الموضوع: فتيس الصني

كل سنة و كل رجالة نيسان بخير و طيبين :)

كنت كتبت مشكلة من حوالي 9 شهور علي فتيس النيسان في الموضوع ده

http://www.nilemotors.net/Nile/338712-a.html

و بعديها ركنت العربية و اعتمدت علي السيراتو في مشاويري الفترة الي فاتت دي كلها بس كنت بدورها و بغير ركنتها مش راميها

و دلوقتي بقالي اسبوع بدور علي حل لمشكلة الفتيس الي انا لسة مصلحتهاش

رحت لواحد بتاع كمبيوتر بس معتقدش انه كشفلي علي العربية كلها خصوصا ان العربية في الشرقية ( يا ريت لو حد يعرف حد بتاع كشف كمبيوتر كويس يقولي )

المهم الراجل ده طلعت منه بحاجة واحدة بس و هي ان حساسات الفتيس سليمة و زي الفل بس قالي ضغط زيت الفتيس 4.5 و ده قليل غير الزيت !!!!!

رحت جبتلها زيت فتيس تويوتا مع اني لسه جايبلها موبيل بس قلت مش مشكلة .. و غيرته عند مركز صيانة المرسيدس الي بتعامل معاه ( عشرة بقي و كدة )
الراجل حل مخ الفتيس و غيرلي الزيت و قالي مخ الفتيس زي الفل هو كمان غسله و نضف الصفاية دي ولا مش عارف ايه بالبنزين و غير الزيت و ركبه تاني و قالي جرب

سحب العربية علي الطريق مع زيت تويوتا و بعد تنضيف المخ تحفة بصراحة و اختلف تماما ... بس نفس مشكلة النتشة و التعليقة دي لسه موجودة

المهم رحتله تاني قالي ميكانيكا الفتيس مفيش فيها أي مشكلة .. دي عاوزة كهربائي فتيس يشوف كومبيوتر الفتيس او فيشة الكونترول

من المواضيع الي قريتها في المنتدي ان ضفيرة كهربة النيسان ممكن تعمل مشكلة زي دي

طيب دلوقتي عندي 3 احتمالات . كومبيوتر فتيس / فيشة كونترول / الضفيرة

و انا شاكك في الكهربا الصراحة لان المشكلة افتكرت انها حصلت بعد غسيل العربية

طيب دلوقتي لو كشفت عليها في التوكيل .. مودرن موتورز نصب علني بيقولي الكهربا ب 150 و الفتيس ب 150 ... طب انا حاختار اي كشف فيهم ؟ يعني يكشفلي فتيس يقولي لا سليم اكشف كهربا ب 150 تانين !!

لو حد يعرف حد بتاع فتيس كويس في الشرقية او علي الاقل كشف كومبيوتر كامل و نضيف يا ريت يقولي

او حد يقولي أتصرف ازاي في المشكلة دي و يا ريت حد يقولي صيانة الحاجات دي بتتكلف كام او أعملها فين في الحرفيين و أخلص

شكرا مقدما :)

روح التوكيل فعلا فى الموضوع ده واطلب الكشف على الاتنين