جنوط 14 في الفليشيا

السلام عليكم ورحمه الله

الجنان ماسكني اليومين دول وكل اما اشوف جنط شكله روش اتجنن وابقي عايز اغير الجنط الحديد اللي عندي باي شكل:T_thum1[1]: زهقت منه اوي وشكله خنقني جبتله طاسات وبرضه مش قادر اقاوم اشتري جنوط سبور وشكلها لطيف

لقيت كمان ان ممكن ارض الجنط واكبره شويه هل فيه حد ركب جنط 14 في الفليشيا؟
ايه اخباره ؟ وهل باثر فالعربيه للاحسن او للاسوا؟
وايه المقاس بالظبط ؟ ويا ريت لو سعر تقريبي كده ؟


انا كل ما اشوف فيديوهات لعربيه فليشيا بره الاقيه حاطط جنط 14 وساعات 15 فاكيد هينفع يعني ولا ايه ؟
مستني ارائكم وشكرااا مقدما

الأفضل ليك تركب جنوط اسبور مقاس 14 استعمال عندك جنوط الأبيزا والجولف نفس صرة الأسكودا وتركب عليهم كاوتش 14/60/185 كان معروض عليا 4 جنوط ابيزا استعمال 14 بالكاوتش بيريلى 6000 مقاس 14/60/185 ب 1000 جنية السنة اللى فاتت بس كانت الظروف مكعبلة وده افضل من الجديد لو لاقيت 4 جنوط نظاف وتجربهم على مكنة الترصيص قبل مايتركبوا !!

صديقي المواطن
ينفع طبعا وأنا لو بيدي القرار كنت متعت أي عربية تدخل مصر من غير جنوط بإعتبار الجنط الحديد العره يعتبر تشوه بصري والطاسات لا أعترف بها يستثتى من ذلك الطاسات الدوارة المتحركة وبالتوفيق ومفيش داعي تحرق أعصابك إنت تقاطع القهاوي والمطاعم واﻷكل بره والدليفري 3 شهور وبالتوفير ده تجيب طقم جنوط وتفرح نفسك
ودمتم.للنضال

اقتباس:

---

المشاركة الأصلية كتبت بواسطة aw2100

الأفضل ليك تركب جنوط اسبور مقاس 14 استعمال عندك جنوط الأبيزا والجولف نفس صرة الأسكودا وتركب عليهم كاوتش 14/60/185 كان معروض عليا 4 جنوط ابيزا استعمال 14 بالكاوتش بيريلى 6000 مقاس 14/60/185 ب 1000 جنية السنة اللى فاتت بس كانت الظروف مكعبلة وده افضل من الجديد لو لاقيت 4 جنوط نظاف وتجربهم على مكنة الترصيص قبل مايتركبوا !!

---

شكرااا يا باشا علي المعلومه وهتفيديني اكيد بس مقاس الجنط بيبقي 14 بس ولا فيه حاجه تانيه لشان لما اسال ابقي فاهم وشان مشتريش حاجه وتغلبني بعدين
وشكر ا جداا علي الرد

اقتباس:

---

المشاركة الأصلية كتبت بواسطة saddam

صديقي المواطن
ينفع طبعا وأنا لو بيدي القرار كنت متعت أي عربية تدخل مصر من غير جنوط بإعتبار الجنط الحديد العره يعتبر تشوه بصري والطاسات لا أعترف بها يستثتى من ذلك الطاسات الدوارة المتحركة وبالتوفيق ومفيش داعي تحرق أعصابك إنت تقاطع القهاوي والمطاعم واﻷكل بره والدليفري 3 شهور وبالتوفير ده تجيب طقم جنوط وتفرح نفسك
ودمتم.للنضال

---

كلامك مظبوط 100 فال 100 انا من رايي الجنوط الحديد ديه تتلغي للابد...... انا كان معايا قبل الفليشيا 128 وكنت مجنطها ومظبطها وفوج لايت وشغل عالي .....والفليشيا تصبر عليا شويه بس وهخليها:guitarplay1: مرسيدس

