اختيار صعب : هوندا 2013 و لا بى ام مستعمل ؟

**2CODE** · 12-10-2013 02:52 AM

هو احنا مش بنقارن شركات لان بصراحة المقارنة واقعة لو هنقارن بين البي ام والهوندا بأي حال من الاحوال !!!!!!!!!

لكن احنا بنقارن بين عربية مستعملة وزيرو وهنا تبدأ المقارنة

رأيي يروح للبي ام - دي ركوبة ودي ركوبة تانية خالص يافندم !!!!!!!!!!!!!

**JapRuleZ** · 12-10-2013 03:11 AM

المشاركة الأصلية كتبت بواسطة blazer

لو bmw face lift 2008 + و عامله 60 الف او 70 الف مش اكتر تبقى اختار كويس بس صينتها اغلى واكتر من الهوندا
انما الهوندا الزيرو طبعا افضل لانها عربيه جديده ومش هتحتاج صيانة غير الصيانات الدوريه

70000 الف كتير اوى يا جماعة على عربية ماشية فى شوارعنا الجميله
الحر
التراب
الطرق المكسرة والمطبات
الزحمه و الحوادث الصغيرة المنكررة و الحكات

اعتقد ان العربية دى بال عداد ده حتكون عربية حالتها مش مستهل فيها 200,000

**Land_Cruiser** · 12-10-2013 03:23 AM

المشاركة الأصلية كتبت بواسطة japrulez

طيب على افتراض انه bmw
مقبوله انه يبقى عامل كام كلومتر 30,000 و لا اكتر

هو الرينج اللي حضرتك محدده ممكن يجيب 320 موديل 2008 او ممكن كمان 2009 كمان علي حسب عداد الكيلومتر و هتلاقي الاغلبيه فوق ال 60 الف انما وارد تلاقي استثناءات بس دي هتبقي قليله و لازم تكشف عليها كويس علشان ما تكونش رشه و لا محتاجه قطع غيار لان حاجتها طبعا غاليه . اكيد المقارنه لو بنتكلم في ان العربيتين زيرو هتبقي في صالح آلبي ام لكن لو بنقارن زيرو بمستعمل و هاحط 200 الف في عربيه هختار السيفيك علشان زيرو و اول يد يعني هتريحك كام سنه و هي لسه في الضمان لان فطع غيارها غاليه و هتبقي عارف كل حاجه فيها انما المستعمل انت و نصيبك و لازم تبقي شايل مبلغ إضافي تحسبا لأي مفاجات تطلعلك و ده وارد لانها بقالها ٤ او ٥ سنوات ماشيه في الشوارع و كمان نقطه تانيه لاحظتها ان آلبي ام المستعمل سعره بينزل كتير يعني لما تيجي تبيعها كمان كام سنه هتخسر فيها مبلغ مش قليل و خاصه كمان ان موديلها هيبقي ساعتها قديم مقارنه بالسيفيك موديل السنه دي

**S O P H O S** · 14-10-2013 03:46 AM

البي ام افضل طبعا مدام حالتها نظيفة
ولكن الهوندا ميزتها انها زيرو وعربية مضمونة اكتر
وصيانتها بعيدة شوية

**shawke hamed** · 15-10-2013 02:57 PM

الالمانى bmw الوحش المرعب

**mastr_n** · 15-10-2013 03:26 PM

المقارنة صعبة وتخلى العقل يشت
الbmw كاتيجورى تانى ورفاهية وفخامة
الcivic كفاية انها هاتكون زيرو وماتنساش الفابريكة وريحتها

استخير ربنا وهات اللى انت مرتاحلها

**برنس الليالي** · 16-10-2013 03:17 PM

السعر دا يجيب ممكن bmw 316 موديل 2009 او 2010 وعداد خفيف كمان لو فعلاً ناوي ترمي 200 الف

اداء المحرك والسحب الرد معروف .. استهلاك البنزين تقريباً زي بعض

موضوع الصيانة والتوكيل وقطع الغيار والمصاريف المفروض حضرتك متذكرهوش انت حتجيب بي إم دبليو فمش معقول قطع الغيار حتبقى زي السيفيك

اكيد اغلى منها ماهو مافيش بي إم قطع غيارها رخيصة ابداً يا باشا بس في مقابل قطع غيار معمرة وعربية برستيج وركوبتها ليها ناسها وكفاية الماركة

طبعاً جودة واداء وفخامة وكل حاجة في صف البي إم دبليو

حضرتك تسئل عن اسعار قطع الغيار والصيانة لو مثلاً بتتكلم عن السيفيك والكورولا او السيفيك والالنترا

إنما دي بي ام دبليو معروف اسعارها ولو الموضوع دا حيزعلك يبقى اصرف نظر عنها بس بجد البي إم مش مجرد عربية

انت ممكن تجيب البي إم لو موضوع اسعار قطع الغيار مش حيضايقك وتروح بيها البافارية تعمل تقرير كامل بحوالي 800 جنيه عشان تشوف حالتها او اطلع ع التوكيل

ولو لقتها تمام يبقى مبروك عليك العربية إنما السيفيك مفيش وجه مقارنة بينها وبين البي إم مطلقاً ولا حتى في مسمار

دا في ناس بتبيع عربياتها الجديدة وبتكمل عليها عشان تجيب بي إم مستعمل مش حقولك مرسيدس كمان