حشتري لانوس

**hanipal..** · 11-10-2013 03:42 AM

يا جماعة انا محتاج حد يساعدني انا قدامي عربية دايو لانوس موديل 2000 عماة 142الف كم دواخل فبريكة رشة من برة نضافة واحد صحبي شفها وشكرلي فيها صحبها عايز فيها 40 الف

انا عايز اعرف المبلغ دة كويس
يعني لو شفتها و عجبتني اتوكل علي الله و اخدها ب السعر ده ولا اية
و لكم جزيل الشكر

**M I D O** · 11-10-2013 05:04 AM

اعتقد 40 الف كويس مش وحش بس حاول تنزلها ل 38

**lad** · 11-10-2013 05:45 PM

لو حالتها زى مابتقول تبقى كويسة بس حاول برده تنزل الف ولا حاجة تبقى تمام ان شاء الله

**mhi00002000** · 11-10-2013 07:19 PM

لو شنب ودواخل وموتور سليم والتكييف سليم وشغال كويس يبقى السعر لقطة لو التكييف بايظ يبقى السعر عادى يعنى سعر السوق

**saddam** · 11-10-2013 07:28 PM

صديقي.المواطن
هو ده سعرها وكمان لما تيجي تبيعها برضو هو ده سعرها فإنت تخليك.في اﻷمان حاول تنزل 1500 عشان الزيوت والفلاتر والترصيص وظبط الزوايا والكار كير وإلى اﻷمام وبالتوفيق
ودمتم للنضال

**hanipal..** · 11-10-2013 11:47 PM

شكرا يا جماعة علي الردود

**raedegypt** · 14-10-2013 12:45 PM

خلى بالك 142 الف فى مصر بتكون العربيه انتهت وعمك الميكانيكى عدلوا فيها لما بقت عربيه تويوتا ... هات زيرو اميجراند 80 الف وممكن تقسطها وتريح دماغك من المستعمل وفى مصر بالذات وانت عارف الحوداث والشوارع

**القبطان عزوز** · 14-10-2013 01:21 PM

كل سنه وانتم طيبين يا احلي منتدي في الدنيا
بالنسبه للسعر هو كويس بس هي فيها رخصه قد ايه وعايزك تتأكد من حالة الموتور وانها مرشتش من جوه وشوف العربيه حالة البرومه ايه نظامها لان اكيد فيها برومه وشوف حالة الكاوتش واتاكد ان التكييف بيسقع مش بيطلع هوا بس مع العلم انك هتصرف عليها تغيير زيت وفلاتر وسيور حوالي كده 1000 جنيه
انا اشتريت لانوس 2003 بــــــــ 43 الف جنيه من اسبوع واحد والعربيه ماشاء الله عليها بس مشكلتها انها جنوط 13 واطيه شويه وانتو عارفين بقي مطبات بلدنا