الموضوع: أنا عايز الخلاصة فى موضوع الكاوتش و ياريت كل اللى غير يقولنا

المشاركة الأصلية كتبت بواسطة hossam eldeen

حد ياجماعه يأكدلنا او ينفي موضوع شراكة (بريدجستون مع لاسا تركي ) دا عشان بجد اول مره اسمعه ,, اعتقد ان دي هاتبقي حاجه جميله اوي لو طلع صحيح

الكلام ده أكيد ، لاسا بتعتمد فى تصنيعها على تكنولوجيا بريدجستون وده موضح فى اللينكات التالية
وتوكيل لاسا (ويوكوهاما) مع غبور حالياً

LASSA is a joint venture partner with Japanese giant Bridgestone Corporation.

Ghabbour Auto

Lassa Corporate

بص يا باشا انا كنت محتار زيك كده بالظبط بين اليوكوهاما سي درايف و البريدجستون تورانزا gr90، و بعد الفحص و البحث استقريت على اليوكوهاما سي درايف و الحمد لله نفذت و جبت 4 فرد من عبده امين في المعادي سعر الفرده 520 جم ، حابب اوضحلك ان اليوكوهاما ياباني زي البريدجستون و ناس كتير نصحت بيه و بتاع الكاوتش نفسه أكدلي ان معظم اللوجان بتركب اليوكوهاما سي درايف، و عن تجربتي مع الشعب كاوتش ما شاء الله و لا قوة إلا بالله فرق كبير و واضح بينه و بين الباروم من حيث الهدوء على الطريق و النعومه و كمان الفرامل لقيتها حاجه تانيه خالص ما شاء الله العربية استجابتها للتوقف بقت افضل بمراحل من الكاوتش القديم لكن حابب اوضحلك ان الكاوتش برضه زحف مني بس ده لمسافه بسيطه جدا و كان اللي قدامي وقف مره واحده على الاوتوستراد و الحمد لله لحقت نفسي، خد بالك ان عربيتنا مافيهاش abs اللي هو مانع الانزلاق او Anti Block System و هو نظام اوتوماتيكي لعدم غلق العجل عند الضغط على الفرامل يعني العجله بتزحف لما تبقى دايس فرامل على الآخر و العربيه كانت ماشيه على سرعه عاليه و القصور الذاتي للعربيه مخليها لسه واخده قوة اندفاع و ماشيه النظام ده بالعاميه بيكارك الفرامل اوتوماتيك، و عشان احنا ماعندناش في اللوجان ABS او متقلب من عربياتنا في التوكيل فانت ممكن تكارك للفرامل لو لقيت العجل لا قر الله بيزحف و انصحك تقرا في الموضوع شويه هتفهم الفكره لو كان كلامي ما وضحهالكش

في النهاية انصحك و عن تجربة بيوكوهاما سي درايف، و ربنا يستر طريقك و طريقنا كلنا