برضه ماحدش فادنا انهى أحسن من ناحية الفرامل نوع أيه اللى بيخلى الفرامل تزحف فى حدود المعقول وهل موضوع تغيير الكاوتش حيفرق فى أداء الفرامل و أيه نوع الكاوتش الأحسن فى الناحية دى بالذات هل اليوكوهاما و لا الدانلوب ولا البريدجستون ولا الكونتنتال و لا الجى تى و لا الهانكوك والبريدجستون أيه البوتنزا و لا التورنزا و لا my-02 و هل زحف السيارة هو ده اللى أسمه ال progressive
صديقي المواطن
من.أعلاه.تاخد.يوكوهاما ثم كونتينينتال ثم لاسسا التركي أو أي كاوتش محترم صناعة ماليزية وكل اﻷنواع أعلاه تجيب شوال وترميها من فوق كوبري قصر النيل
أما زحف الفرامل فده يحدده ظبط.زوايا السيارة أولا ثم تخلي الهوا على 33 أو 32'ثم تبص على نقشة الكاوتش.هل هي مطرية ولا بتاعت سباقات ولا فيها سهم إتجاه واحد وعامة حاول تاخد إطار نقشته بيها تفاصيل كتير صغيرة مش كتل كبيرة وفيها مجاري لطرد الهواء والمياه لجوانب اﻹطار عشان تاخد فرامل شديدة وبالتوفيق
ودمتم للنضال
انا مجرب الكونتيننتال والميشلان والاتنين جامدين ما عدا ميشلان سايف انرجى على اده
سيدي الفاضل موضوع افض كاوتش دة حسب المقاس يعني ممكن تلاقي مقاس مثلا احسن فردة فية كونتيننتال واخر فردة مثلا دانلوب
وتلاقي في مقاس تاني العكس
ودة بناء علي الاختبارات اللي بيتعمل للكاوتش وفية مواقع فية الكلام دة بتحط مقاس كاوتشك وبتشوف النيجة
وبيديك حسب النسبة المئوية في المقارنة حسب الصوت والنقشة شتوي ولا صيفي والفرملة علي ارض مبللة والفرامل علي ارض جافة وحجات تانية دة علي سبيل المثال
واحب اقولك اوعي تفتكر ان في نوع هو احسن حاجة مافيش حاجة اسمها كدة لان فية بيحصل عيوب وعلشان كدة الشركات بتطور انتاجها
ودة لينك كنت عاملة قبل كدة اتمني انة يفيدك
http://www.nilemotors.net/Nile/264082-a.html
وبالتوفيق
فى نوع كاوتش من باروم جامد جدا أسمه
Barum Polaris 3
يبقى معنى كده أن باروم نفسه كويس لكن هما حطين موديل مش كويس
هانكوك عن تجربة
حد جرب لاسا (تركى بشراكة مع بريدجستون) ؟؟ ايه رأيكم فيه؟
يعني يا باشا معني كلامك ان البريدجيستون يترمي في الزبالة ومعناه برده ان اليوكوهاما مثلا افضل من البريدجستون مثلا برده طبعا اختلف معاك تماما مثلا البريدجستون فرده محترمة جدا مالشكاوي منها قليلة جدا وازاي الصناعة الماليزي افضل اذا كان البريدجستون في منو هنا في مصر ياباني وايطالي استحالة تكون الماليزي افضل من الياباني والايطالي مثلا وبرده لو مكانتش اليوكوهاما تقترب في المستوي من البريدجستون هتكون اقل منه مش اعلي واللاسا التركي ده كاوتش تركي بشراكة من بريدجستون ازاي هيبقي افضل من البريدجيستون نفسه او الميشلان الفرنساوي وشكرااقتباس:
المشاركة الأصلية كتبت بواسطة saddam
أنا مغير ٤ فرد بريدجستون تورانزا GR90 مقاس ١٨٥/٦٥/١٥ ياباني الصنع من سنه تقريبا، الفرامل حاجة تانية، الصوت أهدأ، السحب أحسن، والتخكم والثبات أحسن، بس تقل جيوبك، الفردة دلوقت ب ٧٠٠ وشوية.
فيه اليوكوهاما C-Drive كمان تقريبا نفس المستوي بس معرفش سعره كام وموجود ولا لأ، توكيله غبور.
معلش ياجماعة إللي يذكر ماركة يقول موديل الفردة كمان، كل ماركة فيها أكتر من ١٠ موديلات متفاوتين في المستوى والسعر، يعني ممكن تجيب فردة بريدجستون موديل تاني يكون أدائها متواضع.
