رجاء مساعدة من كل من يمتلك ميجان 2

**amoor881999** · 10-10-2013 02:15 AM

[gdwl]السلام عليكم
[/gdwl]

أنا معروض عليا ميجان 2 موديل 2009 اتوماتيك مع واحد صاحبى لسه شاريها من 6 شهور وعاوز يبيعها عشان هيشترى BMW
المهم أنا خايف أجيبها لأن شغلى بيحتم عليا اللف كتير فى شوارع القاهرة الزحمة وكمان السفر كتير وطبعا كل لما اقول لحد انى عاوز اجيب ميجان يصرخ فى وشى ويقوللى ان اعطالها كتيييييييييييييييييييييير ومش اى حد بيعرف يصلحها وقطع غيارها نااااااااااااااااار وينصحونى بالانسر البومة
أرجو من كل من يمتلك الميجان 2 يقوللى بمنتهى الصراحة العربية دى لو نضيفة هتتعبنى فى اعطالها الكتير ولا هتبقى زى اى عربية تانية خصوصا انى كان معايا النترا 2007 اتوماتيك وكانت مريحانى عالاخر من ناحية الاعطال والصيانة
ولو سمحتم لو حد يعرف عناوين مراكز الصيانة الكويسة ويا ريت لو فى مدينة نصر

[bor=#ff0000]أرجو سرعة الرد وجزاكم الله خيرا[/bor]

**تامر.محمد** · 10-10-2013 02:27 AM

- لو نضيفة مش هاتتعبك في اعطالها الكتير , بس الحاجة الوحيدة اللي تقول لك هي نضيفة ولا لأ .. كشف التوكيل
- مش اي حد بيعرف يشتغل فيها , لو عايزها تفضل بحالة كويسة اه , مش اي حد فعلا , زي كل الاوروبي
- بالنسبة للف , انا باعمل بعربيتي في السنة حوالي 22 الف - 25 الف كيلو جوة القاهرة و اكيد عارف يعني ايه جوة القاهرة :)
- بالنسبة للسفر رحت بيها في يوم واحد : القاهرة - اسكندرية - العجمي - مارينا - القاهرة , شغالة ما بتقولش لأ طالما العربية حالتها كويسة
- قطع غيارها موجودة كتير في صقر قريش في المعادي , و اقل في الحرفيين و شارع دمشق , و متوفرة في التوكيل و المراكز المعتمدة , لو مش ساكن في القاهرة او اسكندرية بلاش منها بصراحة
- قطع غيارها في التوكيل على ما اسمع مش اغلى من قطع غيار البومة في التوكيل
- اعتماديتها مش زي الكوري و الياباني , بس مش الضايعة يعني
- بالنسبة للبومة , اركب دي و اركب دي و هاتحس بفرق الركوبة الشاسع :)
- انا مقيم في مدينة نصر بس باعمل صياناتها كلها يا في صقر قريش , يا عند طارق الميكانيكي (الهرم) , يا في فرينش موتورز (الرحاب , الشروق) يا في التوكيل (المقطم , العبور)

تحت امرك في اي حاجة :)

**تامر.محمد** · 10-10-2013 03:22 AM

المشاركة الأصلية كتبت بواسطة amoor881999

شكراً يا باشا على سرعة الرد
على فكرة انا بردو ساكن فى مدينة نصر
وعلى فكرة أنا ركبت الميجان وركبت اللانسر وعارف فرق الرفاهية ونفسى بجد اجيب الميجان بس خايف
بس كان ليه استفسار بخصوص معنى إعتمادية الميجان مش ضايعة؟
واستفسار تانى بخصوص انك بتقولى لو مش فى القاهرة او الاسكندرية بلاش اجيبها طيب افرض لو الواحد طلع بيها الساحل او السخنة وباظت لا قدر الله ؟
آسف على الإطالة

بالنسبة لمش ضايعة يعني هي مش العربية اللي هاتمشي معاك 100 الف كيلو ولا 5 سنين ما بتنطقش خالص و كل قطعها شغالة تمام و ما بتقولش بم

يعني انا في سنتين الا شوية و 43 الف كيلو جوة القاهرة غيرت بطاحة و قاعدة موتور (كانت خشنة) و كاوتشة كوبلن لسه مؤخرا و ماكينة زجاج و حتة بلاستيك اسمها دليل زجاج كهربا , و مؤخرا عندي تسريب زيت من اويل سيل كرنك خلفي (هو اسمه كده :))))))) )

و وقفت بيا العربية مرة واحدة ... قطعت بنزين , بس كان المؤشر مش نازل تحت الاحمر , كان قبله على طول , و دي كانت المشكلة

بالنسبة لخارج القاهرة و اسكندرية اظن الزملا هايفيدوك اكتر مني لو حصل مع اي حد فيهم , ظني انا ان اللي ينطبق على العربيات الحديثة زي الالنترا الحالية و السيراتو الحالية و اللي قبلها و باقي الاوروبي ينطبق عليها

**تامر.محمد** · 10-10-2013 03:31 AM

و غيرت ماكينة حزام امان كمان :)))))))

**haisam ali** · 10-10-2013 12:40 PM

انارايى بالظبط زى رأى اخونا eng. octooo مع أنى من أشد المحبيين للفرنساوى والالمانى بس ع كلامك ده انت ماينفعكش غير كورى ويابانى وآسف للاطاله

**monamize4** · 10-10-2013 07:10 PM

الميجان عربية جميلة

لكن منصحكش خالص لو بتدور ع الاعتمادية و قلة الاعطال
لاحظت من معارفى اللى معاهم العربية ان بيقعوا ف مشاكل غريبة
و مش هتكلم كتير عشان كلامى مضايقش حد من ملاكها

-

الموضوع: رجاء مساعدة من كل من يمتلك ميجان 2

LinkBack

أدوات الموضوع

عرض

-

-

-

-

المواضيع المتشابهه

رجاء الافاده لرينو ميجان 2009

رجاء المساعده : ميجان 2005 بتقطع منى ومخنوقه

يا جماعة رجاء المساعدة فى شراء رينو ميجان

رجاء رجاء رجاء مساعدة لوجة اللة

مساعدة الى كل من يمتلك لانسر شارك ex

الكلمات الدلالية لهذا الموضوع

المفضلات

المفضلات

ضوابط المشاركة