سوبارو xv و اوبل استرا

**J A G U A R** · 11-10-2013 11:50 PM

الاسترا افضل

**janagabr** · 12-10-2013 06:25 AM

الاسترا طبعا انما الامبريزا تحس انها فاضية بص علي الاسترا كوزمو شياكة وتابلوه فحيط اداء اتزان كل اللي يحبة قلبك

**tefafathy1** · 12-10-2013 11:03 AM

انت عاوز ايه ؟؟ ده المهم .. لان العربيتين مختلفين .. يمكن لو بتقارن بين الأمبيرزا و الاسترا هقولك ماشى فيه الاتنين من فئه السيدان و هنبدأ نتكلم عن المقارنة .
الـ xv ليها مميزاتها و الأسترا ليها مميزاتها.
سوبارو xv مثلا ( دفع رباعى - موتور اقوى - تقفيل يابانى - ارتفاع عن الأرض كبير مع ثبات عالى - اداء اقوى - اعتمادية اعلى - وكيل محترم و ناس فاهمه فى العربية )
الأسترا ( اوبشنز حدث ولا حرج ) بس يعاب عليها من كلام بعض الناس اللى اعرفهم معرفه شخصية التوكيل , و دى كانت شكوى اكتر من حد اعرفه, طبعا بالأضافه لفارق الوسع الداخلى وخصوصا فى الجزء الخلفى.

وربنا يوفقك للى فيه خير ليك.

**buddha** · 12-10-2013 11:40 AM

سوبارو ...... الافضل على الاطلاق حتى لو بدون اى اوبشن
الطرق المصرية خطر جدا
والسوبارو فيها ثبات احترافى

بالنسبة لى شخصيا اختار الثبات فى المقدمة قبل الدخول فى اى تفاصيل كقوة الموتور ووفرة الاوبشنز

**janagabr** · 12-10-2013 12:33 PM

المشاركة الأصلية كتبت بواسطة buddha

سوبارو ...... الافضل على الاطلاق حتى لو بدون اى اوبشن
الطرق المصرية خطر جدا
والسوبارو فيها ثبات احترافى

بالنسبة لى شخصيا اختار الثبات فى المقدمة قبل الدخول فى اى تفاصيل كقوة الموتور ووفرة الاوبشنز

يعني هو ثبات الاسترا هو اللي مراجيح انتوا بتتكلموا في عربيتين ثباتهم جامد ومفيش فرق وبالنسبة للارتفاع مش هيفرق لان الاسترا عالية وعمرها ما حكيت في اي مطب حتي لو محمل فيلة معاك

**buddha** · 12-10-2013 04:26 PM

طبعا الاوبل ثبات جميل بس .... فى نقطة هنا ان السوبارو 4x4
وعشان النقطة دى بالزات اقولك ان الاسترا لن تقارن بالسوبارو فى الثبات
السوباروا فى الاصل سيارة سباق مثلها مثل الهوندا

وبالتالى ثبات وقوة تحكم وقوة موتور لا يقارن بسهولة مع سيارات عادية
ممكن الزملاء الافاضل بيرشحوا الاسترا لانهم جربوها بس مجربوش السوبارو.......

عموما هى جميعها اختلاف وجهات نظر ووجهة نظرى الشخصية فقط انحاز جدا للسوبارو وخصوصا لو كان ال عايز يشتريها غاوى جرى ونمط السواقة بتاعة خطر يبقى الاجابة سوبارو بدون تفكير

اخيرا انا احترم اراء جميع السادة الاعضاء وبتعلم منهم

**Kareem.ElAraby** · 13-10-2013 01:16 AM

المشاركة الأصلية كتبت بواسطة toni4toni

تفتكر الفرش ممكن يديها شكل مختلف؟
صعبان عليا اركب عربية بالمبلغ ده مفيهاش sensors

و بالنسبة للdvd فهل ممكن تركيبه فى مكان الكاسيت عادى, خصوصا ان التابلوه فاضى و فقير جدا جدا

