عاوز دواسات وفرش للبيجو 301

**mans336** · 11-10-2013 11:39 AM

السلام عليكم ورحمة الله وبركاته
الحمد لله استلمت بيجو 301 هاى لاين
عاوز دواسات نضيفه ليها .. اجيبها منين؟؟؟
انا سمعت انها موجوده فى التوكيل لو حد يعرف بكام ياريت يقولى ولا اجيبها من بره ولو من بره اجيبها منين؟؟؟؟
وعاوز اعمل كسوة لفرش العربيه .. اجيبه جاهز واركبه من اى حد بتاع كماليات واجيب حاجه نضيفه ولا اعمل واحد عند جينز كار وياريت التكلفه عندهم لو حد يعرف؟؟

**mahmed0100** · 11-10-2013 11:48 AM

متابع

**Naa22** · 11-10-2013 12:53 PM

I was asking also about Peugeout 301, When did u buy it? how much? from where?
What is your opinion about it? Why did you chose it & what cars were you comparing between?

**Haitham G** · 11-10-2013 02:53 PM

الدوسات موجودة فى التوكيل وليه مكان تتثبت فيه فى ارضية العربية وفى نوعين
الشمواه ودى سعرها 270 جنيه
الجلد ودى سعرها 390 جنيه
بالنسبة للفرش افضل التفصيل بيكون مظبوط اكتر وبياخد شكل الكرسى بالظبط ولو حتعملوا يبقى جينز كار تقريبا حسب ذاكرتى الاسعار عند جينز كار بتبتدى من 900 وتوصل الى 2000 وبتفرق فى الخامات و الخيوط دبل ولا عادى و الكلام ده فى النهاية اللى اقصدة السعر حيتحدد حسب اختياراتك عندهم و بالتوفيق

**medori** · 11-10-2013 03:35 PM

المشاركة الأصلية كتبت بواسطة Haitham G

الدوسات موجودة فى التوكيل وليه مكان تتثبت فيه فى ارضية العربية وفى نوعين
الشمواه ودى سعرها 270 جنيه
الجلد ودى سعرها 390 جنيه
بالنسبة للفرش افضل التفصيل بيكون مظبوط اكتر وبياخد شكل الكرسى بالظبط ولو حتعملوا يبقى جينز كار تقريبا حسب ذاكرتى الاسعار عند جينز كار بتبتدى من 900 وتوصل الى 2000 وبتفرق فى الخامات و الخيوط دبل ولا عادى و الكلام ده فى النهاية اللى اقصدة السعر حيتحدد حسب اختياراتك عندهم و بالتوفيق

هتلاقى الدواسات برة عند أى حد بتاع اكسسوارات عريبات او بتاع فرش، سعرها يتراوح ما بين 65 ل 120 جم تقريبا

انا كنت بفكر فى موضوع الفرش دة برضة رغم انى مش بستريح فى الكراسى الجلد و بتسخن جامد اوى فى الصيف و بتعرق، بس قولت العربية جديدة و عايز احافظ عليها و كدة بس لقيتة عشان يكون حاجة جامدة هيبقى فى حدود 1500 و انت طالع فنفضت بصراحة
فى موضوع لسة شايفة فى قسم الاكسسوارات عن واحد لسة مركب فرش ب900 جم تقريبا و بيشكر فية، ممكن تبص علية http://www.nilemotors.net/Nile/339393-a-5.html

**Ahmedshalaby** · 11-10-2013 03:45 PM

هل فرق السعر دا يستاهل نجيبها من التوكيل
و هل موضوع انها بتتثبت في الارضية دا يستاهل

**mans336** · 11-10-2013 05:21 PM

المشاركة الأصلية كتبت بواسطة naa22

i was asking also about peugeout 301, when did u buy it? How much? From where?
What is your opinion about it? Why did you chose it & what cars were you comparing between?

استلمت العربيه امبارح الحمد لله بـ 142 الف هاي لاين من موزع بيجو فى اكتوبر عند الحصرى
العربيه سوقتها مره واحده وانا مروح بيها ع البيت بس علشان لسه الورق بتاعها هستلمه بعد العيد وانا خايف امشى بيها اليومين دول من غير نمر علشان القلق اللى فى البلد بس الحمد لله العربيه كويسه بس لسه طبعا مجربتهاش اوى
اخترت العربيه بعد التقارير الحلوه اللى قريتها عليها وقارنتها بعربيات كتير فى نفس السعر وكنت استقريت على تيدا هاتشابك بس الشكل هو اللى حسم الموضوع

**mans336** · 11-10-2013 05:22 PM

مش عارف انا اول مره اسمع عن موضوع ان ليها مكان للتثبيت .. ياريت اللى يعرف يتأكد من الموضوع ده وهل فرق السعر يستاهل علشان اجيبها من التوكيل؟؟؟؟
وبالنسبه للفرش ان شاء الله بعد ما ارخص هروح اعمله عند جينز كار

**amrelsaqqa** · 11-10-2013 05:43 PM

ليها ياباشا اماكن للتثبيت ، بص في الارضية عندك من تحت هتلاقي بروزات بلاستيك اسطوانية طالعة من الارضية والدواسة تبقى مخرومة وتبات فيها ( يعنى ممكن لو عملت خرمين في اي دواسة عادية تنفع برضه )

**Haitham G** · 11-10-2013 06:01 PM

المشاركة الأصلية كتبت بواسطة amrelsaqqa

ليها ياباشا اماكن للتثبيت ، بص في الارضية عندك من تحت هتلاقي بروزات بلاستيك اسطوانية طالعة من الارضية والدواسة تبقى مخرومة وتبات فيها ( يعنى ممكن لو عملت خرمين في اي دواسة عادية تنفع برضه )

الكلام ده مظبوط بس انا شخصيا بشتريهم من التوكيل وان كنت بفضل الشمواه فى الشكل ودى اللى عندى لكن الجلد طبعا عملى اكتر بالنسبة لموضوع النضافة وكده بس انا معايا مكنسة للعربية فمش فارق معايا الكلام دهوكمان المقاس مظبوط بالظبط ولا تقصرهم وتظبطهم والكلام ده وخصوصا اللى ناحية السواق علشان متجيش تحت الدواسات وفى الأخر بيكون مكتوب عليها موديل العربية .
وطبعا ده مش معناه ان الدواسات من بره وحشة بس انا شايف بتاعة التوكيل شكلها اقيم ( رأيى الشخصى )