سؤال للاخوان الخبراء وللفائده اذا واحد حب يشتري سياره فكيف يعرف ان عداد الكيلومترات مضبوط وان المسافه القطوعه هي حقيقيه ومش ملعوب فيها
عرض للطباعة
سؤال للاخوان الخبراء وللفائده اذا واحد حب يشتري سياره فكيف يعرف ان عداد الكيلومترات مضبوط وان المسافه القطوعه هي حقيقيه ومش ملعوب فيها
في البداية كده .. خلي موضوع العداد اخر حاجة تهمك
الاهم من ده حالة العربية نفسها .. موتورها عفشتها فابريقة ولا لا
يعني عربية عاملة 100 الف كيلو بس اللي كان بيسوقها مظبطها وبيتابع صيانتها
احسن من عربية ماشية 50 الف كيلو وحالتها زي الزفت
مثلا لقيت عربية حالتها صعبة جدا وعدادها مثلا 30 الف كيلو .. طبعا حتشك فيها
الخلاصة .. حالة العربية هو المعيار الاهم .. وطبعا لازم تكشف كمبيوتر على العربية
كل اللي قلتوه انا عملته واكثر شي يخوفني هو الماتور
انا هقول كلام وعارف انه مش هيعجب البعض ..
ولكن مهنة تجارة السيارات بقت اسوأ من تجارة المخدرات حاليا * مع كامل احترامى *
معظم من يشتغلو فيها يعتمدون على اساليب عديده للنصب والاحتيال واهمها موضوع العداد ..
انا كنت بايع عربيتي كيا شوما ماشيه 210 الف كيلو .. بعدها بشهرين لقيتها نازله على كونتاكت وكاتب عدادها 120 وراشه نضافه وهي كانت واخده خبطات و كلام كتير فاضي ......
..
بمنتهي البساطه انت لو خلعت ترس السرعه وال abs من العجله الى قدام شمال كده العداد وقف وبالتالى عداد الكيلومتر وقف ..
كذلك الامر معظم التجار لما بيشترو عربيه ويحطوها فى معرض للايجار بيشترو كوبلن مفيهوش مشرشر عشان العداد ميشتغلش والكيلوهات متعدش ولما يجي يبيعها يقولك يابيه دي عربيه زيرو وهي عربيه اخدت مصر كلها فحت وردم
وساعتها لا كمبيوتر ولا الجن الازرق هيعرف ان العربيه دي عدادها مش حقيقي لانك فصلت الحاجه الى بتعرف العجل بيتحرك ولا لأ ..
ده كله كوم ولو اشتريت عداد تانى كوم ( معرفش بينفع فى الاوبل ولا لأ بس هو شغال فى ال bmw زي الحلاوه )
صديقي المواطن
لو العداد ملعوب فيه حتى الكومبيوتر مش حيكشفه والمعيار اﻷساسي هي نظافة العربية وإعتناء صاحبها بها أنا عندي وحده من عربباتي عاملة تقريبا 220 ألف قول ربع مليون تعال إسمع صوت المحرك بحطلها الزيت وبنزله على 20 ألف ومش.بينقص قيد أنملة وبالتوفيق
ودمتم.للنضال
القيادة والكشف في مكانين والمنظر العام من.بعد هو معيارك الاساسي للشراء وليس العداد
العداد مش مقياس بس خلي بالك القراءه للعداد مبتتغيرش في الكونترول لاكن علي العداد بيتلعب فيه عادي جدا بجهاز كشف الاعطال وده في موديلات عاليا زي الفيكترا سي والاسترا اتش لاكن فيكترا بي ممكن يتمسح من الكونترول سهل وممكن العربيه تكون مغيره كونترول ومسقطه مكنه او مغيره عداد الخلاصه زي ما الشباب افدوك اهم حاجه الحاله في العربيات الحاله ومتركزشي علي العداد اسمع صوت المكنه وهي بارده وبعد متسخن اركب العربيه وجربها بنفسك حتحس العربيه حالتها كويسه ولا متهانه الصالون بتاع العزبيه متهان ولا كويس وبزات لو الفبريكه في واحد قالي حاجه بسيطه تعرف اذا كانت العربيه ماشيه كتير ولا لا قالي بص علي دواسه البنزين البدال نفسه لو اتاكل او اتمسح تعرف ان العربيه دي عاليها هرس كتير وتقبل مروري وشكرا
حد يفيدني لما تدخل على تست مود المعلومات التاليه ايه دلالتها
hw
lc
mc
dimm
rc
rtc
ack
store
tc
اوبل الرقم متسجل على الكنترول ولا يمكن تغيرو حتى لو غيرو العداد الرقم الداخلى لا يتغير بس من اول فيكترا سى واسترا اتش القديم لا