الموضوع: صديقي المواطن قف محتار ومحتاج أتناقش معاكم في بيع عربية ألماز

أيها اﻷخوة المواطنون أعضاء المنتدى المحترم في كل مكان

السلام عليكم ورحمة الله وبركاته

أما بعد :

فكثير من اﻷخوة في المنتدى يعرفوا إني من كبار عاشقي ومعدلي السيارات وأعتقد لو حد حلل دمي حيلاقيه كريات دم بيضاء وحمراء وعربيات صغيره وكل حياتي متمحورة حواليها

طبعا كتير منكم عارفين إن معايه 9 سيارات من أول 1958 وحتى 2010 زيرو وكلها خضعت أو لازالت معظمها بتخضع لتعديلات وبعضكم يعرف إن أنا بقعد أعدل في عربية واحدة بالثلاث واﻷربع سنين

وكتير منكم عارفين إني بتجنن إن أي عربية من عربياتي ليها نفس لون عربية.تانية من عربياتي

وكل حد متابعني عارف إني منذ أسبوع فقط وبعد تجارب 3 سنوات وصرف عشرات الساعات وآلاف الجنيهات وبخبرتي الذاتية وبدون طلب مشورة من أحد توصلت إلى إختراع إزاي أرش عربية وتطلع كأنها قطعة ذهب أو قطعة ألماز ماشية في الشارع وعملت فعلا جنط ذهب وطاساته من اﻷلماز شكلا ونجحت التجربة

وإخترت عربيتي رقم 2 عشان أرشها ذهب خالص وباكيتات ألماز

وإخترت عربيتي رقم 8.عشان أرشها ألماز

المشكلة المطلوب فيها المشورة

دلوأتي عربيتي رقم 5 مرسيدس كلاسك 180 موديل 1960 بقالي 3 سنين بشد فيها وجبت كل نواقصها ونواكلها اﻷصلي قطعة قطعة فهي دلوأتي خلاص حتخش تترش والخطة كانت لةنين موف وبه جواهر لماعة وأبيض به لمعة لؤلؤ طبعا لون يخطف القلوب واﻷبصار ولكن المصيبة أنا عمري ما بعت عربية من عربياتي ومبحبش أدي جهدي وأفكاري لحد بحب أتفرد بس دلوأتي أنا فيه عربيات عايز أشتريها أو بواقي أحلام طفولة ولازم أضمها لمجموعتي عشان أستريح وأرجع ألتفت لحياتي بعيدا عن العربيات بس العربيات دي غالية ومحدش بيرضى يقسطها والكل عارف أنا عربية لو بمليون جنيه لو قسط أشتريها لو عربية ب 30 ألف كاش ولا أقرب منها ﻷن أنا كل فلوسي حتى آخر ربع جنيه في جيبي بوزعه على عشرات اﻷسطوات العاملين في سياراتي ففكرت أخلص العربية دي وأدخلها في أي عربية من أحلام حياتي وأرجع أبني وحده جديدة من الصفر وبكده المشكلة عشان تخطف القلوب واﻷغنياء يتهافتوا على شرائها لازم أرشها ألماز ومش حرشها ذهب عشان أنا محوشه لعربيتي المحببة على قلبي سيارتي رقم 2 وبكده حيكون عندي عربيتين ألماز نفس الدرجة وكمان لسه مفكرتش في طريقة للبيع في بالي مثلا أسمع من هنا جايز حد مليونير معانا في المنتدى عايز يتميز يحجزها أو بفكر أنزلها معرض مفتخر في المهندسين أو مصر الجديدة متخصص في عربيات الطبقة الراقية ويدخلوها جوه الفاترينة مش بره وهي.العربية تلاقي منها ب 25 وتلاقي 45 والجديدة تعمل 130.ألف و وائل نور الممثل معاه واحده أنا عن نفسي حطلب فيها 160 ألف نهائي ﻷن ملهاش أخت بتاعتي في كل العالم أو على اﻷقل في الوطن العربي وأنا عن نفسي مش هاممني أبيعها أنا أي حد يجيبلي وحده من العربيات التالية حدخلها معاه راس براس وكل طلباتي متخافوش عربيات مش بياعة وأهلها عاوزين يخلصوا منها زي
شبح 500 أو 600 من موديل 95 إلى 98 راس براي لو.نظيفة

فلوانس الشكل الجديد راس براس لو فيها فتحة سقف

لكزس إل إس 400 من موديل 89 إلى 93 حيدفع فرق

لينكولن تاون كار من 99 إلى 2003 حسب الحالة

جاجوار قبل موديل 2000 حيدفع فرق بعد 2000 حنقيم كل حاجة لوحدها

تويوتا كراون من.96 إلى 99 حيدفع فرق بسيط ولو.نظيفة ومش فضي حاخدها راس براس مش مهم أخسر دي تحفة

مرسبدس كوبيه560 أس إي سي من 89 إلى 91 لو جديدة أوي راس براس لو نص كم حيدفع فرق

فان جمسي أو شيفروليه أو.فورد.بها كنبة وشاشات من موديلات 87.وحتى 2006 تحت 98 حيدفع فرق فوق 98.راس براس

فولفو 850 أو 940.حيدفع فرق

مرسيدس 190موديل من 90 إلى 93 حيدفع فرق

كابريس أو إمبالا 2000 فما فوق حيدفع فرق بعد 2009 راس براس

بي أم دبليو 750.من.موديلات 92 وحتى 99.حيدفع فرق أو راس براس بعد 97.جديدة

ده اللي أنا فاكره من العربيات اللي ممكن أقبلها وممكن أفكر كمان أقبل عربيات بياعة زي إلانترا وسيراتو وكورولا بس مش أركبها مش سكتنا بس أبيعها وأجيب وحده من العربيات أعلاه

أخوتي المواطنين طبعا أنا عارف إن فيه ناس معانا في المنتدى ظروفها تعبانة وكلامنا بيستفزهم بس ده عشقي ودي حياتي ومتنسوش برضو معانا ناس في المنتتدى جايبه عربيات بمليون ونص وربنا يزيدهم

أرجوكم التعليقات البناءة فقط مطلوبة

ملحوظة ناس كتير بره المنتدى وجواه كمان بتطلب مني وبتشجعني أرش عربيات للناس ذهب أو ألماز من إختراعي بس نفسي مش مطاوعاني عشان عمري مشتغلت عند حد ونفسي عزيزة وكنت بفكر أكلم اﻷخ المؤسس المواطن كريم منير يتبنى الموضوع أو ينزل إعلان مدفوع اﻷجر والعربية الرش ذهب أو ألماز ومش ستيكر بتكلف 30 ألف جنيه وبتقعد 3 شهور في الرش

دلوأتي السؤال أرشها ألماز وأخليها شبه عربيتي رقم 8 وده حيزعلني ولا أكمل خطة الرش وأرشها ابيض وبنفسجي مع شذرة ألماز عشان خلاص موعد الرش قرب ومحتار

ودمتم للنضال

صديقى المواطن مفيش صورة واحدة تورينا بيها الدهب و الالماز ؟؟