربية وما نتش ضامن أيه اللى فيها لكن الفيرنا عربية بسيطة مثلا الأكسسوارات الخارجية متوافرة و رخيصة بالمقارنة باللوجان الميكانيكا أكيد حتبقى غالية بالمقارنة بالفرنا و ممكن الأستاذ جبريل أو أى حد هنا فى المنتدى من أصحاب الخبرة يقللك بالظبط الأسعار أيه و خش على قسم هيونداى وشوف الناس هناك و اعمل صلاة أستخارة

حضرتك قلبتلي تفكير شكلا وموضوعا

ورجعتني لنقطة الصفر

ما انا مش محتاج اخش هيونداي عشان اعرف الفيرنا بديل الشاهين

يعني كل اسعارها في الارض

المشاركة الأصلية كتبت بواسطة adel_edrees

دور على عربية هاف أوبشن موديل 2011 تكون عاملة كيلو مترات لا تزيد عن 25000 دى حتلاقيها فى حدود 47000 50000المهم تعمل كشف عن الشاسيه فى التوكيل ولو تمام أتوكل على الله و شوف برضه و دى أمانة و ماتسمعش كلام واحد فقط ما يمكن أنا مش عارف أبقى بأضللك و الواحد بيخاف أن يكون سبب فى أذية حدو ساعتها ربنا مش حيرحمنى علشان كده أنا بأخاف الواحد يقول كلمة و دى فلوس الله أعلم الواحد تعب أد أيه علشان يجيبها وشكرا و أسف للأطالة

وانا اجيب منين الهاف دي بالكيلوهات دي

وبعدين حضرتك تقصد بالاكسيسوارات المرايات والاكصدامات

ولا بالظبط عشان انا مش فاهم النقطه دي وانا بردو عايز مرايات عاديه عشان عارف لو الكهرباء حصل فيها حاجه هتدوخني

وبعدين حضرتك حاجه الموتور والعفشة سهل الاقيها بره ولا توكيل بس