المشاركة الأصلية كتبت بواسطة saddam
صديقي المواطن
كلامك على العين والرأس والناس بره ممكن وده موجود يصنعوا عربية من ذهب وألماز حقيقي أنا بقه طلعت شكل اﻷلماس بسعر مقبول ولكن قولا واحدا لما تخش المرور مهندسي الفحص أول مرة في حياتهم حيشوفوا كده أما موضوع الموقع ففي مصر عندنا نسمع كلام كتير وكفتة مفيش إحنه عاوزين كل حاجة ببلاش يعني أنا لو قلتلك إني عايز أركب جنط 22 ورحت لكذا واحد اللي يقلك 20 و25 ألف من غير كاوتش أو يقلك 15 و16 طبعا كلكم قلتوا عليا مجنون وللأمانة أنا مقدم عربية إمبارح رقم 9 في مجموعتي دي كانت فلوس حوشتها وبعتها لدبي أجيب طقمين جنوط لعربيتي رقم 2 ولم ينجح الموضوع فرجعت الفلوس وخدت العربية
مختصر الكلام في مصر إحنه بلد فقيرة ومحدش بيدفع فلوس منا قايل برش ب 30 ألف العربية واللي عاوز آخده أفرجه محدش قال عايز غير كده عرضت العربية بسعر تشجيعي 160 ألف تركب عربية وإنت ماشي وجنبك عربية بي إم أم مليون ونص الناس حتسيبها وتبص على عربيتك محدش رد رغم إني أشهد الله أنا عارف ولست متوقع بيع في منتدانا والبيع الصح العربية تروح لمعارض في المهندسين ومصر الجديدة لا يدخلها عامة الشعب يعني مبيبوعوش كارينز ولانوس وسيراتو فيه كلم معرض كده لعربيات الصفوة وكلها مستعمل
أنا أضل موضوعي كان إستشارة في خطة الرش وبصراحة كنت طنعان ألاقي عربية من اللي في بالي ومفيش نصيب وأنا نفسي الموضوع يغلق وأنا والله برد على زائري الموضوع من باب اللياقة واﻹحترام للكبير والصغير ونفسي في يوم أفتح الموضوع ده وألاقي حد بيقللي أنا عندي عربية من طلباتك عشان نتقابل بدل ما إحنه مقضينها كلام خارج الصندوق
وبالتوفيق ودمتم للنضال