الموضوع: اشتري السيراتو الجديده sx جنط ١٧ ولا بلاش؟

المشاركة الأصلية كتبت بواسطة kareem.elaraby

-

تسمحلي أرد عليك
الجواب هو سوبارو امبريزا + أعلي فئه ب 185000
abs+ebd+esc+all wheel drive
يليها مباشره الفورد فوكس

و انا مش مقتنع بأي عربيه في السوق حاليا غير الاتنين دول فقط لا غير

- ممكن بس لو سمحت يا برنس الدليل على انها فيها esc ؟
انا على ما اعتقد انها نزلت عندنا من غير الـesc
زي ما عملو فينا لما نزلولنا الفورد فيستا نزلوهالنا من غير الميزة دي بردو

- بس لو فعلاً فيها يبقى هي رقم واحد وانا زيك تمام بس انا اضيف عليهم كمان الاسترا حلوة بردو

- بس انا ملومش الشباب هما كل همهم عربية شيك وملفتة
مع انهم لو يروحو كدا يبصو ع الفوكاس والاسترا بألوان معينة حيلاقوها اشيك بكتير

المشاركة الأصلية كتبت بواسطة ALshahba

اشكرك جدا علي سرعة الاجابة
بس كان عندي تعليق ...........
1- دايما بيقولو ان العربيات الكوري والصيني وبعض الياباني بيخدعوا فى القدرة الحصانيه ويكتبوا القدره العامه للموتور وليست الفعليه بعكس الاوروبي
يعني مثلا السيراتو قدرة الموتور الفعليه = 130 حصان .... لكن غير مقاسه القدره الفعليه يعني اللي رايحجه لكل فردة كوتش وبتدفع العربيه .... ايه راي حضرتك
2- مفهوم حضرتك ايه للهاندلينج ..... برجاء التوضيح لان عندي بعض اللبس

على ايه يا باشا احنا اخوات
بخصوص النقطة الاولى دي انا معنديش معلومات بس معتقدش انهم حيقولو كلام مش مظبوط لإنه كله راجع لسمعتهم
- انا اقصد ثبات العربية على السرعات العالية والملفات والحتة دي فيها متعة
شوف الفيديو دا :
The Best Handling Car - YouTube

الكوري دايماً في تقدم في الجودة والتجهيزات بس حكاية الهاندلينج دي لسا متأخرة
عشان كدا انا لما كنت راكب كوري (شيفروليه كروز) كنت بقلق اجري على سرعة عالية او اخد ملف على سرعة
لغاية مجبت الـ320i وعرفت الفرق وعموماً اكتر الاوروبي كدا بس طبعاً مش حيوصل للبي إم والمرسيدس
بس احلا من الكوري والياباني اكيد
واقواهم الفوكاس (تحت الـ200 الف) ولكن لو الامبريزا فعلاً موجودة بالـESC يبقى افضل منها عشان دفع رباعي
شوف انت ايه اولوياتك واللي انت عاوزه بس انت لو حابب السرعة والسواقة بشكل عام يبقى انتبه للميزة دي
.

طيب كده من كلامك اطلع بنتيجة ...... ان :
1-الهاندلينج فى الفلونس افضل من السيراتو
2-الاعتماديه فى الفونس افضل من السيراتو

وهذا الاتنتاج لكونها اوروبي وما تتميز به من جوده فى الصناعه

من ناحية تانيه السيراتو مش بتجدب لما بتقول 130 حصان ولكن دي قوة الموتور لوحده بدون احمال وبدون فقد فى القدره عند العجل الاربع
ودايما بلاحظ ان الاوروبي بيدي القوه الفعليه اللي ماشية علي الارض بعد ما بتعدي علي فاقد للقدره
يعني مثلا ال bmw 316 بطلع قدره 136 حصان ,... هل ممكن نساويها تقريبا بالسيراتو 130 حصان !!!!! طبعا لأ للسبب اللي ذكرته قفل كده ..... وحتلاقي تسارعها خرافي بالنسبة للسيراتو
بالظبط زي الجتا كانت 102 حصان وتيجي تقارنها بعربيات 115 حصان ..... تلاقي ان الجتا تسارعها وسرعتها خرافي بالنسبة للعربيات التانيه

فايه رايك بما انك راكب التحفه 320
(ملحوظه اخيره : الفلونس تسارعها 11.9 ثانيه من 0-100 وليس 14ثانيه)

المشاركة الأصلية كتبت بواسطة ALshahba

طيب كده من كلامك اطلع بنتيجة ...... ان :
1-الهاندلينج فى الفلونس افضل من السيراتو
2-الاعتماديه فى الفونس افضل من السيراتو