اقتباس:
المشاركة الأصلية كتبت بواسطة egyzizo
حد ياجماعه يأكدلنا او ينفي موضوع شراكة (بريدجستون مع لاسا تركي ) دا عشان بجد اول مره اسمعه ,, اعتقد ان دي هاتبقي حاجه جميله اوي لو طلع صحيح
البريدجستون كاوتش رائع ويعتبر افضل كاوتش فالعلم من وجهة نظر شركات السيارات العالميه ,, وبعديه المشلان ,, ودا طبعا لو مش هايفرق معاك السعر , وبتركز علي كل علي كل عناصر الامان و الجوده . يبقي اتوكل علي الله ,, والله اعلم
حضرتك بتحدد اولاٌ انت عايز ايه من الكاوتش اللى هتركبه عشان تحدد بحثك
وانت قولت عايز كاوتش مش بيزحف مع الفرمله
جميل جداٌ يبقى حضرتك هتدور على كاوتش مكتوب على جانبه traction aa
يعنى تماسك الفرده مع الطريق مضاعف
وده هتلاقيه فى انواع قليله اوى فى مصر
اذكر منها
الكونتنتال الألمانى
Continental Premium C.ontact 2
اليوكوهاما اليابانى
yokohama s drive
او لو عايز توفر هات
الكومهو الكورى
(Kumho Ecsta SPT (KU31
وأنصحك قبل ما تشترى تقرأ الموضوع ده وان شاء الله هيفيدك
http://www.nilemotors.net/Nile/314227-a.html
وأى خدمه
بريد جيستون تورانزا v لسه مركبهم من اسبوع فرق شااااااااااااااااااااااسع بينهم وبين الباروم
بجد ممتازين وهو كاوتش سرعات وليه اتجاه في التركيب inside - outside والنقشة بتاعتو بتعمل self cooling للكاوتش واهم من ده كله ان العربية ما بقتش تزحف وهو ده مربط الفرس
الكلام ده أكيد ، لاسا بتعتمد فى تصنيعها على تكنولوجيا بريدجستون وده موضح فى اللينكات التاليةاقتباس:
المشاركة الأصلية كتبت بواسطة hossam eldeen
وتوكيل لاسا (ويوكوهاما) مع غبور حالياً
LASSA is a joint venture partner with Japanese giant Bridgestone Corporation.Ghabbour Auto
Lassa Corporate
لما نقارنو مع يوكوهاما c درايف مين يكسب ؟اقتباس:
المشاركة الأصلية كتبت بواسطة ashrafkemo
الله ينور عليك يعنى مثلا فيه بيريلي p1 و بيريلي p6 الفرق جامد جدا ما بينهم فيه الباروم اللى نازل فى عربيتنا و الباروم ال polaris p3 فى السعر و الجودة فيه البريدجستون البوتنزا أعلى من التورنزا و التورنزا أعلى من my-01 و my-02 عموما أنا سألت على التورنزا لقيته ب 724 جنيه من فيت أند فيكس من شهر تقريبا أنا كل اللى أنا عايزه مش الراحة و الهدوء أنا عايز كاوتش يسعفنى فى الفرامل لأن دى مسألة خطيرة جدا و الموضوع ده ما فيهوش هزار الثانية بتفرقاقتباس:
المشاركة الأصلية كتبت بواسطة ahmed_m_ashraf
أنا أضمنلك التورانزا gr90 في موضوع الفرامل ده.اقتباس:
المشاركة الأصلية كتبت بواسطة adel_edrees
بالنسبة للتورانزا والبوتينزا الموضوع مش موضوع مين أعلي من مين، هو كل واحد فئة مختلفة، التورانزا فئة الكومفورت (راحة + أمان)، البوتينزا أداء رياضي.
