الموضوع: ريموت n16 توقف عن العمل مرة واحدة

أفصل البطاريه عادي مفيش كود للكاسيت ولا حاجه هي الفكره ان كل حاجه حيتعملها ريست ماعدا عداد الكيلو متر الساسي حيفضل زي مهو، بس ليه مفكرتش انها ممكن تكون بطارية الريموت نفسه، جرب غيرها قبل الريست عشان تكون مطمن.
وعرفني الجديد

المشاركة الأصلية كتبت بواسطة elwan117

أفصل البطاريه عادي مفيش كود للكاسيت ولا حاجه هي الفكره ان كل حاجه حيتعملها ريست ماعدا عداد الكيلو متر الساسي حيفضل زي مهو، بس ليه مفكرتش انها ممكن تكون بطارية الريموت نفسه، جرب غيرها قبل الريست عشان تكون مطمن.
وعرفني الجديد

بص هو انا عامل مفتاح كيت كنت جايبة فى اخر طلبية قبل العربية ما اجيبها ولما جبتها ركبت الريموت فى الكيت ودة من شهر 8 واشتغل معايا زى الفل ولما حصل والريموت وقف كدة اول حاجة فكرت فيها ان ممكن يكون فى حاجة اتحركت من مكانها جوة الكيت ففتحتة واتاكدت انة متركب تمام ومسكت حجر البطارية وعملت زى العيال الصغيرة حطيتوا على لسانى ولسعنى + ان العربية من شهرين بس معايا فمعتقدتش الحجر حصلوا حاجة دة بيقعد سنين ...والا انت رائيك اية نبتدى باية الاول فصل البطارية ثم الحجر ثم التوكيل والا شايف اية ...وشكرا على الاهتمام

العفو يا عزيزي ، انا شايف ان النيسان صني بث الريموت بتاعها اصلاً ضعيف ولو البطاريه مش في افضل حال لو وقفت جمب العربيه مش حيستقبل ولا حيرسل حاجه انافعلاً بعاني من قصر المسافه فالبث. فالافضل انك غير الحجر واذا لم يستقبل اعمل ريست ومتقلقش مفيش اي ضرر بس عرفني احتياطي العربيه عندك نازله بأني كاسيت عشان انا عربيتي موديل ٢٠١٠ وممكن يكونو غيروا الكينوود لحاجه تانيه بتحتاج كود.
ثانياً عند فصل البطاريه يفضل انك تشيل الكبل وانت مروح ووصلو تاني يوم بحيث انه فعلاً يتعملو ريست ولا تقلق انشاء الله.

هو هو الكاسيت على ما اعتقد كينود من غير يو اس بى والكلام دة العادى خالص......انا كمان بعانى من قصر المسافة معاها بس خلى بالك ان قصر المسافة مالوش علاقة بقوة الحجر لكن علاقتة بالبورد الى جوة الريموت يعنى ...انا معنديش مشكلة انى اغير الحجر بس هيبقى فى مشكلة لو كل شهرين اجبلها حجر وانا اصلا مستخدمتش الريموت 20 مرة على بعض بالفتح والقفل لانى مش بقفلها فى الجراج وخروجى ضعيف جداااااااا..على العموم هجرب بكرة ونشوف الى هيحصل..خير ان شاء الله

ياباشا ملحقتش وكمان بقولك عملت زى العيال الصغيرة حطيت الحجر على لسانى ولقيتة شغال ..على العموم هنجرب كل حاجة ونشوف اية الى هيتم

الف مبروك العربيه يا باشا اولا .. ثانيا موضوع الريموت ده انا رأيي تستنى لحد صيانه الالف و تبقى تقولهم عليها في التوكيل و مشي نفسك اليومين دول بالمفتاح

موضوع قصر المسافه ده بصراحه غريب .. انا عندي موديل 2012 الشكل القديم بصراحه المسافه بتاعت الريموت كويسه جدا بالذات مفتاح القفل .. انا محسنتلوش المسافه بالظبط بس عمرها متقل عن 15 متر .. و شهرين مسافه قليله خالص عشان الحجاره تضعف .. فانا رأيي قولهم ع المشكله في التوكيل وهما يحلوهالك ان شاء الله :)

صديقي المواطن
قولا واحدا بطاريات ريموت وبالتوفيق ودي كانت أول حاجة لازم تشوفها وليس باقي الحاجات والصح تجيب كذا حجر وتحط إحتياطي زي مبعمل أنا
ودمتم للنضال