روح بنفسك جينز كار و الحاج أحمد أو أستاذ عبد الفتاح أو عبد الله ابن الحاج أحمد يوروك الفرش و خياطته عامله ازاي هم عملوا كذا عربيه هناك
بتقلب 180 درجه شكل العربيه
و قريبي معاه ال xv البيزيك
و انا اللي قولتله كده الفرق اير باجز و التأمين بيشلني 25 % في حاله الحوادث لا قدر الله غير كم تعقيدات السينسورز
طاره ملتي ما دخلتشي دماغه
فاميه ,رجل ما عجبوش نفس الفكره مع العلم العربيه ازازها عليه طبقه كده زي ال في كول و ده كلام التوكيل و ديه اتلاحظت في الشمس
فرش جلد , ما كيفنيش جودته
قولتله هات البيزيك و هأعملك انا الفرش و لو طلع أي كلام أو ما عجبكشي الفرش عليا :]
و الحمد لله هو جاب ال xv بدل الامبريزا لانني كنت بأتكلم معاه علي الامبريزا
العيب كمان هو الشنطه بتاعتها ضيقه أوي مش بتاعه سفر
لكن في المقابل وفرنا مبلغ حلو ينفعوا في الايام الغبره ديه
و ال صوت حلو بتاع الكاسيت الفابريقه بتاعها
اسأل في التوكيل عليه ال dvd و شوف

شوف يا باشا
انا مش ميال لاوبل نهائي ليه
فيه عشرميه سبب
بدأيا توكيل عره بطيخ نهايه للتكنولوجيا الالماني و التعقيدات بتاعتها و مش أي حد يمد ايده فيها
الاسترا كماليات و شكل
لكن كأمان و فرامل و ستابيليتي و مناوره غير ان الxv عاليه عن الارض فمش هتشيل هم المطبات و الحفر و ده مش علي حساب الثبات نهائي
انا بأحب السوبارو عن الاوبل الصراحه لكن القرار بتاعك انت في الاخر
و التكيف بتاع الياباني مش محتاج انني أقولك عليه لا يقارن بالاوروبي أو الالماني
بالتوفيق

**tefafathy1** · 13-10-2013 10:26 PM

و بالمناسبة لو بتقول ان اللى صعبان عليك تركب عربية مافيهاش سنسور بارك .. انت عارف السينسور بكام ؟؟
فى التوكيل بالتركيب حوالى 500 جنيه .. و الكروز كونترول تقريبا 1600 جنيه .. و انا بعتبر ان دول اكثر الاوبشنز استخدام بالنسبالى .. ايه تانى يميز الاسترا فى الاوبشنز ؟ فرامل يد كهرباء ؟ هل دى ميزة ؟ سنسور نور ؟ هل ده اوبشن قوى ؟ طبعا دى وجهات نظر و احتياجات و اذواق شخصية لكن انا بتكلم عن رايى الشخصى واللى شايف فيه بصراحة ان السوبارو فيها حاجات مش هتتفهم ولا هتتحس غير من اللى ساقها بنفسه..

**M7md86** · 17-10-2013 08:20 PM

المشاركة الأصلية كتبت بواسطة m9501

انا هشتري استرا ان شاء الله بس الcosmo موديل ٢٠١٤ ب١٩٤ الف ؟
انا عرفت من شوية معارض ان ال ٢٠١٤ هتنزل بنفس ثمن ٢٠١٣
انا كنت خلاص هشتري الcosmo ب١٨٧.٥الف السعر الاصلي كان ١٩٠ الف بس وقفت لما عرفت ان ٢٠١٤ هتنزل بعد العيد

بصراحة الsubaru مش بتعجبني

Cosmo 2014 ب ١٩٥ الف ؟ دي ٢٠١٣ دلو قتي ب ١٨٥ الف أومال ازاي هتنزل بنفس السعر !
برجاء الإفادة لأنني برضو زي حضرتك مستني ٢٠١٤

الموضوع: سوبارو xv و اوبل استرا

LinkBack

أدوات الموضوع

عرض

-

-

-

المواضيع المتشابهه

اوبل فيكترا b ولا سوبارو امبريزا

اوبل استرا تربو سيدان و سوبارو امبريزا الجديده

معايا اوبل كورسا 1994 ومزغللة عينى اوبل استرا 2000 مع واحد صاحبى بيبيع ايه رأيكو؟

اوبل استرا و اوبل كورسا2006 ما رايكم

معايا اوبل استرا 2001 وعايز اوبل فيكترا ايكو تك راس براس

الكلمات الدلالية لهذا الموضوع

المفضلات

المفضلات

ضوابط المشاركة