استلام تويوتا 2014

**Mohamed.Hany** · 24-10-2013 04:08 PM

انا كان عندى امل استلم النهاردة, بس اخر كلام وصلي حاجتين :
1. وقفو الحجز مؤقتا للمعارض بنفس السعر و ده و الله اتقالي من واحد امين جدا من جوة البرجسي لأن خلاص هيزودو السعر عشان الضغط الهستيرى في الدفعة القادمة مش الدفعة دى, فربنا الهمني اني اقولو ان الشركة موقفتش الحجز للافراد في كل فروعها , راح رادد عليا و قالى ان عمرهم ما هيوقفو الحجز عشلن دى خسارة و انهم كاتبين بند بيتيح زيادة السعر عند الاستلام. بس بكرر كل ده للحجوزات الجديدة من النهاردة
2.التوكيل مش بيسلم كل الناس او بمعني اصح بينقط العربية علي الناس و السبب مش معروف لحد و حتي لما بيجي يسلم لمعرض بيسلم عربيتين او 3 بالكتير مش بيسلم كل اللي محجوز. و انا صديق ليا جايب واسطة جامدة من التوكيل و بردو لسا مستلمش. يعني الواسطة حتي مش نافعة.
الحمد لله

**abofandy** · 25-10-2013 02:14 AM

انا حاجز يوم 9 *9 وقالولي انهاردة قال ايه لو مستعجل تعالا خد الورق وروح استلمها من اسكندرية لانها واقفة على الشحن

المندوب أكدلي ان العربية اتفوترت وملاني رقم الشاسيه وكمان بعت الورق للمرور

وواقفة على الشحن للقاهرة

من الاخر توكيل قمة في قلة الذوق مع المشتريين وللاسف مش هكون فرحان وانا بستلم العربية لان بعد كل ده من الانتظار راحت فرحة العربية والله

يااخى وحد الله كدة .. واستعيذ من الشيطان
اوعى أي حاجة تضيع فرحتك بالعربية
العربية بسم الله ماشاء الله حكاية وزى ماانت شايف كمية الحوجزات الى عليها
وسعرها هيزيد في الدفعة الى لسة هتيجى
افرح بالعربية وسيبك من المنديب ولاد اللذين دول ... انا حاجز بعدك على طول بعشر ايام بالضبط وبرضة مفيش اى اخبار بس خير
اية المشكلة في النهاية هنستلم ان شاء الله
وقدر الله وماشاء فعل ويمكن خير والله لينا كلنا اهو تشويق اكتر علشان تحب العربية اكتر واكتر لانها غالية

اضحك وانسى وافرح بالعربية ان شاء الله كلها ايام بسيطة وتستلم بس تدينى لفه بيها بقى ههههههه

**ahmedroshdy** · 25-10-2013 02:28 PM

المشاركة الأصلية كتبت بواسطة abofandy

يااخى وحد الله كدة .. واستعيذ من الشيطان
اوعى أي حاجة تضيع فرحتك بالعربية
العربية بسم الله ماشاء الله حكاية وزى ماانت شايف كمية الحوجزات الى عليها
وسعرها هيزيد في الدفعة الى لسة هتيجى
افرح بالعربية وسيبك من المنديب ولاد اللذين دول ... انا حاجز بعدك على طول بعشر ايام بالضبط وبرضة مفيش اى اخبار بس خير
اية المشكلة في النهاية هنستلم ان شاء الله
وقدر الله وماشاء فعل ويمكن خير والله لينا كلنا اهو تشويق اكتر علشان تحب العربية اكتر واكتر لانها غالية

اضحك وانسى وافرح بالعربية ان شاء الله كلها ايام بسيطة وتستلم بس تدينى لفه بيها بقى ههههههه

يادكتور والله الواحد زهق وكمان انا بايع الانسر من اول شهر 9 ومش عارف اتحرك من غير عربية... المهم يارب ما يحصلش مشكلة في الالوان او الاسعار بعد الانتظار ده كله...

**Fox54** · 25-10-2013 03:13 PM

المشاركة الأصلية كتبت بواسطة ahmedroshdy

من فضلك يعني اية اخدت رقم الشاسية وبعت الورق المرور??

يعني انا عربيتي لونها تمام نفس الاختيار واتعملها الورق باسمي واخدت رقم الشاسيه الخاص بيها

المندوب بيكلمك يأكد اللون لو الي انت مختاره تمام بيقولك هفوترلك العربية وبتكون بتاعتك خلاص

لو اللون لا قدر الله خلص هيخيرك بقى

**ahmedroshdy** · 25-10-2013 03:33 PM

المشاركة الأصلية كتبت بواسطة fox54

يعني انا عربيتي لونها تمام نفس الاختيار واتعملها الورق باسمي واخدت رقم الشاسيه الخاص بيها

المندوب بيكلمك يأكد اللون لو الي انت مختاره تمام بيقولك هفوترلك العربية وبتكون بتاعتك خلاص

لو اللون لا قدر الله خلص هيخيرك بقى

تمام والف مليون مبروك ويارب يكفيك شرها....
سؤال من فضلك, هو حضرتك دافع اوفر برايس او فلوس للمندوب ولا السعر الرسمي بس؟
وهل انا علشان اخد رقم الشاسيه و الموتور ادفع فلوس في التوكيل!!

**Fox54** · 25-10-2013 03:52 PM

المشاركة الأصلية كتبت بواسطة ahmedroshdy

تمام والف مليون مبروك ويارب يكفيك شرها....
سؤال من فضلك, هو حضرتك دافع اوفر برايس او فلوس للمندوب ولا السعر الرسمي بس؟
وهل انا علشان اخد رقم الشاسيه و الموتور ادفع فلوس في التوكيل!!

لا طبعا ولا اوفر برايس ولا غيره السعر الرسمي

وانت كدة كدة هتاخد رقم الشاسيه اول ما يأكد معاك اللون

**ahmedroshdy** · 25-10-2013 04:24 PM

المشاركة الأصلية كتبت بواسطة fox54

لا طبعا ولا اوفر برايس ولا غيره السعر الرسمي

وانت كدة كدة هتاخد رقم الشاسيه اول ما يأكد معاك اللون

ان شاء الله .....مشكور ياباشا

**abofandy** · 25-10-2013 08:39 PM

يادكتور والله الواحد زهق وكمان انا بايع الانسر من اول شهر 9 ومش عارف اتحرك من غير عربية... المهم يارب ما يحصلش مشكلة في الالوان او الاسعار بعد الانتظار ده كله...

معلش كل تاخيره وفية خيره ان شاء الله
وبعدين ان شاء الله مفيش مشاكل في الالوان
وان شاء الله هتاخد اللون الى انت عايزة لانها الوانها كلها ماشاء الله جميلة مفيش حاجة شاذة فيها
مع انى مختار الفضى بس حتى لو كان فية مشكلة في اللون معنديش مشكلة في لون تانى بس ميبقاش غامق او شاذ زى الكحلى كدة

اكتر حاجة تضحك في القصة دى كلها ان القصة كلها تتجمع في تلات كلمات
(((( محدش فاهم حاجة ))))
الكلمة دى تتقال لكل تويوتا
سواء مدير الفرع مهوش عارف العربيات متاخره ليه
مندوبيات المبيعات برضة ميعرفش العميل الى حاجز معاهم ممكن يستلم امتا
العملاء الى زينا ميعرفوش هيركبوا العربية ويستلموها امتا
وقيس على كدة التجار والموزعييين وغيرهم

يلة صبرنا كتير مبقاش الا القليل
يارب كملها بالستر