السياره سقطت في الفحص بسبب زيت كاسترول ماجنتك
للاسف اول امبارح كان عندي ميعاد للفحص الفني وطبعا دوس دوس ولكن للاسف قلي عندك دخان محرك :01964e~163: انا طبعا مكنتش متخيل لاني لسه مشتري السياره من ٣ شهور بالضبط وطبعا فحصتها كمبيوتر ماكينه وجير وشاسيه والسياره مكانش فيها حاجه طبعا انا اول ماشريت السياره تاني يوم بشيك عليها لقيت الزيت ناقص حوالي ٢ كيلو واسود بطريقه كبيره الله يسامحه صاحبها شكله مغيرلهاش زيت من يوم ما اشتراها وانا بصراحه مبصتش علي الزيت في وقت الشراء بسبب اني كنت معتمد علي الفحص والسبب الثاني اكيد السياره سخنه ومش هعرف اتأكد من الزيت مضبوط طبعا غيرت لها الزيت والفلتر والزيت غيرته تيتان وفضلت استعملها لغايه حوالي ٢٠٠٠ كيلو وقلت انزل الزيت بسرعه علشان نظافه للموتور بعد الي شافه من صاحبها القديم علما ان التيتان كنت بغيره علي ٥ الاف وطبعا طول المسافه دي الزيت كنت متابعه وما نقصش ولا حاجه طوال ال ٢٠٠٠ كيلو ونزل نضيف كمان وبعد التيتان قلت اجرب الكاسترول ماجنتك وفعلا غيرت لها كاسترول وغيرت الفلتر وبرضه كنت متابع الزيت لقيته بينقص المهم ما اخدتش في بالي واستعملتها وكنت افتكر ان عندي تهريب ولا حاجه وخصوصا ان النقص ذاد ووصل الي حوالي لتر واكثر في مسافه حوالي ٢٣٠٠ كيلو وطبعا رحت للورشه الي فحصت عندها قبل كده علشان احكيله الي حصل وخصوصا انه معرفه كويسه وفعلا خليت اخوي يدوس بنزين ووقفنا انا وهو نشوف السياره وفعلا طلع في دخان خصوصا لما ترفع رجلك عن البنزين وتدوس مره تانيه وتوصل الضغط فوق ٣ ونصف او ٤ بيطلع دخان اسود واحيانا مائل للرمادي او الزرقه الخفيفه خالص وطبعا الطخان علي خفيف يعني لا يلاحظ بسهوله طبعا السياره ٣٢٥ موديل ٢٠٠٤ وماشيه حاليا ١٣٨ الف كيلو
ايه الحل ارجع للتيتان تاني وخصوصا اني مجربه علي نفس السياره وسيارات اخري قبلها ولا اجرب الكاسترول ايدج ولا ايه رأيكم
