السادة الأعضاء الكرام
السلام عليكم
ممكن حد يوضح لنا الفرق بين زيت الفرامل dot3 و dot4
وأيهما أفضل للانوس 2
وهل تغيير زيت الفرامل يستوجب تغيير زيت بلية الدبرياج
ولكم جزيل الشكر
عرض للطباعة
السادة الأعضاء الكرام
السلام عليكم
ممكن حد يوضح لنا الفرق بين زيت الفرامل dot3 و dot4
وأيهما أفضل للانوس 2
وهل تغيير زيت الفرامل يستوجب تغيير زيت بلية الدبرياج
ولكم جزيل الشكر
الفرق بين 3 و 4 هو درجة الغليان و اللزوجة. يعني 4 درجة غليانه أعلي من 3 و لزوجته أعلي. طب ايه الفايده؟ طبعا لما حضرتك بتستعمل الفرامل بتتولد حرارة جامدة و بالتالي بتتنقل للزيت و لو الحرارة ديه عالية ممكن تخلي الزيت يغلي و بالتالي يبتدي يكون فقاقيع هوا داخل خطوط الفرامل و بالتالي بيخلي الفرامل ضعيفة جدا و كأنك محتاج تاخد هوا من الفرامل.
فلو حضرتك العربية مكتوب علي خزان الفرامل DOT4 و أنت استعملت 3 ده معناه أن الزيت مش هيتحمل الحرارة اللي فرامل عربيتك بتولدها و هيعمل مشكلة. لكن مش هيضر لو مكتوب 3 و انت استعملت 4.
طبعا ممنوع حضرتك تخلط 3 ب 4 عشان ممكن ده يسبب تأكل في المواسير و الخراطيم بتاعة الزيت.
حاجة كمان فيه درجتين غليان للزيت Wet boiling point و Dry boiling point.
Dry لو حضرتك لسه جايب زيت جديد.
WET مع الاستعمال الزيت بيجمع رطوبة من الجو و الخراطيم و بالتالي درجة غليانه بتقل و يبتدي يعمل فقاقيع في منظومة الفرامل عشان كده تلاقي ناس كل شوية تحس أن الفرامل ضعيفة و تاخد هوا عند الميكانيكي و بعد كده تشتغل شوية و تضعف تاني تاخد هوا تاني و في الحالة ديه المفروض تغير زيت الفرامل بالكامل.
DOT 5 بقي موضوع تاني لأنه مش بيتأثر بالرطوبة عشان داخل سيليكون في تكوينه و بالتالي درجة غليانه تقريبا ثابته لكن لازم منظومة الفرامل تكون مصممة أنها تشتغل بيه. يعني لو عربيتك DOT3 أو 4 ما ينفعش تستعمل 5.
أتمني أكون أفدت حضرتك.
ايه زيت بلية الدبرياج ده؟؟ تقصد زيت الدبرياج!!!
يا باشا انت تؤمر.
زيت الفرامل و الدبرياج فى الدايو مشترك بين الدورتين
MMamdouh
و الهيونداي كمان. كان معايه جيتز و كان زيت الدبرياج هو هو زيت الفرامل. أنا أصلا أظن العربيات كلها كده.
اللادا ليها خزنة منفصلة للدبرياج
MMamdouh