بتحطوا زيت باور إيه

**ALshahba** · 15-01-2014 06:37 PM

المشاركة الأصلية كتبت بواسطة alkawther60

انا عربيتي ماتريكس 2006 مانيوال عاملة 97000 كيلومتر وزيت الباور الللي فيها لونه احمر وناقص لحد علامة min ينفع افضي الشوية الباقيين واحط زيت باور gunk ابو علبة صفراء ؟؟؟؟؟؟؟؟؟؟؟؟؟؟؟

عذرا ........... ماينفعش تزود من نوع زيت الي نوع اخر ..... مشكويس علي مكنة الباور
بكل بساطه فك الخراطيم وخلي تحتها اي حاجه تشيل الزيت اللي حيقع .. وبعد ماتفضي علبة الباور وينزل كل اللي فى المواسير ........... ضيف الزيت الجديد الشفاف

بالتوفيق

**civilpharaoh** · 16-01-2014 10:34 AM

يا جماعة كل واحد يدور في كتالوج العربية هو موصي بنوع معين لزيت الباور يعني مثلا في الميتسوبيشي لانسر كاتب ان الزيت المناسب atf dexron 2 or 3 فأكيد انا مش هحط غير الي مكتوب

**ALshahba** · 16-01-2014 02:02 PM

المشاركة الأصلية كتبت بواسطة civilpharaoh

يا جماعة كل واحد يدور في كتالوج العربية هو موصي بنوع معين لزيت الباور يعني مثلا في الميتسوبيشي لانسر كاتب ان الزيت المناسب atf dexron 2 or 3 فأكيد انا مش هحط غير الي مكتوب

كلام مفيش بعد كده

فعلا لازم تشوف فى الكاتالوج بتاعك نوع الزيت الموصي به فى الباور

بالتوفيق

**civilpharaoh** · 16-01-2014 10:16 PM

انا غيرت زيت الباور النهارده جبت الاول زيت رخيص غسلت بيه دورة الباور و بعد كده حطيت زيت valvoline atf dex/merc و هو مناسب للعربيات المطلوب لها dex 3 و لونه احمر زي بتاع الفبريكة

**ALshahba** · 19-01-2014 04:45 PM

وايه الاخبار بعد التجديد ........... حسيت باي تحسن

**civilpharaoh** · 19-01-2014 11:57 PM

لا مفيش فرق هو اصلا الزيت القديم مكنش فيه مشكلة ولا بينقص بس انا غيرته لاني عامل بالعربية ٧٠٠٠٠ كيلو متر و مكنتش غيرته قبل كده ده بتاع الفبريكة فقلت كفايه عليه كده ورحت مغيره

**ALshahba** · 22-01-2014 05:20 PM

المشاركة الأصلية كتبت بواسطة civilpharaoh

لا مفيش فرق هو اصلا الزيت القديم مكنش فيه مشكلة ولا بينقص بس انا غيرته لاني عامل بالعربية ٧٠٠٠٠ كيلو متر و مكنتش غيرته قبل كده ده بتاع الفبريكة فقلت كفايه عليه كده ورحت مغيره

عين العقل ........ تمام اوي

ممكن تقولنا اشتريته منين ؟ وسعره كام ؟ والباوب اخد كام لتر ؟

شكرا للتواصل

**civilpharaoh** · 23-01-2014 12:20 AM

بص يا باشا انا جبت الزيت و غيرته عند مركز توب جير الي في شارع فيصل والعبوة ١ لتر ب ٥٥ جنية و عربيتي خدت تقريبا نصف لتر و بتجيب زيت رخيص من اي واحد بتاع قطع غيار تقريبا ب ١٠ جنية لتنظيف دورة الباور و ده اختياري بس الافضل تعمله و العملية كلها مش هتاخد ربع ساعة بس المهم وتروح لواحد فاهم بيعمل ايه

**medoo3000** · 19-02-2014 08:40 PM

تجربتي يا جماعه اني اضطريت اغير زيت الباور بسبب انشقاق في خرطوم السفلي للطلمبه و حدوث تسريب كبير

مشيت بيها مشوار وانا مش واخد بالي وبعدها روح فورا لمركز زيوت

وغيرنا الخرطوم و حط زيت موبيل الاحمر
انا كنت عاوز جانك الاصفر بس ملقتووش عندو وسألت بعد كده في كذا مكان ملقتوش برضو

المهم مشيت بيها كام شهر تمام لكن حاليا بدأت اسمع صوت تزييق مع لف الدركسيون مش عارف ده بسبب نوع الزيت ولا علبه الدركسيون حصلها حاجه

ياريت حد يفيدنا ،،،
وعاوز اعرف اجيب منين الجانك الاصفر وبكام ،،،

**alkawther60** · 21-02-2014 09:49 AM

زين جنك ابو علبة صفراء ده موجود في التوفيقية عند محل اسمه نعيم صليب متخصص زيوت مستوردة وبوجيهات

وموجود عند ناس كتييير في الحرفييين وسعره تقريبا مش فاكر 50 جنيه او 60 مش فاكر بالضبط

بالسؤال عنه قالوا ناس كتير انه للعربيات اللي الباور فيها كهرباء وبالسؤال هل ينفع لباور عادي محدش عارف او اداني اجابة واضحة
بس اللي اجمع عليه الكل او الاغلب ان زيت الباور العادي الهدرومتيك مش الكهربا هو الزيت الاحمر dex2 فيه ناس كتير بتحط زيت الفتيس الاوتوماتيك بس سمعت انه مش صح اوي والافضل انه يكون مكتوب عليه انه زيت باور ستيرينج اي لون بقى