الموضوع: يا جماعه لو سمحتم عايز اشتري بازوكا؟؟؟؟

المشاركة الأصلية كتبت بواسطة kodak_gti

اكيد هيديلك صوت اقوى لأنه 15 انش وهو مش بالوات
ماعندك اقوى صب كان نازل البانش 18 انش وكان 500 وات وكان بيهد العربية
وانا عارف الكيكر بس مش موجود هنا فى المحلات خالص

قطر الصب بالأنش بيفرق في مدى قدرة الصب انة يطلع الترددات الواطية للبيز

كل الصب مايكبر يقدر يدي بيز مكتوم اكتر

لكن موضوع قدرة الصوت دة الأهم ان تكون القدرة بال RMS أكبر, بس طبعا مع الصب الاكبر بتزيد قدرتة على إخراج الوات دة في صورة ترددات صوتية منخفضة, و للعلم اساساً قدرة الصوت بتقاس بالديسيبلdb مش بالوات, و فائدة السماعه اساساً هي تحويل القدرة الكهربية بالوات لقدرة صوتية بالديسيبل

يعني مثلا
الصب ال 8 بوصة مثلا يقدر يطلع طبقات صوت البيز من اول 60 هيرتز و طالع
الصب ال10 بوصة مثلا يطلع بيز من 40 هيرتز
الصب ال12 بوصة مثلا يقدر من 30 هيرتز
الصب ال15 بوصة يطلع من 24 هيرتز
الصب ال18 بوصة ينزل لتحت ال20 هيرتز كمان, ايوة هوة الاذن البشرية تسمع فوق العشرين هيتز بس لما قدرة الصب تنزل لتحت ال20 يبقى قدرتة على إخراج الترددات فوقها بتزيد

بص على كتالوج اي ماركة صبات و شوف الجدول بتاع مكواصفاتهم حاتلاقي الترددات المنخفضة بتتناسب مع قطر الصب بالشكل اللي قلت لك علية مع ثبات عامل الماركة و مستوى الجودة