-
مشكلة جديدة فى العربية
السلام عليكم جميعا
وكل عام وانتم بألف صحه وسلامه وخير
ظهرت عندى مشكلة جديدة فى العربية وامبارح كانت فى عزها
المشكلة هى ان العربية بتبطل وانا ماشى حتى لو على سرعه عالية كأنها بتقطع بنزين والعربية بتكون كأنها متلتة .
المشكلة الاكبر هو ان العربية مبدورش بعد كده الا لما تبرد شوية وبعد محاولات كتييييييييير وبتدور بردة متلتة.
اللى انا كمان ملاحظة هو انى لما ادوس بنزين العربية موش بتستجيب وكأنى موش دايس حاجه.
تفتكروا الموضوع له علاقة بأيه ؟؟؟
انا شاكك فى حساس البوابة tbs
وممكن يكون فلتر البنزين عايز يتغير لآنه بقاله كتييييييييييير جداً موش عارف.
ارجو المساعدة
-
وفيه حاجه كمان شاكك فيها هى حساس الكرنك ممكن برضه يكون له نفس الاعراض
-
الموبينة ........... دي اعرااض واضحة لبداية تلف الموبينة
ومينمنعش من مراجعة فلتر البنزين ومنظومة الحريق من موبينة ومشط الكتروني واسبراتير وبوجيهات واسلاك بوجيهات
بس الاحتمال الاكبر الموبينة والدليل على كدة تدوس بنزين ومفيش سحب والعربية سخنة تبطل ولما تبرد تدور عادي لحد ماتسخن تاني ....... تقبل تحياتي
-
-
صديقي المواطن
عطلك.كالتالي
طرمبة البنزين ضعيفة
ثم فلتر البنزين شبه إنسداد
وفي اﻵخر الموبينة
وبالتوفيق لا تقلق موضوعك بسيط
ودمتم للنضال
-
-
انا لسه مغير طلمبه البنزين بواحدة جديدة المانى مبقالهاش سنه ؟؟
وبعدين العربية لما بدورها بسمع صوت الطرمبة شغاله وبتحضر والعربية بتعد تعتل معايا
-
-
حساس الكرنك يقطع بنزين وكهرباء
وتقريبآ اللى بيحصل معاك بيبقى كده على العموم الاحسن انك تكشف عليها كمبيوتر قبل ما تغير حاجه
-
بنسبة كبيرة جدا حساس كرنك
Content Relevant URLs by
vBSEO 3.6.0 PL2