لحد دلوقتى على القمة البريدجستون تورانزا gr90 هو الأعلى تقييما من ناحية زحف الفرامل أرجزكم الدخول و أبداء الراى
بص يا باشا انا كنت محتار زيك كده بالظبط بين اليوكوهاما سي درايف و البريدجستون تورانزا gr90، و بعد الفحص و البحث استقريت على اليوكوهاما سي درايف و الحمد لله نفذت و جبت 4 فرد من عبده امين في المعادي سعر الفرده 520 جم ، حابب اوضحلك ان اليوكوهاما ياباني زي البريدجستون و ناس كتير نصحت بيه و بتاع الكاوتش نفسه أكدلي ان معظم اللوجان بتركب اليوكوهاما سي درايف، و عن تجربتي مع الشعب كاوتش ما شاء الله و لا قوة إلا بالله فرق كبير و واضح بينه و بين الباروم من حيث الهدوء على الطريق و النعومه و كمان الفرامل لقيتها حاجه تانيه خالص ما شاء الله العربية استجابتها للتوقف بقت افضل بمراحل من الكاوتش القديم لكن حابب اوضحلك ان الكاوتش برضه زحف مني بس ده لمسافه بسيطه جدا و كان اللي قدامي وقف مره واحده على الاوتوستراد و الحمد لله لحقت نفسي، خد بالك ان عربيتنا مافيهاش abs اللي هو مانع الانزلاق او Anti Block System و هو نظام اوتوماتيكي لعدم غلق العجل عند الضغط على الفرامل يعني العجله بتزحف لما تبقى دايس فرامل على الآخر و العربيه كانت ماشيه على سرعه عاليه و القصور الذاتي للعربيه مخليها لسه واخده قوة اندفاع و ماشيه النظام ده بالعاميه بيكارك الفرامل اوتوماتيك، و عشان احنا ماعندناش في اللوجان ABS او متقلب من عربياتنا في التوكيل فانت ممكن تكارك للفرامل لو لقيت العجل لا قر الله بيزحف و انصحك تقرا في الموضوع شويه هتفهم الفكره لو كان كلامي ما وضحهالكش
في النهاية انصحك و عن تجربة بيوكوهاما سي درايف، و ربنا يستر طريقك و طريقنا كلنا
و دلقتى معانا كمان اليوكوهاما C DRIVE و ده لينك بيأكد أن كلام حضرتك مظبوط
Renault Logan Tyres | the online tyre guide
حتلاقوا فيه الكاوتش اللى بيركب فى اللوجان الأنواع و الأداء و الميلات المقطوعة و حتلاقوا فعلا أن اليوكوهاما C DRIVE جيد فعلا
Yokohama C Drive 2موجود فى مصر و ألا اللى موجود فى مصر Yokohama C Drive بس
ناس كتير جربتو و بتشكر فيهاقتباس:
المشاركة الأصلية كتبت بواسطة adel_edrees
ده لينك بيوضح الأنواع اللى فيها المقاس بتاع اللوحان 185/65/15 اللى نزلت من أغلب الشركات يعنى ممكن نوع ممتاز ينزل المقاس ده لكن لا النوع و لا المقاس موجودين فى مصر ماعدا برضه اليوكوهوما C DRIVE الغريب أن ال REVIEWS على
Yokohama C Drive 2
مش مشجعة خالص و أن Yokohama C Drive أعلى منه بمراحل
185 65 15 Tyres reviews | the online tyre guide
Michelin Alpin A4 (36)Bridgestone Blizzak LM32 (4)Goodyear UltraGrip 8 (40)BFGoodrich gGrip (18)Dunlop SP Winter Sport 3D (20)Yokohama C Drive (30)Michelin Energy Saver (61)Vredestein Quatrac 3 (35)Nokian All Weather Plus (2)Continental Sport ....... 3 (157)Kumho Ecsta KU31 (125)Michelin Energy Saver Plus (4)Michelin Energy E3A (8)Barum Brillantis 2 (18)Goodride SP06 (13)Barum Brillantis (10)
دول بالترتيب الكاوتش اللى بينزل للوجان من الأحسن الى الأوحش فى حاجات مش موجودة فى مصر و برضه اليوكوهاما سى درايف مازال هو القيمة مقابل المال
