طنابير و تيل و كمان رومان بلي....و بعد كل ده ريحة شياط؟؟؟

**ehab666666** · 11-09-2008 01:37 PM

ياريت يا جماعة حد يقوللي اعمل اية
انا رحت انبارح للميكانيكي و عملت عنده عمره فرامل للاربع عجلات
الطنابير كانت عايزه خراطة 30
طقم تيل 45
كان في عجلة عايزه رومان بلي 80
خلاص يلعم كله تمام

انهارده الصبح و انا رايح الشغل شميت و انا بهدي دايما زي مايكون ريخة شياط
رحت واقف و حططيت ايدي علي العجلة االي قدام من ناحيتي لاقيتها سخنة و فعلا شميت ريحة شيلط من العجلة بس العجلة التانية كانت كويسة و باقي العجل الحمد لله

علي العلم ان انا ما كنتش بشم ريحة خالص قيل الحوار دا
و في حاجة كمان العربية لما مثلا بكون ماشي علي 40 و ادوس فرامل علي الاخر العربي بتاخد وقت علي ماتوقف...الميكانيكي قاللي الحكاية دي حتتظبت و الكلام ده علشان التيل لسا جديد...هل الكلام دا صح

**ahmedsrs** · 11-09-2008 09:56 PM

اصبر شوية لما التيل يطبع والسخونية دى عادية

**mrghost** · 12-09-2008 12:34 AM

بص ياباشا الشياط ده لازم لانك لسه مغير التيل هياخد وقت وبعد كده مش هتشم ريحة شياط ان شاء الله والفرامل بتكون ضعيفه اول ماتغير التيل وبتاخد كذا يوم علشان تطبع يعنى انت فى السليم

**dream_man1110** · 12-09-2008 10:07 AM

ركز معايا اخى العضو و انت بتضرب فراميل العربيه بتروح يمين او شمال !!
لان معنى عجله بتسخن و عجله لا يعنى فى طنبوره اتخرطت اكتر من التانيه
وتاثير التيل الجديد بيبان فقط على الطنبوره الاقل خرطا . موضوع الوقوف المتاخر ده رزم يكون اخدلك هوا من ورا العجل علشان تقفش بسرعه و يجعله عامر
و يستر عليك من مشاكل الفرامل

**hazem_khidr** · 12-09-2008 03:59 PM

زي الاخوه ما قالوا
التيل لسه بيطبع علشان كده الفرامل ضعيفه
و بعدين ريحه الشياط دي انا ما اعرفش بصراحه.
بس لعلمك خرط الطنابير مش حاجه كويسه
الطنابير لما بتتخرط بتسخن
و لما بتسخن بتسخن شحم البلي
و لما شحم البلي بيسخن بيسيح
و يبقي البليه ماعليهاش شحم
تقوم البليه تفرط.
فنصيحه المره الجايه غير الطنابير ما تخرطهاش