الموضوع: السياره سقطت في الفحص بسبب زيت كاسترول ماجنتك

شكرا ياجماعه علي اهتمامك وردودكم بس المشكله مش في الفحص !! الفحص امره سهل وليه اكتر من حل انا الي محيرني ان السياره سحبها ممتاز وعزمها قوي لدرجه ان اخوي معاه ٣٣٠ موديل ٢٠٠١ وبطلع بسيارته وسيارتي وملاحظ ان السحب عندي افضل من عنده في البدايه وحتي كمان علي سرعات والشئ الثاني لما غيرت زيت تيتان في البدايه مكانش في حاجه وما فيش زيت نقص طوال حوالي الفين كيلو ولما فحصت السياره علي الكمبيوتر برضه مكانش في حاجه المشكله دي ظهرت لما غيرت الزيت الي كاسترول ماجنتك ؟؟؟؟

تفتكرو الماجنتك خفيف مثلا وسرب الي غرفه الاختراق وان الزيت التخليقي او النصف تخليقي فات اوانه خلاص بالنسبه لي والافضل اني ارجع للمعدني تاني ولا مثلا ممكن يكون بلف التلاجه جاب اخره بفعل الزيت الماجنتك وخصوصا ان الزيوت التخليقيه بتسبب تأكل للجلود الي عمرها اكتر من ٥ سنين ومعروف بلف التلاجه ومشاكله خصوصا في البي ام وكثيرين بيشتكو من رجفه في الماكينه وحرق زيت من ملاك البي ام

وايه رأيكم في الكاسترول ايدج سبورت وخصوصا انه ١٠ /٦٠ ولا برضه انساه علشان تخليقي وارجع للمعدني تاني

لا الفحص في الكويت

المشاركة الأصلية كتبت بواسطة x_gomgom

انا بصراحه معنديش معلومات عن موتور البي ام بس الموتور لما بيخف بيسحب بسهوله لان الاحتكاك بين الشنبر و جدار البستم بيقل و موضوع ان الدخان دا بيطلع عقب التحويل لزيت تخليقي دا دليل ان طقم الشنبر مش حاكم كويس مع البساتم و لما الزيت بيكون خفيف او تخليقي بيعدي بسهوله الى غرفة الاحتراق....
زيت الشنبر و الزيت التقيل هيمنع الدخنه لكن دا مسكن و يبقي في خلوص بين الشنبر و جدار غرفه الاحتراق....
برضه يرجع لرجالة البي ام في المنتدي عشان يفيدوا حضرتك في موضوع بلف التلاجه

ما اعتقدش الموتور لما يخف هيبقي سحبه اشد بل بالعكس هيبقي سحبه اقل علشان هتبقي في طاقه مهدره وهي التي تتسرب من خلوصات الشنابر الي اسفل وفي الحاله دي بتلاقي الزيت بيسود بسرعه نظرا لتسرب الحرق الي اسفل بينما لو كانت الخلوصات صغيره ومحكمه الموتور كبسه بيكون اشد نظرا لعدم تسرب اي حريق الي الاسفل وتستغل طاقه الحرق كامله في دفع البستم الي الاسفل وفي الحاله دي بتلاقي الزيت بيحتفظ بلونه لاطول فتره ممكنه وده غير ان السحب بيكون اشد وحتي لو تلاحظ الكلمه الدارجه بين ابائنا قديما وما زال البعض بيستعملها حتي الان كانو بيقولو الموتور مفوت
لو ركزت في الكلمه وفكرت يعني ايه مفوت هتلاقي ان مفوت يعني الحرق بيفوت علي تحت او في جزء كبير بينزل منه الي الاسفل من حول البستم وطبعا بتكون طاقه مهدره لانه مابيقومش بدوره الصحيح وهو الضغط علي البستم