وهذا الاتنتاج لكونها اوروبي وما تتميز به من جوده فى الصناعه

وكل حاجة في السيراتو حتلاقيها في الفلوينس وزيادة كمان
الفلوينس فيها زيادات زي مثلاً EBA -- عدد 6 ايرباج للهايلاين -- ظبط اوتوماتيكي لدرجة الاضائة للمصابيح الامامية
وPDC لقياس المسافة وانت بتركن عربيتك -- EBD لتوزيع الفرامل -- كمبيوتر رحلات
مراية داخلية بخاصية امتصاص للاضاءة العالية -- ((مصابيح زينون)) -- مساحات زجاج بخاصية استشعار المطر
اعتقد كل الحاجات دي مش موجودة في السيراتو هايلاين إنما كمان الفلوينس ارخص سبحان الله في خلقه

من ناحية تانيه السيراتو مش بتجدب لما بتقول 130 حصان ولكن دي قوة الموتور لوحده بدون احمال وبدون فقد فى القدره عند العجل الاربع
ودايما بلاحظ ان الاوروبي بيدي القوه الفعليه اللي ماشية علي الارض بعد ما بتعدي علي فاقد للقدره
يعني مثلا ال bmw 316 بطلع قدره 136 حصان ,... هل ممكن نساويها تقريبا بالسيراتو 130 حصان !!!!! طبعا لأ للسبب اللي ذكرته قفل كده ..... وحتلاقي تسارعها خرافي بالنسبة للسيراتو
بالظبط زي الجتا كانت 102 حصان وتيجي تقارنها بعربيات 115 حصان ..... تلاقي ان الجتا تسارعها وسرعتها خرافي بالنسبة للعربيات التانيه

عندك حق مينفعش نساوي محرك بي ام بمحرك عربية في نفس الفئة يعني مينفعش نقول هاينوداي سوناتا جنب الـ320 او الـ328 خالص
بس كل اللي اقدر اقولهولك بإختصار عن الـ320 انها مغرية جداً جداً على الطريق
وتحس ان في شيطان اعوذ بالله تحت رجلك بيقولك دوس اكتر, العربية مختلفة تماماً ع الطريق
مش عارف بقى دا عشان الدفع الخلفي ولا عشان التربو ولا عشان العربية خارسة تماماً الله اعلم
بصراحة البي إم دي حاجة يعجز السواق عن وصفها

فايه رايك بما انك راكب التحفه 320
(ملحوظه اخيره : الفلونس تسارعها 11.9 ثانيه من 0-100 وليس 14ثانيه)

اعتقد دي المانيوال مش الاوتو ... الاوتوماتيك 13.9 عشان كدا كتبت 14 على طول

بس انت عارف بردو انا متأكد انكم رشحتو السيراتو من الاول عشان شكلها بس بزمتك السيراتو احلا ولا دي ؟





تحس انها طويلة كدا وبرستيج يعني بصراحة وشوف الناس اللي اشترتها محدش اشتكى منها بتاتاً
خش القسم ودور ع التقارير بتاعتها
على عكس النيو سيراتو في واحد بيقول ان العربية بتسقط جامد من ورا لما بيركب حد معاه والله اعلم
بس دا اللي سمعته .. بس لو فعلاً المشكلة دي موجودة يبقى دا عيب جودة اعتقد إنما الفلوينس فولاذ

المشاركة الأصلية كتبت بواسطة Kareem.ElAraby

- الفوكس الهاتش
يا نهار أزرق
ايه جمالها ده تتاكل أكل
و الامبريزا اعتماديه كعاده الياباني لكن مفيهاش دلع مع الاسف في الاوبشنز لكن كامان و اعتماديه مفيش زيها

عندك حق جميلة جداً والهاتشباك والاستيشن فيهم ليدات خلفية إنما السيدان مافيهاش حتى الفئة التيتانيوم اللي تقريباً سعرها وصل 207 الف اعتقد بس مش مهم
مع انك لو تاخد بالك حتلاقي ان الفوكاس اول فئة متختلفش عن اعلى فئة في وسائل الأمان غير في الـHDC فقط اللي هي بتتحكم في العربية في الاماكن المايلة اوي
انما كل حاجة تانية موجودة وسعرها 175 الف

- انت تعرف ان توكيل فورد بتاعنا مكنش ناقصله غير فورد فيستا ST اللي هي المعدلة مش العادية ودي صورها :







بس دي بمحرك تاني خالص وبجد لو كانت نزلت كانت حتخلي كل الهاتشباك في البلد يعنس
ودا بسبب الاداء والتقييمات اللي اخدتها في جمييع المواقع وصوتها المرعب وكمان الشكل حاجة متتصدقش

- ماهو هو دا سبب فشل الامبريزا عندنا وانها مباعتش كتير .. انا مشفتهاش غير مرة وحدة بس في الشارع