هتجيبه 4*100 مقاس 14 افضل وحاول تخلى بالك من الجنوط الاسبور الصينى لانها مع اى مطب بتتكسر

ينفع الجنوط 14 بس متعرضش فى المداس بتاع الجنط

انا عندي جنوط نوبيرا 185/70/14
هو طبعاً الشكل حلو وعاطيها ثبات بس بحس ان العربية تقيله خصوصاً ان سحبها اصلا مش جامد
حاول ماتجيبش جنط عريض اوي لو حتجيب 14

طيب ايه افضل صناعه للجنط وتكون معقوله يعني مش غاليه يعني انا بسمع اندونيسي او تايلندي ولا ده الكاوتش باين ؟
ثانيا اعرف ازاااي الكاوتش عايز يتغير ولا لا اصلي اشتريت العربيه ومعرفش صاحبها مشي بيها قد ايه بالكاوتش اللي فيها يعني ايه اعراض التغيير للكاوتش هو اللي فيها بريدج ستون h انتاج 2011 بس معرفش مشي بيه قد ايه؟
عايز اطمئن لاني احيانا بسافر بيها وبالمره لو محتاج يتغيير اغيره مع الجنوط ؟

:helloogreen:

http://www.nilemotors.net/Nile/315869-a.html

اقتباس:

---

المشاركة الأصلية كتبت بواسطة yasser dyboo

طيب ايه افضل صناعه للجنط وتكون معقوله يعني مش غاليه يعني انا بسمع اندونيسي او تايلندي ولا ده الكاوتش باين ؟
ثانيا اعرف ازاااي الكاوتش عايز يتغير ولا لا اصلي اشتريت العربيه ومعرفش صاحبها مشي بيها قد ايه بالكاوتش اللي فيها يعني ايه اعراض التغيير للكاوتش هو اللي فيها بريدج ستون h انتاج 2011 بس معرفش مشي بيه قد ايه؟
عايز اطمئن لاني احيانا بسافر بيها وبالمره لو محتاج يتغيير اغيره مع الجنوط ؟

---

الجنوط ابعد عن الصينى وبالنسبة للكاوتش اهم حاجتين فيه صناعته ايه وتاريخ انتاجه ايه انت بتقول ان الكاوتش اللى فيها انتاج 2011 بس مقولتش الاسبوع الكام وعلى العموم 2011 مش بعيدة اوى يعنى غالبا هنقول مكملش 3 سنين ومادام اللى راكب بريدجيستون يبقى متقلقش لان الكاوتش بيتغير على 40.000 كيلو او لو فيه بلالين ظهرت او لو المداس بتاعه ممسوح واللى يحددلك حالة الكاوتش زى ماقلتلك الحاجات اللى فاتت وخلى بالك لاتروح لبتاع كاوتش ويقولك محتاج يتغير وهو يكون لسه بحالته وربنا معاك

جبت جنوط 14 ولا لسه

لسه والله ....ربنا يسهل اصل هدور لي حاجه استعمال لاني هغير جنوط وكاوتش وكده الميزانيه هتخرف ولسه واحد صحبي مكلمني انهارده وهنروح عند ناس في باسوس بيبيعوا استعمال وهوه غير من عندهم جنوط هجيب وهقولك علي الاخبار

اقتباس:

---

المشاركة الأصلية كتبت بواسطة yasser dyboo

لسه والله ....ربنا يسهل اصل هدور لي حاجه استعمال لاني هغير جنوط وكاوتش وكده الميزانيه هتخرف ولسه واحد صحبي مكلمني انهارده وهنروح عند ناس في باسوس بيبيعوا استعمال وهوه غير من عندهم جنوط هجيب وهقولك علي الاخبار

---

بالتوفيق ان شاء الله بس عايز اعرف الجنوط اللى عندك اخبارهم ايه