ياجماعة الإحصائيات دي لا تعبر عن شئ لأنها تعتمد علي عدد الناس اللي إدت صوتها لكل كاوتش و تقييماتهم لكل خاصية في الكاوتش بنسب مئوية ( الراحة .. الصوت .. تجميع الفرامل ) ودي اراء تختلف من شخص للتانى .. بعيدا عن كل الهري ده و الأنواع الكتير دي اللي نصها مفيش ف مصر .. احنا رسينا علي نوعين .. بريدجستون تورانزا و يوكوهاما سي درايف .. بريدجستون ماركة معروفة و أداؤه جميل في السفر و القيادة داخل المدن بس غالي شوية لو الفلوس ماتفرقش معاك هاته ومش هاتندم .. اما اليوكوهاما فاهو كاوتش جميل برضه و فيه نفس مميزات البريدجستون بس يفيد اكتر ف القياده داخل المدن و ارخص شوية من البريدجستون فا لو مش بتسافر بالعربية كتير و الفلوس تفرق معاك هاته
روحت النهاردة الحجز فردتين كانوا من شركة كدة يوغسلافى سالت عليهم لاقيتهم خلصوا والراجل قالى ان الفرد الموود كهومو التركى و ب 470 جنية الواحدة وقالى فى بكرة حاجة تركى جايلى قولتلوا اية الفرق
قلى الكوهوموا بتستحمل السرعات العالية 180 و 170 اما التركى دى اخرها معاك 120 و 130
معدل الاحتكاك مع درجة الحرارة اللى كان مشروح هنا فى نايل موترز
فخدوا بالكوا من الموضوع للى بيمشى سرعات عالية يجيب حاجة بتستحمل انما اللى مش بيعدى الـ 100 زى حالاتى
ممكن حتة تركى حلوة تفضل معاه قشطة ويوفر حوالى 90 - 100 جنية للفردة الواحدة
الله عليك .. فعلا هما نوعين تختار منهم .. و انا ارشح السى درايفاقتباس:
المشاركة الأصلية كتبت بواسطة wassim_nasser
يبقى تأكيدا لكلامك كده أحنا أنتهينا و قفلنا باب الحوار فى الموضوع ده أن أحنا يا أما بريدجستون تورانزا أو يوكوهاما سي درايف بيدوا أداء جيد مع الفرامل و الأتزان كويس و الراحة و النعومة كويسيناقتباس:
المشاركة الأصلية كتبت بواسطة wassim_nasser
بالظبط كدة .. مع أخذ العلم ان سى درايف اختصار ( سيتى درايف ) يعنى هايكون كويس جوة المدن .. في السفر مش هايقول لأ طبعا بس البريدجستون ( في رأيى ) أفضل في السفر .. و كل واحد يحدد النوع اللي هايجيبه بحسب ميزانيته و احتياجاته
بصراحه ما اعتقدش خالص ان في شركه هاتصنع فردة كاوتش وتنزل السوق ويكون اخرها تمشي بسرعة 120 او 130 !! دي ما تتباعش خالص اصلا ,, خصوصا ان سمعة الكاوتش التركي دلوقتي فالسوق حلوه جدا بالنسبه لماركات تانيه كتير ,, دا رايي , ولو ممكن حد يقولنا رايه تاني ,اقتباس:
المشاركة الأصلية كتبت بواسطة ayman1204
أحنا خلاص حصرنا أختياراتنا فى نوعين يوكوهاما سي درايف و بريدجستون تورنزا الأتنين دول هما أنسب حاجة للوجان ثبتوا وجودهم من ناحية الفرامل و دى أهم حاجة رغم أن اليوكوهاما بيوفر فى البنزين مش عارف أزاى بس هما بيقولواكده و رغم أن الأداء بتاعه مش بطال ولكن يبقى البريدجستون على القمة علشان كده الواحد محتار ما بين الأتنين
إذن الميزانية تحكم .. لو تسمح بالتورانزا إتوكل ولو هاتخرم دوس ف اليوكوهاما والإتنين كويسين
انا جبت بلتس التركى الفردة 390 والمرز بتاعها h
المشكلة أن أنا جبت بريدجستون قبل كده فى العربية الشاهين و قعد معاى 70 ألف كيلو 7 سنين و عارف يعنى أيه بريد جستون لكن الميزانية مش حتجيب بريدجستون عموما الواخد يحاول يظبط الميزانية الموضوع يستاهل و كل سنة و حضرتك طيب يا أستاذ وسيماقتباس:
المشاركة الأصلية كتبت بواسطة wassim_nasser
اقتباس:
المشاركة الأصلية كتبت بواسطة ayman1204
1000 مبروك يا ياباشا عالكاوتش البتلس الجديد ,, ممكن تقولنا مقاسه كام ؟ ومواصفاته ايه بالظبط ؟؟ وياتري جايبه من عند مين ,,؟. وطبعا رايك فيه بعد الاستخدام ؟؟طري ولا ناشف .؟ صوته عالي ولا واطي ؟ الثبات بتاعه عامل ايه . كدا يعني ,, عشان في ناس كتير شكرت فيه وبصراحه عاوز اجربه .. شكرا ليك .
اقتباس:
المشاركة الأصلية كتبت بواسطة adel_edrees
ما شاء الله لا قوة الا بالله ,, البريدجستون كاوتش لاااااااا يقـــــــــــــــــــارن ,,, ربنا يباركلك ويحفظ الجميع ..